VOV4.K’ho – Gah bơto bơtê mờ bơsram dà lơgar pa geh Kơrnoat bơto pơlam sồ 01 bè Kơrnoat bơyai lơh mờ broă lơh bơh hìu bơsram kòn cau. Kơrnoat bơto pơlam do geh ai ngui kờp bơh ngai 02 nhai 03 nam 2016.

Jat hơ\, hìu bơsram kòn cau geh Dà lơgar crơng gơs ai oh kòn làng bol kòn cau, kòn hìu bơnhă ală kòn cau ơm kis jo\ jòng tàm tiah geh rài kis lơh sa- mpồl bơtiàn uă kal ke kờn pơ gồp bơnah lơh geh mpồl kuang bàng mờ cau lơh broă geh bồ tơngoh jak ai tiah do in.

Hìu bơsram kòn cau geh gơnoar broă kuơmàng tàm broă lơh bơtàu tơnguh lơh sa- mpồl bơtiàn mờ lơh kơ\ kơl jăp bơta lơngăp lơngai, sền gàr dà lơgar tàm tiah kơh bơnơm, tiah kòn cau.

Hìu bơsram kòn cau là hìu bơsram krơi is gơ cèng bơta lơh uă, kòn cau mờ ơm sa tơn tàm hìu bơsram.

Bè kơnòl broă bơh hìu bơsram kòn cau dê, kơrnoat bơto pơlam cih:

Hìu bơsram kòn cau mu\t lơh ală kơnòl broă bơh hìu bơsram kai II, kai III dê cih tàm adat bơhiàn hìu bơsram kai II, kai III gam geh ngui tu\ do mờ ală kơnòl broă tơnơ\ do:

- Rơ wah ai bơsram di cau mờ khà geh jàu ai pah nam;

- Bơto bơtê kơ nòm bơsram bè gùng dà broă lơh kòn cau bơh Đảng mờ Dà lơgar dê; rài kis chài rơgơi is mờ bơhiàn ờs mờng bơh yau niam bơne\ bơh ală jơi bơtiàn kòn cau Việt Nam dê; gi\t wa\ tus bal lơh broă bơtàu tơnguh lơh sa- mpồl bơtiàn tàm tiah kal ke tơnơ\ tu\ jơh bơsram;

- Bơto bơtê bơta chài ơm kis mờ bơta chài lơh broă mpồl bơtiàn dipal mờ kơnòm bơsram kòn cau;

- Bơto bơtê lơh broă, pơlam broă lơh mờ bơto broă lơh bơhiàn bơh yau dipal mờ pràn jak bơh kơnòm bơsram dê mờ jơnau kờn bơtàu tơnguh lơh sa- mpồl bơtiàn bơh tiah hơ\ dê;

- Lơh broă lơh ơm, sa tơn tàm hìu bơsram ai kơnòm bơsram in, pal geh jơh ală 100% kơnòm bơsram bơh hìu bơsram dê geh sa mờ ơm tơn tàm hìu bơsram;

- Jat sền, tơrgùm kờp khà kơnòm bơsram neh jơh bơsram pah nam bơh hìu bơsram dê pơn jat tai bơsram kai bơsram dờng rlau halà rê wơl hờ [òn tờm tus bal lơh broă lơh sa kờn geh ală broă lơh tơnguh jơnhoa cồng nha mờ bơta niam bơto bơtê.

Kơrnoat bơto pơlam, cih: Ală hìu bơsram kòn cau, tàm hơ\ geh: Hìu bơsram kòn cau kơnă kơ nhoàl bơto kai bơsram II geh crơng gơs tàm ală kơ nhoàl kơh bơnơm, bồt bơlào, tiah kòn cau; hìu bơsram kòn cau kơnă càr bơto kai bơsram III geh lơh tàm ală càr, [òn dờng gơ wèt Dà lơgar.

Tàm tu\ dilah kờn ngan, nàng lơh geh mpồl kuang bàng là kòn ală kòn cau tàm tiah geh rài kis lơh sa- mpồl bơtiàn uă kal ke, Anih duh broă làng bol càr, [òn dờng gơ wèt Dà lơgar gơtùi jàu hìu bơsram kòn cau kơnă kơ nhoàl in bơto bal kai bơsram III; gah lơh broă geh gơ rềng gơtùi jàu tus hìu bơsram gơ wèt bal in geh bơto kơ nòm bơsram kòn cau ơm sa tơn tàm hìu bơsram bơto bal kơnòm bơsram rơcang mu\t kai bơsram dờng.

Bè broă dong kờl ai lài tus mờ hìu bơsram kòn cau:

- Hìu bơsram kòn cau geh ai lài bơcri priă lơh phan bơna, phan ngui, ai cau pơgru, cau lơh broă mờ kes priă nàng kờn mu\t lơh broă lơh, tơngume bơto bơtê mờ ală tơngume bơto bơtê krơi is, broă bơto bơtê, ròng siam, sền gàr mờ bơto bơtê kơ nòm bơsram.

