VOV4.K’ho - Rối loạn tiền đình là kòp mờng tìp tàm ală cau. Do là kòp lơh gơl^k geh ờ ndrờm bal tàm tơngoh, lơh cau kòp sùm gơtìp hoar măt, t^ tồr, gơdan hă, lòt rê ờ kơ\...lơh ờ su\k ơm. Kòp do [uơn ngan gơtìp wơl, lơh ờ niam tus broă lơh, lơh ờ nima uă ngan tus mờ bơta niam rài kis. Jơnau “Pràn kơl dang să jan mờ rài kis” ngai do, bol a` geh jơnau yal bè kòp rối loạn tiền đình, tài bè lơi gơl^k geh bal mờ broă sơndră mờ kòp do.

Tu\ gơtìp kòp rối loạn tiền đình, cau kòp gơlơh kơrwài, sơdar, hoar măt, t^ tồr, gơdan hă, tàm hơ\ kuơ màng ngan là tu\ ơwa` să, tu\ hơ\ cau kòp pal ơm 1 bă ờ khin ơwa`. Bơdìh hơ\ tai, cau kòp geh bè ờs ha là gơlơh ờ ndrờm bal.

Kòp rối loạn tiền đình là kòp mờng ngan gơl^k geh wơl, lơh ờ niam tus mờ broă lơh bal mờ bơta niam tàm rài kis. Geh 2 bơta kòp rối loạn tiền đình:

Kòp rối loạn tiền đình bơdìh tơngoh: gơl^k geh bơh kòp bè kơrwài tu\ ơwa` să, do là bơta kòp ờ jroă, mìng lơh cau kòp ờ su\k ơm tàm rài kis, mơya kung gam lòt rê bè ờs, dơ\ kơrwàs mìng gơtìp ờ uă, tàm 1 tơngai ờ jo\, kòp gơl^k tu\ ơwa` să bè sơdar bồ, bơh b^c guh nggui. Bơdìh hơ\ tai, kòp rối loạn tiền đình bơdìh tơngoh gam gơl^k geh kơrwàs uă ngan mờ jo\ tơngai, cau kòp ờ gơtùi lòt rê, ờ gơtùi ơwa` să bơh b^c guh nggui. Tàm hơ\ kơrwài mờng geh bal hă uă mờ hă sùm, t^ tồr, hoar măt, `jơ\ bồ, ờ gơtùi kơlôi sơnơng…

Kòp rối loạn tiền đình tàm tơngoh: là kòp mờng tìp mờ ală broă gơl^k geh bơh gùng mhàm tơngoh, cau kòp lòt rê kal ke, tu\ ơwa` să gơtìp hoar măt, geh tu\ gơdan hă. Kòp ờ ndrờm tàm bồ tơngoh là kòp gơl^k geh tài bơta aniai tềng bồ, sồt gùng mhàm tus tàm ală gùng mhàm tềng tơngoh, jăt gah tơngoh mờ bơta tòm di gơlan là tài gùng mhàm dờng tus ròng tơngoh gơtìp aniai tài kră, bơcah gùng mhàm…

Kòp gơl^k geh:

-Cau kra tài ờ uă bơta phan tàm să jan gơmù ờ pràn, den tàng mờng gơtìp kòp rối loạn tiền đình uă rơlao mờ ală cau kơnòm.

-Cau lơmă ha là cau rơgai ir ndrờm gơtìp kòp do.

-Ờ tơl mhàm mờ cau ùr tơnơ\ mờ tu\ deh kòn, mờ tus mờ cau klao tài sồt să, roh uă mhàm. Ha là kung di gơlan tài gơtìp ờ uă kòp lơi lơh hă gơl^k mhàm, ha là lòt đì ndul gơl^k mhàm, roh mhàm uă ir.

-Cau sùm gơtìp ờ niam tàm nùs nhơm.

-Broă lơh uă ir, nggui jo\ tềng măy vi tính.

-Gơmù mhàm, lơh khà mhàm guh tus tơngoh ờ tơl kung là 1 bơta tòm lơh gơtìp kòp rối loạn tiền đình.

-~ô ơlăk uă ir kung là 1 bơta tòm lơh gơtìp kòp do.

-Să jan gơtìp sơnơm khih, ha là gơtìp khih tài ngui sơnơm kung là 1 tàm ală bơta tòm lơh gơtìp kòp rối loạn tiền đình.

Ală cau [uơn gơbàn kòp ờ ndrờm tàm tơngoh:

Khà cau gơtìp kòp rối loạn tiền đình uă ngan tài lơh broă tàm tiah ge uă ir broă, ờ hoan ơwa` să mờ sùm tìp mờ măy vi tính, jơdu\ mrềt den tàng ntìng gòr ngko [uơn gơtìp mrềt mu\t, jo\ ngai geh lơh gơrồt gùng mhàm ntìng gòr ngko, tài gơmù mhàm, tài rơbă ntìng gòr ngko lơh gùng mhàm gơtìp đir, lơh ờ ndrờm bal mhàm guh tus tơngoh…

Den tàng, kờ` sơndră mờ kòp, pleh mờ gơbàn wơl kòp he pal pleh mờ broă nggui uă ir tàm jơdu\ lơh broă geh măy mrềt, ba` nggui jo\ tềng măy vi tính, ba` nggui jo\ 1 bă tiah tàm jơdu\ lơh broă. Hùc dà sùm di pơgăp 2 l^t dà tàm 1 ngai. Sùm tàp pràn să jan, tàm hơ\ uă ngan là tàm bồ, ngko, jơng kồt. Tàp rơhồp nhơm mờ 2 đah tồr mờ broă ai 2 mpàng tê đơng tềng 2 đah tồr pah ngai bơh 50 tus 100 dơ\.

Cau kòp kung ba`wơl ke ha là ntào, nggui mhar ir, ba` măy rơndeh ha là lơh ală broă dờng, di lah sùm gơtìp kơrwài. Cau kòp kung pal tơmù nùs nhơm ờ niam, ba` ờ su\k, ba` sền sră tu\ đì tàm rơndeh, pal nggui ha là b^c di lah gơlơh hoar măt…

Hoar măt ờ uă tu\ là gơl^k geh bơh ờ uă kòp jroă, mơya di lah go\ gơl^k 1 tàm ală bơta bè tơnơ\ do, bè jê bồ ni sơna, duh să bơh 38 độ C rơlao hờ đang, hoar măt, ờ sền loh phan, ờ loh măt, t^ tồr...den [pal lòt kham mơ.

Cau kòp pal lòt kham, tài bơdìh mờ kòp rối loạn tiền đình, ală bơta gơl^k geh mờ tơngo\ do di gơlan geh jơnau yal lài bè ală kòp jroă bè kòp kòl bơcah gùng mhàm tơngoh, kòp as tơngoh, kòp parkinson, kòp nùs gùng mhàm, kòp kră kơl dang ơră.