VOV4.K’ho-Lơh jat dơ\ hòi jà “Bơ\t bơtàu rài kis broă lơh jơnau đơs Kuang àng làng bol kơ\ nùs, gi\t jơnau, tài làng bol drơng broă”, tơngai lài, bal mờ bơta sền gròi, đơng lam bơh ală kấp kuang bàng đơng lam bồ dê, tơl nă kuang bàng, cau kuang àng tàm Phòng Kảnh sát Atbồ sră nggal bè rơndăp tăp sèng ờdo ờdă mpồl bơtiàn, Kuang àng càr Dak Nông dê sùm lơh niam nùs nhơm geh kơnòl uă mờ broă lơh, lơh pràn lơh niam wơl sră nggal tài làng bol drơng broă.

Geh mat tàm Phòng Kảnh sát atbồ sră nggal bè rơndăp tăp sèng ờdo ờdă mpồl bơtiàn- Kuang àng càr Dak Nông dê den hơ\ sồng sền go\ geh nùs nhơm lơh broă geh kơnòl ngan bơh kuang bàng mờ cau kuang àng tàm do dê.

Trồ tiah duh ngan, cơldu\ lơh broă dềt hat hal ngan, làng bol tus uă ngan tai, mơya tơl nă kuang bàng, cau kuang àng tàm do kung gam jơh nùs jơh tồr sơl bơto pơlam làng bol dê bơh broă dềt rơhền ngan, lơh sră nggal nàng lơh sră kim ta. Nùs nhơm chờ hờp chờ hờn, rềp mềl lơh làng bol gơlơh niam nùs mờ kờ` gơboh ngan. Bi Phan Văn Ngọc, ơm tàm xã Quảng Tân, kơnhoàl Tuy Đức, càr Dak Nông tus lơh sră kim ta, đơs bè do:

Do là dơ\ sơnrờp a` lòt tus tàm càr nàng lơh sră kim ta, a` sền go\ mpồl kuang àng, kuang bàng, cau kuang àng tàm do drơng broă jơh nùs jơh tồr ngan.

Ai bi Đào Thị Hồng Hạnh, den đơs bè do:

Bơh hìu a` lòt tus tàm do ngài di pơgăp 40 kơi sồ, geh ală kuang bàng mờ cau kuang àng bơto pơlam jơh nùs ngan, nùs nhơm chờ hờp chờ hờn ngan, jơh nùs jơh tồr tài làng bol drơng broă.

Mờ jơnau đơs “Pah ngai lơh dùl broă niam tài làng bol”, Phòng kảnh sát atbồ sră nggal bè rơndăp tăp sèng ờdo ờdă mpồl bơtiàn- Kuang àng càr Dak Nông dê neh bơto yal tus jơh tơl nă kuang bàng mờ cau kuang àng in bè nùs nhơm lơh broă geh kơnòl, nùs nhơm drơng broă tài làng bol tàm jơh ală gah broă lơh, tàm hơ\ geh broă lơh sră kim ta.

Phòng kảnh sát atbồ sră nggal bè rơndăp tăp sèng ờdo ờdă mpồl bơtiàn do kung neh ai uă mpồl lơh broă lòt tus tơn tàm ală thôn, [òn tiah sar lơgar ngài, tiah kal ke lơh sră kim tai ai làng bol in. Mơkung pơgồp bal mờ Bưu điện lơh broă drơng ala jun sră kim ta tus tơn tàm tê làng bol dê.

Thiếu tá Cao Văn Hạnh, Kuang atbồ Mpồl lơh, atbồ sră kim ta gơwèt Phòng kảnh sát atbồ sră nggal bè rơndăp tăp sèng ờdo ờdă mpồl bơtiàn- Kuang àng càr Dak Nông dê pà gi\t, bơh nam lài tus tu\ do, mpồl do neh lơh geh mờr 46 rbô sră kim ta. Thiếu tá Cao Văn Hạnh, đơs:

Kuang đơng lam bồ mpồl neh bơto yal tus jơh tơl nă kuang bàng, cau kuang àng, ngan là cau lơh broă wa\ làng bol, pal jơh nùs jơh tồr ngan, dong làng bol tàm broă lơh sră kim ta, jơh ală tài làng bol drơng broă; mpồl kung neh lòt lơh sră kim ta làm bă tiah tus tơn tàm UBND xã, lơh jơnau yal lơh geh bơta [ươn ai ală kơnòm bơsram mờ làng bol in geh lơh sră kim ta tàm xã.

Mờ nùs nhơm “Pah ngai lơh dùl broă niam tài làng bol”, kuang bàng, cau kuang àng Phòng Kảnh sát atbồ sră nggal bè rơndăp tăp sèng ờdo ờdă mpồl bơtiàn- Kuang àng càr Dak Nông neh pơgồp bơnah sơlơ lơh niam rlau tai rùp să bơh cau kuang àng niam tàm nùs nhơm làng bol dê!

Cau mblàng- Lơ Mu K’Yến