- Kuang bàng atbồ, cau pơgru, cau lơh broă mờ kơ nòm bơsram bơh hìu bơsram kòn cau dê geh dờp bơta dong kờl ai lài jat jơnau sồr bơh Dà lơgar dê.

- Anih duh broă làng bol kơnă càr ai bơtơl broă dong kờl ai lài bơh càr dê tus mờ hìu bơsram kòn cau (dilah geh), Anih duh broă làng bol kơnă kơ nhoàl ai broă dong kờl bè bơcri priă lơh phan bơna, phan ngui, priă ai cau pơgru, kơ nòm bơsram in mờ ală broă lơh bơto bơtê bơh hìu bơsram dê (dilah geh).

- Hìu bơsram kòn cau geh crơng gơs tu\ geh tơl ală bơta pal geh tơnơ\ do: Geh rơndăp broă crơng gơs hìu bơsram dipal mờ rơndăp ù tiah bơtàu tơnguh lơh sa- mpồl bơtiàn mờ rơndăp ù tiah lơh ală hìu bơsram neh geh kơnă geh gơnoar ki\ ai lơh; Rơndăp broă lơh crơng gơs hìu bơsram gi\t loh jơnau kờn, kơ nòl broă, broă lơh mờ tơngume bơto bơtê; ù tiah, phan bơna, phan ngui, anih rơcang lơh hìu bơsram, mpồl cau lam bồ, mpồl cau lơh broă mờ priă jền; gùng dà broă lơh jo\ jòng bơ\t bơtàu mờ bơtàu tơnguh hìu bơsram.

- Hìu bơsram kòn cau geh ai gơnoar lơh broă bơto bơtê tu\ geh tơl ală bơta pal geh tơnơ\ do: Geh kơrnoat crơng gơs hìu bơsram; Geh ù tiah, phan bơna, phan ngui jat jơnau cih tàm Adat bơhiàn hìu bơsram kai II, kai III gam ngui tu\ do mờ geh cih tàm Bơta 6 bơh kơrnoat do dê; Anih bơh hìu bơsram dê pal sền gàr tiah bơto bơtê, ờdo ờdă ai kơ nòm bơsram, cau pơgru, kuang bàng mờ cau lơh broă in; Geh broă lơh bơto bơtê mờ sră nggal bơto bơtê, bơsram dipal mờ tơl kai bơsram jai jơnau sồr; Geh mpồl cau pơgru mờ kuang bàng atbồ geh tơl khà bè nùs nhơm mờ geh tơl khà bồ tơngoh bơsram geh bơto bơtê jat jơnau cih bơh Adat bơto bơtê tus mờ kai bơsram dê; tơl bè khà jat rơndăp tăp sèng bè đah cau pơgru kờn mu\t lơh niam broă lơh bơto bơtê mờ lam lơh ală broă lơh bơto bơtê; Geh tơl priă jền jat jơnau sồr nàng kờn lơh broă sùm mờ bơtàu tơnguh broă lơh bơto bơtê; Geh kơrnoat lam lơh mờ broă lơh bơh hìu bơsram dê.

Kơrnoat bơto pơlam, cih: Cau geh rơ wah ai bơsram loh làng bè tơnơ\ do:

- Là ơruh pơnu, kơnòm pa tàu là cau kòn cau geh sră ơm kis sùm mờ ơm kis sùm bơh 03 nam rlau hơđang (kờp tus ngai rơ wah ai bơsram) tàm tiah geh rài kis lơh sa- mpồl bơtiàn uă kal ke jat jơnau cih tàm adat boh lam gam geh ngui tu\ do dê.

- Ơruh pơnu, kơ nòm pa tàu là cau kòn cau ờ gơ wèt ală cau pa yal, dilah geh Anih duh broă làng bol kơnă càr ai là tiah lơh geh kuang bàng ai ală kòn cau in den kung gơ wèt ală cau geh rơ wah ai bơsram tàm hìu bơsram kòn cau.

- Hìu bơsram kòn cau geh ai gơnoar rơ wah ai bơsram ờ go\ di uă rlau 5% tàm kờp jơh khà geh ai rơ wah pa pah nam là kòn cau yoan geh sră ơm kis sùm mờ ơm kis sùm bơh 03 nam rlau hơđang (kờp tus ngai rơ wah ai bơsram) tàm tiah geh rài kis lơh sa- mpồl bơtiàn uă kal ke jat jơnau cih tàm adat boh lam gam geh ngui tu\ do dê.

Cau cih mờ yal tơngi\t- Lơ Mu K’ Yến