VOV4.K’ho-Tàm nhai 8 mờ nhai 9, ală kòp bơtờp bè kòp sởi, sốt xuất huyết, jơng tê bơr sùm lơh bơtờp mhar ngan, tàm rơndăp tàm rơndồl lơh aniai kòn dềt tàm [òn dờng Hồ Chí Minh mờ ală càr tiah đah jum dà lơgar. Ală cau mờng chài gah lơh sơnơm kơlôi rơcang ngòt ală kòp bơtờp do digơlan gơbàn kal ke, digơlan kòp tàm rơndăp tàm rơndồl geh gơbàn dilah ờ geh ală broă lơh jal mhar rơcang sơndră lài kòp.

Tàm Hìu sơnơm Nhi Đồng 2, [òn dờng Hồ Chí Minh, tàm nhai 8, khà cau kòp tus kham kòp gơrềng tus kòp sốt xuất huyết là rlau 1 rbô nă, gơguh rlau dùl dơ\ mờ nggùl pơndrờm mờ nhai 7.

Mu\t tus nhai 9, khà cau gơtìp kòp sốt xuất huyết kung gam pơn jat tai gơguh. Kờp bơh ngai 1-25/9, hìu sơnơm do neh kham kòp ai rlau 1.124 nă cau kòp là kơnòm dềt mờ piam kòp tàm hìu sơnơm ai 416 nă cau in.

Tàm tu\ kòp sốt xuất huyết gam mu\t tàm nhai gơbàn uă kòp, den khà kơnòm dềt gơtìp kòp jơng tê bơr tus piam kòp tàm hìu sơnơm kung sùm gơguh uă sơl tàm 3 hìu sơnơm tàm [òn dờng Hồ Chí Minh. Nam do, Hìu sơnơm Nhi Đồng 2 neh sơm kòp ai rlau 1 rbô nă kơnòm dềt gơtìp kòp jơng tê bơr in. Mìng is tàm nhai 8 geh 425 nă cau bơtờp kòp, gơguh tus bàr dơ\ pơndrờm mờ nhai 7. Tàm hơ\ geh 2 nă gơbàn kòp kơn jơ\ ngan pal tă nhơm mờ măy.

Mìng is tàm Hìu sơnơm Nhi Đồng 1 neh geh 1 nă cau chơ\t tài bơh kòp jơng tê bơr. Mìng tàm 3 poh rềp ndo, khà kơnòm dềt gơtìp kòp jơng tê bơr pal piam kòp tàm hìu sơnơm gơguh tus 5 dơ\ pơndrờm bal dùl tu\ mờ nam lài. Geh tus rlau 80% kơnòm dềt gam piam kòp tàm Khoa Nhiễm- Thần kinh gơtìp kòp jơng tê bơr. Khà kơnòm dềt gơtìp kòp jơng tê bơr pal piam kòp tàm hìu sơnơm tàm nhai 9 jơh ală là kơnòm bơh 15 tus 25 nhai bơh deh.

Bác sĩ Trương Hữu Khanh, Trưởng khoa Nhiễm-Thần kinh, Hìu sơnơm Nhi  Đồng 1, pà gi\t: Jơnau lơh geh uă cau kòp jơng tê bơr là tài bơh virus EV 71 (Enterovirus 71).

Ală nam lài, khà kơnòm dềt bơtờp kòp jơng tê bơr tài bơh virus EV 71 mìng dùl êt nă lơm mơya rềp ndo rlau 50% kơnòm dềt gơtìp kòp jơng tê bơr tài bơh virus do. Virus do lơh bơtờp pràn ngan mờ lơh kơn jơ\ mhar ngan. Gơ wèt mờ kòp jơng tê bưr tài bơh enterovirus 71 den là gơlơh kơlôi rơcang ngài tài bơh kòp lơh gơbàn kơn jơ\ mờ dilah tài bơh ală virus ndai den lơh aniai ờ huan ir.

Jat Phó Giáo sư– Tiến sĩ Phan Trọng Lân, Viện trưởng Viện Pasteur [òn dờng Hồ Chí Minh dê yal, jơi virus EV 71 lơh cau kòp geh ală bơta gơ tơngo\ đah bơdìh kơn jơ\ rlau, gơrềng tus ală tơngoh, gùng mhàm plai nùs mờ gùng tă nhơm, digơlan lơh chơ\t cau. Gah lơh sơnơm kung neh cih dờp ală cau gơtìp chơ\t rah rài tàm tiah đah jum tài bơh gơtìp kòp jơng tê bơr.

