VOV4.K’ho - Mìng tàm nggùl nhai 10 do, gùt càr Dak Lak neh dờp geh 13 nă cau gơbàn go\ virus kòp sởi, ai tơngo\ broă gơbàn wơl kòp sởi tàm càr do. Kờ` kơrian kòp sởi gơbàn wơl, gah lơh sơnơm càr Dak Lak neh lơh jăt ală broă lơh mhar kờ` rơcang sơndră, tam dră mờ kòp do.

Go\ kòn klao Nông Bảo Khang 6 nhai gơbàn duh să uă, bal mờ gơl^k toh pơrhê bơh tơrmồ mờ gơtòp tus gùt să, lo\ Lý Thị Tươi, kis tàm [òn 11, xã Ea Bar, kơnhoàl Buôn Đôn neh cèng kòn tus sơm kòp tàm 1 hìu sơnơm cau 1 nă să lơh is tàm [òn dờng Buôn Ma Thuột.

                                       Oh Nông Bảo Khang gam geh bác sĩ kham kòp

Mơya, tơnơ\ mờ 2 ngai sơm, go\ kòn gam duh să uă, lo\ pơn jăt tai cèng kòn lòt kham tàm hìu sơnơm tiah Tây Nguyên. Tàm hìu sơnơm do, ală bác sĩ đal sền kòn klao lo\ gơbàn kòp duh să gơl^k toh geh pin  kòp sởi den tàng sồr mu\t piam tàm tiah tam cah is bơh khoa kòn dềt tơrgùm bal. Tàm 2 ngai sơm kòp, tu\ do kòn klao do neh gơmù duh să mờ ală toh kung neh gơmu\t rơhời.

-Lài ngan là bồ duh uă ngan, gơl^k kơl hề uă ngan, ngai tơnơ\ go\ 2 đah tơrmồ gơl^k toh pơrhê, rơhời gơmù tus jơh gùt să. Duh să uă ngan, ngai lơi kung bơh 38, 39 độ C, geh bơh 6 tus 7 ngai ờ gơmù duh sơl den tàng cèng tus tàm do. Mu\t tàm do sơm kòp 2 ngai den go\ gơmù duh să, ală toh pơrhê kung rơhời gơmù sơl.

Tơnơ\ mờ dơ\ sơm kòp jê as klờm soh tàm hìu sơnơm kơnhoàl Buôn Đôn rê, oh Trương Đức Thiên, 9 nhai, kis tàm [òn 13, xã Cư\ Knia, kơnhoàl Buôn Đôn gơbàn duh să mờ gơl^k toh pơrhê gùt să.

                                           Bác sĩ kham kòp cau gơbàn kòp sởi

Ờ su\k ơm ir, cau tàm hìu nhă cèng oh tus hìu sơnơm tiah Tây Nguyên kờ` kham mờ geh đah sền gơbàn kòp duh să gơl^k toh, geh pin là kòp sởi. Tơnơ\ mờ hơ\, ală bác sĩ neh sồr oh mu\t piam kòp tàm tiah geh tam cah is bơh khoa kơnòm dềt tơrgùm bal mờ bơyai ai mhàm kờ` go\ virus kòp sởi. Lo\ Nông Thị Oanh, mè oh Thiên pà g^t:

-Lài do oh gơbàn kòp jê as klờm soh, hơ\ sồng cèng tus hìu sơnơm kơnhoàl sơm, rê hờ hìu 1 poh den gơbàn duh să gơl^k toh pơrhê hơ\ sồng cèng tus tàm do sơm kòp tai. Tu\ do neh pràn đao, toh pơrhê kung neh gơmù jơh sơl.

