Kuang gơs gơnăp gơnoar at bồ hơ đang rlao jơh dà lơgar pa ky\ kơrnuat geh tơlik ngui kơrnuat sồ 34/2014/NĐ-CP bè kơrnuat tiah nhàr lơgar đang ù gờl  bơh dà lơgar Việt Nam

Kơrnuat cih ală cau geh ơm kis tàm tiah nhàr lơgar ù gờl tàm hơ\ geh: Cau ơm kis tàm tiah nhàr lơgar; cau geh sră ai gơnuar bơh anih lơh broă kuang àng geh gơnoar dê ai gơnoar ơm kis tàm tiah nhàr lơgar ù gờl; sĩ quan, cau ling lơh broă sùm, kuang bàng lơh broă sền gàr dà lơgar, cau lơh broă sa priă nhai dà lơgar sền gàr dà lơgar, hạ sĩ quan, cau ling mpồl ling làng bol; sĩ quan, cau lơh phan, cau lơh broă sa priă nhai dà lơgar, hạ sĩ quan lơh broă mờng chài, hạ sĩ quan lơh broă măi moc\ kuang àng làng bol geh anih lơh broă tàm tiah nhàr lơgar ù gờl.

Jăt Kơrnuat, làng bol Việt Nam tus tàm tiah nhàr lơgar ù gờl pal geh sră kim ta halà sră pơ àr ndai gơ rềng tus să jan\ jăt jơnau cih bơh kơrnuat boh lam dê. Cau lơgar ndai ơm kis sùm, ơm kis ing tàm lơgar Việt Nam tus tàm tiah nhàr lơgar pal geh sră ai gơnoar bơh anih lơh broă kuang àng kơnă càr anih cau hơ\ ơm kis sùm, ơm kis ing halà kuang àng càr tiah nhàr lơgar ù gờl anih tus ai. Anih lơh broă, mpồl lơh broă lơgar Việt Nam lam cau lơgar ndai tus tàm tiah nhàr lơgar ù gờl pal geh sră yal tơngi\t bơh anih lơh broă, mpồl lơh broă ătbồ dê; kuang bàng lòt bal pal geh sră pơ àr jăt jơnau sồr, mờ anih lơh broă, mpồl lơh broă pal yal mờ kuang àng mờ gah đơng lam mpồl ling sền gàr nhàr lơgar kơnă càr anih tus in git lài ê\t ngan kung lài mờ 24 jiơ. Dilah cau lơgar ndai lòt tàm ală mpồl ala măt, mpồl kuang bàng dờng màng tus tàm tiah nhàr lơgar ù gờl, anih lơh broă, mpồl lơh broă bơh lơgar Việt Nam dê ( anih lơh broă jà halà lơh broă mờ mpồl) pal yal mờ sră nggal ai kuang àng mờ Gah đơng lam mpồl ling sền gàr nhàr lơgar kơnă càr anih tus in gi\t, mơkung ai kuang bàng lòt bal nàng bơto pơlam.

Kơrnuat kung cih loh broă lơh bơh cau mờ rơndeh rơndồ tàm tiah nhàr lơgar ù gờl. Mùl màl, làng bol Việt Nam ( ờ kờp làng bol ơm kis tàm tiah nhàr lơgar) mờ cau lơgar ndai tus tàm tiah nhàr lơgar ù gờl, dilah ơm wơl măng pal lơh sră dan ơm kis tàm anih lơh broă kuang àng kơnă ntum tiah hơ\ jăt jơnau cih bơh kơrnuat boh lam dê. Dilah ơm wơl mang tàm gùng pleh tiah nhàr lơgar pal yal mờ sră nggal ai pôs đồng ling sền gàr nhàr lơgar tàm tiah hơ\ in. Cau, rơndeh rơndồ lơh broă tàm tiah nhàr lơgar ù gờl pal geh tơl sră pơ àr jăt jơnau cih bơh kơrnuat boh lam dê mờ lơh jăt bơta bơto pơlam, sền sơ wì, gròi sền bơh pôs đồng ling sền gàr nhàr lơgar, kuang àng kơnă ntum tiah hơ\ mờ mpồl lơh broă geh gơnoar jăt jơnau cih bơh kơrnuat boh lam dê.

Broă lơh bơh cau, rơndeh rơndồ Việt Nam mờ lơgar ndai tàm tiah nhơl chờ, broă lơh ala, kă bro, tiah lơh sa mpồng nhàr lơgar, tiah mpồng nhàr lơgar mờ ală tiah lơh sa ndai geh lơh tàm tiah nhàr lơgar ù gờl mu\t lơh jăt jơnau cih bơh kơrnuat boh lam dê tus mờ ală tiah hơ\ mờ jơnau cih bơh kơrnuat boh lam ndai geh gơ rềng. Làng bol ơm kis tàm tiah nhàr lơgar bơh lơgar rềp bal lơh broă tàm tiah nhàr lơgar ù gờl Việt Nam mu\t lơh jăt jơnau pơrgon bè kơrnuat tiah nhàr lơgar 2 lơgar neh ki\ mờ jơnau cih bơh kơrnuat boh lam Việt Nam dê.

Kơrnuat kung cih broă lơh ală rơndăp broă, broă lơh tàm tiah nhàr lơgar ù gờl ờ go\ di lơh gơ rềng aniai tus broă lơh tiah nhàr lơgar; tam gơl tềl tơngo\ đal gi\t gùng nhàr lơgar, lơh aniai halà lơh roh jrong nhàr lơgar; ờ lơh tìs ală jơnau pơrgon bè kơrnuat tiah nhàr lơgar mờ lơgar Việt Nam rài làng bol lơh tờm mpồl bơtiàn ring bal neh ki\ hơ mờ ală lơgar rềp bal… Kơrnuat do geh ai ngui bơh ngai 15 nhai 6 nam 2014 do.

                                                            Cau mblàng Lơ Mu K’ Yến.