VOV4.K’ho – Pa do, Gah Lơh sơnơm dà lơgar neh geh Kơrnoat bơto pơlam sồ 25 ngai 01/10/2015 cih bè thùng sră tă pơgồp jơnau đơs tàm ală hìu sơnơm.

Bơta pal jat ngui thùng sră tă pơgồp jơnau đơs mờ bơsong sră đơs wơl mờ jơnau tă pơgồp bơh làng bol dê:

- Lơh jat kơrnoat boh lam, sền gàr gơnoar đơs wơl, tă pơgồp jơnau đơs bơh cau lơh broă sa priă nhai dà lơgar, cau lơh broă mờ bơh làng bol dê bè broă lơh bơh ală hìu sơnơm dê.

- Ờ ndơ\p mpồn, loh làng, di mờ gơnoar broă, mờ kơnòl broă tàm broă dờp, bơsong mờ yal cồng nha bơsong jơnau đơs wơl, tă pơgồp jơnau đơs jat di jơnau cih bơh adat boh lam dê.

- Ờ go\ di sơmờm thùng sră tă pơgồp jơnau đơs nàng yal yă tìs ờ di mờ bơta geh ngan, bơchồt, lơh tàm bàs ờ niam lơh aniai tus bơngă mờ broă lơh bơh cau dùl nă să is mờ mpồl cau geh tă pơgồp jơnau đơs dê.

Jơnau yal, sră nggal ai geh bơh thùng sră tă pơgồp jơnau đơs là dùl tàm ală cơng tàng nàng sền sơ wì jờng rơ, bơto tơngkah lơh niam wơl nùs nhơm mờ broă lơh mờ nùs nhơm drơng broă làng bol in bơh cau lơh broă sa priă nhai dà lơgar mờ cau lơh broă dê tàm ală hìu sơnơm.

Tu\ jiơ pờ thùng sră tă pơgồp jơnau đơs

- Ờs mờng dùl dơ\ tàm dùl poh, hìu sơnơm bơyai lơh pờ thùng sră tă pơgồp jơnau đơs tàm dùl tu\ tơngai ngan ngồn, dipal bơh kuang atbồ hìu sơnơm dê ai.

- Broă pờ thùng sră tă pơgồp jơnau đơs geh jat sền mờ sră cih pờ thùng sră tă pơgồp jơnau đơs.

- Cau nàng pờ thùng sră geh bơh pe nă, tàm hơ\ geh: Kuang đơng lam Cơldu\ lơh broă rơndăp tăp sèng kuang bàng, ala mat Mpồl lùp sền làng bol mờ ala mat Mpồl duh broă Mpồl ala mat cau lơh broă bơh hìu sơnơm dê.

- Lài mờ tu\ pờ thùng sră, ală cau tus pờ thùng sră pal sền khuă thùng sră, dilah sền go\ bơta pin pơrdah bè ờ niam bơh thùng sră dê den pal yal mờ kuang atbồ hìu sơnơm in gi\t nàng geh broă lơh bơsong.

- Tu\ dờp sră tă pơgồp jơnau đơs, cau tus bal pờ thùng sră tă pơgồp jơnau đơs pal hơ mờ sră nggal ờ yal jơnau cih tàm sră tă pơgồp jơnau đơs; tơrgùm jơh sră tă pơgồp jơnau đơs tàm kơldung sră mờ ki\ lir wơl jàu tus mpồl cau bơsong in jat di mờ gơnoar broă.

- Chìa khuă mờ sră cih jat sền jàu tus mpồl cau geh jàu kơnòl atbồ tơnơ\ tu\ pờ thùng sră.

Bơta dờp, tam cah, bơsong sră dờp bơh thùng sră tă pơgồp jơnau đơs:

- Bơta dờp, tam cah, bơsong sră bơh thùng sră tă pơgồp jơnau đơs geh lơh jat jơnau cih tàm Kơrnoat bơto pơlam sồ 07 ngai 31/10/2014 bơh Mpồl lùp sền Gơnoar atbồ lơgar dê ai bè bơta bơsong sră yal yă, sră tă pơgồp jơnau đơs, jơnau đơs wơl.

- Kuang atbồ ală hìu sơnơm tu\ dờp geh sră tă pơgồp jơnau đơs pal mhar lam mu\t lơh broă bơsong di mờ broă rơndăp lơh; gơ wèt mờ ală jơnau đơs wơl gơrềng tus uă mpồl cau, cau dùl nă să is pal mblàng, jòi jơnau bơh tài gơbàn mờ jàu tus mpồl cau bơsong in jat di jơnau cih bơh adat boh lam dê.

Kơrnoat do geh ai ngui kờp bơh ngai 01/12/2015.

            Cau cih mờ yal tơngi\t- Lơ Mu K’ Yến