VOV4.K’ho – Ngai 28/09/2015, Kuang gơs gơnăp gơnoar atbồ hơđang rlau jơh dà lơgar neh ki\ Kơrnoat sồ 46 nam 2015 bè broă dong kờl bơto ơdu\ sơ cấp, bơto hơđơm 03 nhai, tàm hơ\: khà dong kờl priă bơsram; khà dong kờl priă sa mờ priă lòt rê mờ lam mu\t lơh broă dong kờl bơto ơdu\ sơ cấp, bơto hơđơm 03 nhai.

            Bơta pal jat dong kờl bơto ơdu\ sơ cấp, bơto hơđơm 03 nhai

            Cau bơsram cih mat tus bal ală broă lơh bơto ơdu\ sơ cấp, bơto hơđơm 03 nhai geh săc rwah bơsram broă lơh, anih bơsram. Broă mu\t lơh broă dong kờl bơto bơtê tus mờ cau bơsram geh lơh bơh anih bơto bơtê pờ ơdu\ bơto ơdu\ sơ cấp, bơto hơđơm 03 nhai.

            Tơl nă cau mìng geh bơto dùl dơ\ jat jơnau cih tàm Kơrnoat do. Ală cau neh geh dong kờl bơto jat ală kơrnoat ndai gam ngui tu\ do bơh Dà lơgar dê den ờ geh pơn jat tai dong kờl bơto jat jơnau cih tàm Kơrnoat do. Mìng is ală cau neh geh dong kờl bơto mơya gơtìp ờ geh broă lơh tài bơh jơnau ờ gơtùi gi\t lài den Anih duh broă làng bol ntum sền sơ wì, geh kơrnoat pơn jat tai dong kờl bơto nàng tam gơl broă lơh jat jơnau cih tàm Kơrnoat do dê, mơya uă ngan là ờ go\ di rlau ir 03 dơ\.

            Khà dong kờl priă bơto

            Jat Kơrnoat cih khà dong kờl priă bơto ngan ngồn bè do:

            - Gơ wèt mờ cau kue\t kơltê khà dong kờl uă ngan là 06 tơlak dùl nă cau dùl ơdu\ bơsram;

            - Cau là làng bol kòn cau r[ah; cau là hìu r[ah tàm ală ntum, [òn uă kal ke jat jơnau cih bơh Kuang gơs gơnăp gơnoar atbồ hơđang rlau jơh dà lơgar dê den khà dong kờl priă bơto uă ngan rlau jơh là 04 tơlak dùl nă cau dùl ơdu\ bơsram;

            - Cau kòn cau, cau geh bơta dong kờl cau geh màng mờ dà lơgar, cau là hìu r[ah, cau là hìu gơtìp ai wơl ù lơh broă sa, ù kă bro, cau ùr lơh broă gơtìp ờ geh broă lơh, làng bol lơh ka bal mờ khà dong kờl uă ngan rlau jơh là 03 tơlak priă dùl nă cau tàm dùl ơdu\ bơsram;

            - Gơ wèt mờ cau là hìu mờr ndrờm bè hìu r[ah den khà dong kờl uă ngan rlau jơh là 02 tơlak mờ nggùl dùl nă cau tàm dùl ơdu\ bơsram;

            - Mìng is làng bol lơh ka bơsram ală broă măy ơhò să lòs, ơhò să lơh mờ phan bơna pa, bơta chài lơh ka mờ prăp gàr ka jat măy mok pa tus mờ ơhò geh bơta pràn măy lơh broă tờm bơh 400 CV rlau hơđang den geh dong kờl jơh ală priă bơsram mờ mu\t lơh jat jơnau cih tàm Kơrnoat bơh Gơnoar atbồ lơgar dê…

            Bơdìh hơ\ tai, jat kơrnoat khà dong kờl priă sa, priă lòt rê tus mờ cau là cau geh bơta dong kờl cau geh màng mờ dà lơgar, cau kue\t kơltê, cau kòn cau, cau hìu r[ah, cau hìu gơtìp ai wơl ù lơh broă sa, ù lơh sa kă bro, cau ùr lơh broă gơtìp ờ geh broă lơh tus bal bơsram ală ơdu\ bơto ơdu\ sơ cấp, bơto hơđơm 03 nhai bal mờ khà dong kờl priă sa là 30 rbô đong dùl nă cau dùl ngai bơsram ngan mờ khà dong kờl priă lòt rê là 200 rbô đong dùl nă cau dùl ơdu\ bơsram dilah anih bơsram ơm ngài mờ tiah ơm kis bơh 15 kơi sồ rlau hơđang.

            - Mìng is gơ wèt mờ cau kue\t kơltê mờ cau bơsram ơm kis tàm ntum, [òn tàm tiah uă kal ke jat jơnau cih bơh Kuang gơs gơnăp gơnoar atbồ hơđang rlau jơh dà lơgar dê bal mờ khà dong kờl priă lòt rê là 300 rbô đong dùl nă cau tàm dùl ơdu\ bơsram dilah anih bơsram ơm ngài mờ tiah ơm kis bơh  5 kơi sồ rlau hơđang.

            Kơrnoat do geh ai ngui ngan ngồn kờp bơh ngai 01/01/2016 tus do.

            Cau cih mờ yal tơngi\t- Lơ Mu K’ Yến