VOV4.K’ho – Gah Bơto bơtê mờ bơsram dà lơgar pa ai ngui Kơrnoat bơto pơlam sồ 02 ki\ ngai 10/03/2016 tam gơl, bơtơl bàr pe Bơta bơh Kơrnoat pơrlòng jơh bơsram kai III dà lơgar geh ai ngui pơn jat bal mờ Kơrnoat bơto pơlam sồ 02 ki\ ai ngui ngai 26/02/2015 bơh Kuang atbồ Gah Bơto bơtê mờ bơsram dà lơgar dê.

Jat Kơrnoat bơto pơlam tam gơl, bơtơl, tơl càr halà [òn dờng gơ wèt Dà lơgar bơyai lơh 2 anih pơrlòng:

- Anih pơrlòng ai cau pơrlòng lòt pơrlòng nàng ai cồng nha sền sơ wì dờp pơrlòng gơkờn jơh bơsram kai III mờ sền sơ wì rwah kơnòm bơsram mu\t bơsram kai bơsram dờng, cao đẳng bơh Hìu bơsram dờng drơng lơh, pơgồp bal mờ Gah bơto bơtê mờ bơsram càr halà [òn dờng mờ bal mờ hìu bơsram kai dờng, cao đẳng ndai bơyai lơh (tơnơ\ do sơnđan là anih pơrlòng mu\t kai bơsram dờng);

- Anih pơrlòng nàng ai cau pơrlòng lòt pơrlòng in nàng ai cồng nha sền sơ wì dờp gơkờn pơrlòng jơh bơsram kai III bơh gah bơto bơtê mờ bơsram càr halà [òn dờng drơng lơh, pơgồp bal mờ hìu bơsram kai dờng, cao đẳng bơyai lơh (tơnơ\ do sơnđan là anih pơrlòng jơh bơsram kai III).

Gơ jat tàm bơta geh ngan bơh tơl càr mờ [òn dờng dê, Kuang atbồ Anih duh broă làng bol kơnă càr halà [òn dờng lơh nền ờ bơyai lơh anih pơrlòng jơh bơsram kai III mờ bơyai lơh ai jơh bal cau pơrlòng lòt pơrlòng tàm anih pơrlòng kai bơsram dờng in tàm tiah he dê.

Lơh tàm tơl anih pơrlòng 1 nơm điện thoại ơn dùl anih nàng hòi mờ mpồl duh broă pơrlòng; tàm ală anih pơrlòng ờ gơtùi lơh điện thoại ơn dùl anih den lơh dùl nơm điện thoại hoài jòng halà điện thoại at tê ơn dùl anih tàm cơldu\ drơng sền bơh anih pơrlòng dê. Jơh ală dơ\ hòi tàm tu\ jiơ pơrlòng ndrờm pal geh pờ lơ wa bơdìh mờ iat ờ ndơ\p mpồn. Tàm tu\ dilah gơ jal ngan, den gơtùi ơn dùl nơm măy vi tính tàm cơldu\ drơng sền bơh anih pơrlòng dê mờ măy vi tính mìng geh pờ internet tu\ jun jơnau yal mhar ai Mpồl duh broă pơrlòng in.

Kơrnoat bơto pơlam kung cih, tơngai tong sră cih mat dan pơrlòng geh cih tàm sră nggal bơto pơlam bơyai lơh pơrlòng pah nam bơh Gah Bơto bơtê mờ bơsram dà lơgar dê. Tu\ jơh tơngai ai tong sră cih mat dan pơrlòng, dilah sền go\ geh bơta lơi lơh tìs, gam hi\u, cau pơrlòng pal yal di tu\ mờ Kuang atbồ Hìu bơsram kai III halà Kuang atbồ anih lơh sră cih mat dan pơrlòng halà yal mờ Mpồl duh broă pơrlòng in tàm ngai lơh sră nggal lòt pơrlòng nàng lơh tam gơl mờ bơtơl wơl. Ală cau krơi is geh gơnoar bơtơl ală bơta sră nggal cơng tàng nàng geh dờp bơta dong kờl, dờp điềm pơn jờng pal lơh lài mờ ngai pơrlòng den hơ\ sồng geh kuơ.

Gơ wèt mờ broă lơh tơl khà điềm pơrlòng trắc nghiệm, Kơrnoat bơto pơlam cih bè do: Mpồl ai điềm geh ai điềm mờ tam gơl điềm mờ măy tính tus sèng điềm 10, lơh tơl khà điềm tus 2 thập phân ai tơl jơnau pơrlòng trắc nghiệm in. Ring bal ngui mã môn pơrlòng tàm ală mat sră nggal jat jơnau sồr bơh Gah Bơto bơtê mờ bơsram dà lơgar dê.

Bơdìh hơ\ tai, kơrnoat bơto pơlam kung cih, kơnòm bơsram kai III ờs mờng, cau bơsram Hìu bơsram bơto bơtê sùm gam sơnđan là hìu bơsram bổ túc geh sră cơng tàng bơsram broă lơh bơh gah bơto bơtê mờ bơsram càr halà [òn dờng dê halà ală hìu bơsram mờ bơto broă lơh bơh gah bơto bơtê dê ai tàm tơngai bơsram kai III geh cộng điềm pơn jờng bè do: Sră cơng tàng jak geh bơtơl tai 2 điềm; jak di mơ geh bơtơl tai 1 điềm mờ gùl mờ dilah ờ jak den geh bơtơl tai 1 điềm.

Cau pơrlòng gơtìp ờ ai pơrlòng môn pơrlòng lơi den geh gơtìp 0 điềm môn pơrlòng hơ\; ờ geh ai tai pơrlòng ală môn pơrlòng pơn jat tai; ờ geh ngui cồng nha pơrlòng nàng sền sơ wì pơrlòng gơkờn jơh bơsram kai III mờ lơh sră cih mat dan sac rwah mu\t bơsram tàm ală hìu bơsram kai dờng, cao đẳng;

Kơrnoat bơto pơlam do geh ai ngui kờp bơh ngai 25 nhai 04 nam 2016.

Cau cih mờ yal tơngi\t- Lơ Mu K’ Yến