VOV4.K’ho- Rơndăp cih jơnau yal chính trị tàm Pơrjum dờng Đảng dơ\ 13 đơs sùm: Lơh gơlik bơta tam gơl jơh rài lơh sa tus broă lơh gơguh jăt tàm bơta ngui geh cồng nha ală priă jền, gơguh jak bơta jak chài măy mok mờ tam gơl pa, bơceh pa…neh tơngo\ bơta kơ\p kờ` ngan ai dà lơgar bơtàu tơnguh tus dùl tu\ tơngai pa. Nàng lơh geh bơta do, bol he pal geh ală tam gơl tàm broă kơlôi, broă lơh, tam gơl pa bè bơyai lơh mờ kuang bàng.

Cau mờng chài gah lơh sa là Tiến sĩ ồng Trần Du Lịch đơs là: Broă lơh gơlik bơta tam gơl bơh rài lơh sa dê jăt tàm broă ngui geh cồng nha ală priă jền, gơguh jak bơta jak chài măy mok mờ tam gơl pa bơceh pa neh geh Pơrjum dờng Đảng dơ\ 13 cih tàm Broă lơh bơtàu tơnguh lơh sa tơngai bơh nam 2011- 2020. Tàm Pơrjum dờng Đảng dơ\ 13, broă lơh do geh lơh jăt loh làng jăt tàm bơta gi\t gùng dà bơtàu tơnguh bal bơh tu\ tơngai dê; lơh loh gơnoar broă bơh bơta jak chài măy mok dê tàm bơtàu tơnguh lơh sa mờ tàm hơ\ măy mok sồ là broă tờm nàng lơh gơlik bơta bơtàu tơnguh sơrbac mhar ngan bè cồng nha lơh geh bơh rài lơh sa dê. Jăt Tiến sĩ Trần Du Lịch, nàng lơh jăt geh bơta do, bol he pal tam gơl bồ tơngoh kơlôi sơnơng bơtàu tơnguh: A` pơnyơu bè bồ tơngoh kơlôi sơnơng bè ătbồ. Hơ\ là lơh bè lơi lơh gơlik geh bơta nàng bơceh pa uă rlau. Ătbồ bơh Dà lơgar dê là dong bơceh pa gơguh ờ go\ di là pal kơryan wơl gơ ờ. Halà dong ai mpồl lơh sa kă bro in pơgồp bal bơta tam gơl pa măy mok mờ tam gơl pa sồ hơ\ sồng lơh gơlik bơta nàng ngui niam ală hiệp định kă bro khăt gơboh rài pa bơh ală broă dong kờl.

Nàng tam gơl pa, ngui niam bơta bơceh pa, Cau mờng chài gah priă jền ồng Nguyễn Xuân Biểu đơs là, bơh gùng dà jơnau sồr bơh Đảng dê, Chính phủ pal lơh bè lơi nàng bơ\t bơtàu geh ală mpồl lơh broă nàng kờ` tơrgùm geh bơta pràn phan bơna bơh làng bol dê, mpồl lơh sa kă bro dê. Mpồl lơh broă hơ\ pal gơcèng bơta gi\t khà, song dơ pă loh làng, pleh bơta tàm tu\ lơh jăt kơrnoat boh lam, tơl anih broă gơnoar ătbồ dà lơgar dê geh dùl broă wa\ wờng krơi is. Jăt tàm bơta hơ\ geh lơh gơlik geh anih nàng mpồl lơh sa kă bro in, làng bol in iang nùs lơh broă. Ală mpồl lơh broă lơh gơlik ală tu\ tơngo\, tu\ bơsram sră mờ bơta ring bal. Ring bal tàm do là ring bal bè gùng dà broă lơh, bè broă ai càn priă jền nàng lơh jăt bơta bơceh pa. Cồng nha dờp ngui bơta bơceh pa hơ\ geh gơ jăt tàm cồng nha lơh broă bơh tơl mpồl lơh sa kă bro dê mờ ờ geh bơta bal bal ờ. Ồng Nguyễn Xuân Biểu, đơs: Đảng lam bồ, bơtòm tơrgùm geh bồ tơngoh jak kòn bơnus gùt plai ù dê tàm do. Bơh gùng dà gam lòt niam den Chính phủ pal lơh gơlik kơrnoat loh làng mờ lơh gơlik ală mpồl lơh broă mờ tơl bơnah lơh sa, tơl nă làng bol geh tu\ tơngo\ să he, nàng bơceh pa tàm mpồl lơh broă hơ\. Tu\ mờ lơh geh ù tiah lơh broă, bơh mpồl lơh sa kă bro dà lơgar tus cau lơh broă dềt tơngo\ jơnau kơlôi sơnơng bơh khi dê, mờ go\ ờdo ờdă ngan rlau jơh bè đah kơrnoat boh lam den dà lơgar do geh bơtàu tơnguh gơ.

