VOV4.K’ho- Củ tịc lơgar ồng Nguyễn Xuân Phúc pa kĭ Kơrnoăt bè broă pà phan ai ală cau geh màng mờ kăc màng in di dơ̆ sa tềp bơhiàn dà lơgar dê Ñâm Zần 2022. Jăt mờ hơ̆, khà phan pà kờp priă 600 rbô đong pà cau geh màng mờ kăc màng in, geh: Cau lơh broă kăc màng lài mờ ngai 01/01/1945 gam dờp bơta dong kờl pah nhai; Cau lơh broă kăc màng bơh ngai 01/01/1945 tus ngai sơnđờm ntàu tam lơh nhai Phàm nam 1945 gam dờp bơta dong kờl pah nhai; Mè Việt Nam khin cha jak chài gam dờp bơta dong kờl pah nhai; Cau khin cha jak chài Mpồl phàu crong làng bol, Cau khin cha jak chài Lơh broă tàm rài tam lơh gam dờp bơta dong kờl pah nhai; Cau ling sồt să dờp bơta dong kờl bè cau ling sồt să, cau ling sồt să khà B, cau ling kòp tê jê să geh khà gơmù bơta pràn să jan bơh 81% rlau hơđang gam geh dờp bơta dong kờl pah nhai...

Cau pròc mhàm cau ling chơ̆t màng gam geh dờp bơta dong kờl priă chơ̆t ròng gàr pah nhai mờ cau pròc mhàm bơh 2 nă cau ling chơ̆t màng rlau hơđang dê gam geh dờp bơta dong kờl priă chơ̆t pah nhai kung dờp geh khà phan pà kờp priă 600 rbô đong. Khà phan pà kờp priă 300 rbô đong pà ală cau geh màng mờ kăc màng ndai in.

Cau mblàng Lơ Mu K’Yến