Bal mờ kòp jơng tê bơr, tàm nhai 8 mờ nhai 9, kòp sởi tàm ală càr tiah đah jum mat tơngai lik dà lơgar ndrờm gơguh uă ngan pơndrờm bal dùl tu\ mờ ală nam rềp ndo. Bơh bồ nam tus tu\ do, Đồng Nai geh khà cau bơtờp kòp sởi uă ngan rlau jơh tàm tiah do bal mờ 136 nă cau gơtìp, pơn jat tơnơ\ là Bình Dương, Bà Rịa- Vũng Tàu mờ [òn dờng Hồ Chí Minh.

Phó Giáo sư – Tiến sĩ Phan Trọng Lân đơs, tài bơh bơta mùl go\ lòt rê đah ală tiah uă ngan mờ khà cau ci\t sơnơm rơcang sơndră kòp ờ ndrờm bal den tàng [ươn ngan gơlam tus broă gơguh uă kòp sởi. Den tàng bè hơ\, tàm ală càr geh khà làng bol mu\t ơm kis uă, gơ sồr tơnguh khà ci\t sơnơm rơcang sơndră kòp uă rlau nàng rơcang sơndră kòp.

Lài jơh là pal kờp sền wơl jơh ală broă lơh ci\t sơnơm rơcang sơndră kòp sùm, kuơmàng là bơta tam gơl làng bol ơm kis pal geh bơta sền swì wil tơl jơnau lơh bơtờp kòp nàng sền go\ geh tiah ờ bơtờp kòp, sơnđan là tiah ờ go\ ci\t tơl sơnơm rơcang sơndră kòp. Bơta kuơmàng ngan rlau jơh là gơ wèt mờ ală càr, kờp sền wơl lơh bè lời nàng geh bơta ờ bơtờp kòp mpồl bơtiàn.

Kuang đơng lam bồ Viện Pasteur [òn dờng Hồ Chí Minh tơngkah jơnau digơlan gơbàn uă kòp sởi tàm jơh ală càr. Bác sĩ Lê Hồng Nga – Trưởng khoa Gròi sền kòp bơtờp gơ wèt Trung tâm Y tế dự phòng [òn dờng Hồ Chí Minh dê pà gi\t, kung bè kòp jơng tê bơr sơl, broă tơnguh tai bơta kloh niam tàm hìu bơsram, lơh geh jơnau kờ` bè ai ơm tam cah is dilah sền go\ cau gơtìp kòp den geh tơrmù [à jơnau digơlan lơh bơtờp kòp sởi.

Gah lơh sơnơm [òn dờng bơto sồr jơh ală tiah geh mpồl cau gàr kòn dềt, ùr pơgru pal tơngkah mè bèp kơnòm dềt dê là ai kòn lòt ci\t sơnơm rơcang sơndră kòp sởi di tơngai. Gơ wèt mờ ală hìu sơnơm den Sở Y tế neh geh jơnau đơng lam kràn cê jơh nùs ngan sồr lơh jat niam broă yal kòp bơtờp, gròi sền bơtờp khuẩn tàm hìu sơnơm.

Mờ bơta gơbàn kòp kal ke ngan, ală cau mờng chài gah lơh sơnơm bơto sồr: Tàm ală tiah công nghịêp- tiah geh uă ngan cau công nhân ờ hềt geh tu\ geh ci\t sơnơm rơcang sơndră kòp sởi halà ci\t ờ hềt wil tơl, là cau tam gơl sùm, ală tiah pal pơgồp bal niam mờ cau tờm mpồl lơh sa kă bro nàng kờp sền, mblàng yal broă lơh jat broă lơh ci\t sơnơm rơcang sơndră kòp ai cau lơh broă in.

Mìng is gơ wèt mờ kòp jơng tê bơr mờ kòp sốt xuất huyết tài bơh kung gam ờ hềt geh sơl sơnơm vaccine rơcang sơndră lài kòp den tàng mpồl bơtiàn kờ` pal lơh jat jơnau sồr ơm kloh, sàu sa kloh, phan nhơl kloh mờ gàr mpàng jơng mpàng tê kloh nàng rơcang sơndră lài kòp.

Cau mblàng Lơ Mu K’Yến