Tu\ dà lơgar toh wơl ù, ală bơnah dong kờl lơi geh mut ngui tus mờ cau geh ù gơtìp toh wơl:

Jat jơnau cih tàm sèng 2 bơta 83 adat ù tiah nam 2013 den ală bơnah dong kờl tu\ dà lơgar toh wơl ù là:

Dong kờl kơ\ kơljap rài kis mờ broă lơh sa;

Dong kờl bơto bơtê, tam gơl broă lơh mờ jòi broă lơh tu\ toh wơl ù lơh sa hìu nhă, cau 1 nă să lơh sa suơn sre tơn; toh wơl ù ơm pơ gồp bal mờ lơh sa kă bro broă drơng ala hìu nhă, cau 1 nă să mờ pal ntrờn anih ơm;

Dong kờl rơndap tiah ơm kis pa tu\ toh wơl ù ơm hìu nhă, cau 1 nă să, cau Việt Nam ơm kis tàm lơgar ndai mờ pal ntrờn anih ơm;

Bal mờ hơ\, kơ nờm tàm bơta geh ngan tàm bòn lơgar, kuang atbồ anih duh broă làng bol càr geh kơrnuat tơlik broă lơh dong kờl ndai nàng geh anih ơm, kơ\ kơljap rài kis, broă lơh sa mờ ringbal túusmờ cau geh ù gơtìp toh wơl, tu\ hìu nhă, cau 1 nă să lơh sa suơn sre tơn tu\ dà lơgar toh wơl ù lơh sa suơn sre mờ ờ geh tơl ală bơta nàng geh tơm wơl priă jat jơnau cih tàm bơta 75 bơh adat ù tiah nam 2013 dê den anih duh broă làng bol càr sền sơ wì dong kờl gơ in dipal mờ bơta geh ngan bòn lơgar dê, tu\ kuơ màng den yal mờ kuang gơs gơnap gơnuar atbồ hơđăng rlau jơh dà lơgar tơlik kơrnuat.

Kơrnuat lơh sră ngui ù, gơnuar ngui hìu ơm mờ phan bơna ndai gơ jat bal mờ ù geh cih bè lơi?

Jat jơnau cih tàm bơta 98 adat ù tiah nam 2013 den broă lơh sră ngui ù, gơnuar ngui hìu ơm mờ phan bơna ndai gơ jat bal mờ ù pal lơh jat ală kơrnuat tơ nơ\ do:

Sră ngui ù, gơnuar ngui hìu ơm mờ phan bơna ndai gơ jat bal mờ ù geh lơh jat tơl bă u. tu\ cau ngui ù gam ngui uă bă ù lơh sa suơn sre tàm 1 ntum, sơnah bòn, bòn drà bal mờ geh jơnau sồr den geh lơh 1 nơm sră ngui ù, gơnuar ngui hìu ơm mờ phan bơna ndai gơ jat bal mờ ù bal ai ală bă ù hơ\ in;

Bă ù geh uă cau geh bal gơnuar ngui ù, uă cau ngui bal hìu ơm, phan bơna ndai gơ jat bal mờ ù den să ngui ù, gơnuar ngui hìu ơm mờ phan bơna ndai gơ jat bal mờ ù pal cih tơl mat ală cau geh bal gơnuar ngui ù, cau ngui bal hìu ơm, phan bơna ndai gơ jat bal mờ ù mờ lơh tơl nă cau in 1 nơm sră ơng tàng, tu\ ală cau tờm ngui, cau tờm geh gơnuar sồr den lơh bal 1 nơm sră cơng tàng mờ jàu cau ala mat in;

Cau ngui ù, cau tờm hìu ơm, phan bơna ndai gơ jat bal mờ ù geh dờp sră ngui ù, gơnuar ngui hfiu ơm mờ phan bơna ndai gơ jat bal mờ ù tơ nơ\ mờ tu\ neh lơh jơh kơ nòl bè priă jèn jat adat boh lam. Tu\ cau ngui ù, cau tờm hìu ơm, phan bơna ndai gơ jat mờ ù ờ di là cau pal mut lơh kơ nòl priă jền halà geh ờ sa, geh cih dồs priă jền mờ tu\ ơpah ù tơm priă ơpah ù pah nam, den geh dờp sră ngui ù, gơnuar ngui hìu ơm mờ phan bơna ndai gơ jat mờ ù tơ nơ\ mờ tu\ anih lơh broă geh gơnuar lơh.

Tu\ gơnuar ngui ù halà gơnuar ngui ù, gơnuar ngui hìu ơm, phan bơna ndai gơ jat mờ ù halà gơnuar ngui hìu ơm mờ phan bơna ndai gơ jat mờ ù là phan bơna bal, jơtài bal bơh ùr bơklau dê den pal cih jơh jơi, mat sơnđăn pơ ùr mờ bơklau dê tàm sră ngui ù, gơnuar ngui hìu ơm mờ phan bơna ndai gơ jat mờ ù, ờ kờp tu\ pơ ùr mờ bơklau geh jơnau ringbal  cih mat 1 nă cau;

Tu\ gơnuar ngui ù halà gơnuar ngui ù, gơnuar ngui hìu ơm mờ phan bơna ndai gơ jat mờ ù halà gơnuar ngui hìu ơm mờ phan bơna ndai gơ jat mờ ù là phan bơna bal bơh pơ ùr mờ bơklau dê, mờ sră cơng tàng neh lơh mìng cih jơi, mat sơndăn bơh pơ ùr halà bơklau dê gời, den geh tam gơl sră ngui ù, gơnuar ngui hìu ơm mờ phan bơna ndai gơ jat mờ ù nàng cih jơh jơi, mat sơnđăn bơh pơ ùr mờ bơklau dê dilah geh jơnau sồr.

Tu\ geh bơta lin bè khà đo ngan ngồn mờ khà cih tàm sră pơ àr jat jơnau cih tàm bơta 100 bơh adat ù tiah nam 2013 dê halà sră cơng tàng neh lơh mờ nhàr đah bă ù gam ngui ờ tam gơl pơ drờm mờ nhàr bă ù tàm tơngai geh sră pơ àr bè gơnuar ngui ù, ờ geh tam pìt tam phà mờ ală cau ngui ù rềp bal den tu\ lơh halà tam gơl sră ngui ù, gơnuar ngui hìu ơm mờ phan bơna ndai gơ jat mờ ù, bă ù geh đal git jat khà đo ngan ngồn. cau ngui ù ờ duh pal tong priă ngui ù tus mờ bă ù lin rlau, dilah geh.

Tu\ đo wơl mờ nhàr bă ù geh tam gơl pơn drờm mờ nhàr bă ù tàm tơngai geh sră pơ àr bè gơnuar ngui ù mờ bă ù đo ngan ngồn uă rlau mờ khà geh cih tàm sră pơ àr bè gơnuar ngui ù den khà lin uă rlau dilah geh, den geh sền sơ wì, lơh sră ngui ù, gơnuar ngui hìu ơm mờ phan bơna ndai gơ jat mờ ù jat jơnau cih tàm bơta 99, adat ù tiah nam 2013.

                                                Cau mblàng K’ Duẩn