Bè bơta bơceh pa den làng bol mờ mpồl lơh sa kă bro geh uă ù tiah khăt gơboh rlau, den tàng broă Pơrjum dờng Đảng dơ\ 13 pơn jăt tai đơs nền rài lơh sa làng bol dê là bơta gơn kơnờm bơtàu tơnguh lơh sa là dipal ngan. Jăt ồng Huỳnh Văn Minh, lài do là Kuang ătbồ Mpồl ală mpồl lơh sa kă bro [òn dờng Hồ Chí Minh dê, 2 mpồl cau tờm kuơmàng bơh lơh sa bol he dê là mpồl lơh sa kă bro tàm lơgar mờ mpồl lơh sa kă bro FDI, tàm hơ\, mpồl lơh sa kă bro tàm lơgar uă ngan là làng bol dê. Den tàng, nàng dong bơta bơtàu tơnguh bơh ală bơnah lơh sa do dê den kờ` ngan bơta tam gơl pa bè kơrnoat: Jăt a` kơlôi den là kơrnoat hơ\ pal tam gơl pa, pal dipal, lơh gơlik bơta ai ală ơnah lơh sa dềt mờ di mơ in, kuơmàng là bol he geh dềt ngan rlau tai, hơ\ sồng geh lơh sa sơnđờm mu\t lơh broă den bol he pal sền gròi tus ală bơnah hơ\ jơh bal bè nùs nhơm bal mờ phan bơna. Hơ\ là bal mờ bơta dong kờl ìa tê sơ`io broă den pal lòt bal mờ mpồl lơh sa kă bro mờ làng bol Pal jơh nùs jơh tồr ngan, den hơ\ sồng geh bơta pràn, lơh geh phan bơna pa.

Jơh ală bơta lơh gơtùi halà ờ gơtùi den kòn bơnus là jơnau lơh nền. Broă kòn bơnus pơn jăt tai geh đơs sùm tàm ală rơndăp cih bơh Pơrjum dờng Đảng dơ\ 13 dê. Cau kuang bàng hơ\ geh tơl ală bơta tơl “nùs nhơm niam” mờ “bơta jak”. Ồng Nguyễn Hữu Châu, Kuang geh jơng tàm Mpồl duh broă bơto pơlam bơta niam chài mpồl bơtiàn bơh Mặt trận dà lơgar Việt Nam dê đơs là, nàng lơh jăt geh bơta kơ\p kờ` ngan bơtàu tơnguh dà lơgar den pal bơ\t bơtàu, ròng gàr ală kuang bàng geh bơta kơ\p kờ` ngan tam gơl pa, bồ tơngoh kơlôi sơnơng tam gơl pa: Mờ nùs nhơm bol he ai lơh sa lòt guh den mpồl bơyai lơh kuang bàng den sồr, bơdìh mờ nùs nhơm neh ờ go\ đơs, mơya pal dòn song mờ nùs nhơm Mác Lênin, bồ tơngoh Hồ Chí Minh mờ xã hội chủ nghĩa. Bè bơta pràn jak den pal gi\t wa\ bè măy mok yal tơngi\t jơnau, bè tam gơl pa bơceh pa. Bơto yal bồ tơngoh gi\t wa\ chính trị bồ tơngoh ndrờm pal mờ nùs nhơm. Dùl nă kuang bàng sồr tàm tu\ tơngai tu\ do là pal sền làng bol là tờm, pal rềp mềl mờ làng bol.

Dong tam gơl pa bơceh pa, tàm jàu ngui mờ bơtàu tơnguh pràn kơldang jak chài măy mok; bơ\t bơtàu mờ ngui niam bơta kuơ niam chài, bơta pràn bơh cau Việt Nam dê, tàm hơ\ jơnau kòn bơnus ge3h lơh nền bơta bơceh pa, tam gơl pa. Do là dùl tàm ală jơnau kuơmàng nàng lơh gơs bơnàng jă nàng ai dà lơgar he bơtàu tơnguh tus tu\ tơngai pa tàm Rài tam gơl bơta yau gơs bơta pa lơh sa mờ măy mok 4.0.

Cau cih VOV1- Cau mblàng Lơ Mu K’Yến