Jăt bác sĩ Trần Thị Thuý Minh, kuang atbồ khoa kơnòm dềt tơrgùm bal, hìu sơnơm tiah Tây Nguyên yal, bơh bồ nhai 10 tus tu\ do, khoa do geh dờp 13 nă kòn dềt gơbàn kòp duh să gơl^k toh geh pin là kòp sởi, geh uă tơrgùm tàm kơnhoàl Buôn Đôn. Bơh broă sền mhàm neh go\ 4 nă go\ virus kòp sởi. tơnơ\ mờ tu\ dờp ală kòn dềt gơbàn kòp sởi sơnrờp ngan, khoa do neh yal mờ kuang đơng lam hìu sơnơm, sở Y tế càr mờ geh sồr crơng gơs tiah tam cah is kờ` sơm kòp ală cau kòp do kờ` pleh mờ gơtòp tus mờ ală kơnòm dềt ndai. Tus tu\ do, jơh ală cau kòp neh geh sơm bời kòp, ờ geh cau lơi gơbàn ngòt rơngơ\t tus mờ màng kis.

-Bơh bồ nam tus tu\ do, bol a` ờ geh dờp cau lơi gơbàn kòp sởi, mìng is tàm nhai 10 do den geh tus 13 nă cau gơbàn kòp sởi mờ pin gơbàn kòp sởi. Do là kòp mờng gơbàn tàm kơnòm dềt hờ đơm 2 sơnam mờ mờng gơbàn tàm kơnòm dềt ờ hềt c^t sơnơm vaccine sơndră mờ kòp mờ kòp do gơtòp mhar ngan bơh gùng tă nhơm mờ geh uă bơta tơngo\ gơbàn bal.

Geh uă cau gơbàn kòp sởi ha là pin gơbàn kòp sởi mu\t piam tàm tơngai do là ală cau gơbàn duh să uă, gơl^k toh bè sởi, măt pơrhê, geh ờ uă cau gơbàn jê as klờm soh bal, jơh ală cau do ndrờm geh sơm kòp niam mìơ tu\ do ờ geh cau lơi gơbàn ngòt rơngơ\t tus màng kis.

Bơh broă kờp bơh hìu sơnơm rơcang gàr lài càr Dak Lak yal, tàm bơh bồ nhai 10 do, gùt càr neh dờp geh 13 nă cau geh go\ mờ virus kòp sởi. Tàm khà 13 nă cau geh go\ mờ virus kòp sởi geh 2 nă kòn dềt hờ đơm 6 nhai, (do là sơnam ờ hềt geh c^t sơnơm vaccine sơndră mờ kòp sởi) mờ 5 nă bơh 16 nhai rơlao hờ đang (do là sơnam neh rơlao geh sền gàr mờ broă c^t sơnơm vaccine bơh broă c^t sơnơm vaccine sơndră mờ kòp) mìng geh 1 nă geh c^t sơnơm vaccine sơndră mờ kòp sởi, khà gam tai ờ hềt geh c^t ha là geh c^t mơya ờ hềt tơl. Jăt Bác sĩ Phạm Văn Lào, kuang atbồ hìu sơnơm rơcang gàr lài mờ kòp càr Dak Lak yal, kờ` pleh mờ broă gơtòp kòp uă, gah lơh sơnơm càr Dak Lak gam lơh ngan lơh jăt ală broă sơndră, tam dră mờ kòp:

-Tu\ do, bol a` neh lòt sền gròi jơh tàm ală tiah gùt dar geh go\ bơta lơi lơh gơptòp kòp lah ờ. Dơ\ 2 là gơwèt mờ hìu nhă geh cau kòp pal tam cah is jơh kòn dềt. tàm hìu nhă geh cau kòp pal [ồm sơnơm gơsơ\t kòp. Bơta lơh geh cồng nha là pal kơlôi sơnơng kờ` c^t sơnơm vaccine sơndră mờ kòp kòn dềt in.

Kung bal mờ ală broă lơh ngan bơh gah lơh sơnơm dê, kờ` rơcang sơndră mờ kòp sởi geh cồng nha, pal geh broă tus bal bơh gùt mpồl bơtiàn bal mờ tơl hìu nhă tàm broă rơcang c^t sơnơm vaccine sơndră mờ kòp kờ` sền gàr bơta pràn kơl dang să jan să tòm mờ mpồl bơtiàn in tai.

Cau mblàng Ndong Brawl