VOV4.K’ho– Broă lơh kuang bàng đơs bal, broă lơh kuang bàng tàm tơl dơ\ pơrjum dờng Đảng đơs is sùm geh bơngă kuơmàng ngan gơ wèt mờ dà lơgar, geh Đảng he đal git là broă lơh kuơmàng, là broă lơh tờm bơh bơta tờm dê, gơ rềng đềt mềr tus bơta kis jo\ mờ gơ noar broă đơng lam bồ bơh Đảng dê, bơta kis jo\ bơh rài atbồ mờ bơta bơtàu tơnguh bơh dà lơgar dê. Ua\ kuang bàng kơp kơ nờm, tơngai lơh broă do, broă lơh kuang bàng geh rơcang wil tơl, ring niam, nền nòn, jơh nùs, ring bal dùl nùs, song dơpă, ring bal, ngan là geh gơtùi rơ wah ală kuang bàng jak ngan rlau jơh.

Bơta pa bơh broă lơh kuang bàng dơ\ do dê là broă rơndap lơh 5 bơta, bơh pơrjum kấp hơ đơm tus kuang bàng pơrjum dờng dơ\ 13 bơh Đảng dê geh lơh nền nòn, khoa học, ring bal dùl nùs, song dơpă. Tàm hơ\, kuang bàng dờng màng bơh pơrjum dờng dơ\ 13 dê geh lơh nền nòn rlau, mờ broă rơndap lơh 2 dar 8 bơta. Jat ua\ kuang bàng đơs, broă lam lơh nền nòn bè hơ\, lài ngan ai tơnggo\ kơ nòl broă bơh mpồl duh broă Đảng dê bè atbồ kòn bơnus. Broă rơndap lơh hơ\ gam lơh gơlik broă wèt sền li la mờ tơl làm rlau, dong rơ wah ală cau jak chài, geh pràn jak, gơtùi rơ wah kuang bàng geh tơl nùs tồr, geh tơl bơta chài rơ gơi.

Ồng Hồ Văn Mừng, Mpồl kuang bàng càr Khánh Hòa đơs là: “Jơh ală broă lơh bơh jơnau sồr 5 bơta bè do dong Đảng bol he gơtùi rơ wah kuang bàng geh tơl nùs nhơm niam, geh tơl pràn jak, bal mờ hơ\ den tàm ală broă rơndap lơh kuang bàng bol he dê ndrờm geh ai jơnau đơs tă pơgồp bơh làng bol tiah ơm kis mờ broă lơh kuang bàng bè hơ\ den geh tai dùl bơnah sền gròi bơh làng bol dê gơ wèt tus mờ kuang bàng hơ\ mờ a` go\ dùl broă kuơmàng ngan rlau jơh pal sền gròi ngan. Tiah làng bol ơm kis hơ\ là cau git loh kuang bàng ngan rlau jơh, cau do là cau bè lơi, den jat a` broă rơndap lơh 5 bơta tu\ do bol he dê nền nòn ngan mờ a` kơp kơ nờm ngan là pơrjum dờng dơ\ do bol he gơtùi rơ wah ală kuang bàng mut tàm Ban Chấp hành Đảng dà lơgar, Bộ Chính trị, Ban Bí thư là pal geh tơl pràn jak, tơl nùs nhơm niam nàng bơt bơtàu Đảng he pơn jat tau pràn kơldang, kơ\ kơljap mờ dà lơgar he pơn jat tai bơtàu tơnguh tàm tơngai tus.”

Ồng Bùi Đình Long, mpồl kuang bàng càr Nghệ An geh jơnau đơs: “Lài mờ pơrjum dờng ală kấp dơ\ do, Đảng dà lơgar sồr broă lơh kuang bàng là broă rơndap lơh 5 bơta loh làng ngan, làng bol lơh tờm, ring bal dùl nùs, loh làng, song dơpă, [uơn lơh, [uơn lơh jat mờ kuơmàng tu\ neh lơh gơs den rơndap tap sèng dipal, khoa học mờ lơh gơlik bơta ring bal niam ngan tàm Đảng mờ geh làng bol dùl nùs ring bal”.

Gơtùi đơs nền, broă lơh kuang bàng neh geh Ban Chấp hành Đảng dà lơgar khóa 12, Bộ Chính trị, Ban Bí thư rơcang wil tơl, ring niam, jơh nùs. Ờ mìng broă rơndap lơh rơ wah ua\ kấp, ua\ kơnă, ua\ dar, mờ tu\ geh kuang bàng rơcang lài bloh, Đảng he neh pờ ua\ ơdu\ bơ to bơtê bơh ală kuang bàng Ủy viên Bộ Chính trị, Bí thư Đảng dà lơgar bơ to bơtê tơn tàm ală ơdu\ kuang bàng rơcang lài geh lơh sùm 2 nam do.

Bơta kuơmàng tai tàm pơrjum dờng dơ\ 13 do bè broă lơh kuang bàng là lơgar he bal mờ dunia lòt gan tu\ tơngai kal ke ngan rlau jơh. Hơ\ là kòp dờng Covid-19 geh đơs là 100 nam hơ\ sồng geh dùl dơ\ kòp dờng geh gơ rềng kơn jơ\ kơn jut bè hơ\, mơya ua\ kuang bàng bơh kấp hơ đơm tus dà lơgar, kuang đơng lam bồ tờm ngan bơh Đảng, dà lơgar dê neh ai tơnggo\ nùs nhơm jak chài, bơta chài tơlik broă rơndap lơh bè broă đơng lam, pơlam, neh lam kấp hơ đơm mờ dà lơgar sơrlèt gan tu\ tơngai kal ke, gơ gơs là bơta niam tiơng pơn rơ ờ huan geh ngan tàm dunia.

Cau rài yau geh jơnau đơs: tàm bơta kal ke hơ\ sồng gơtùi git muh mat cau khin cha jak chài. Tàm bơta kal ke, cau lơi ờ pràn, cau lơi pràn, cau lơi khin sơ nơng, khin lơh, khin lơh nền, cau lơi kwi kuơ ndrờm mpờl go\ lơm. Đảng viên mờ tơl nă làng bol ndrờm go\ loh làng. Den tàng, bơta geh ngan pa do là bơta đo was dipal ngan nàng pơrjum dờng dơ\ do in gơtùi rơ wah kuang bàng niam ngan rlau jơh ai dà lơgar in tàm gơl gùng 5 nam mờr tus.

Kuang bàng Phan Nguyễn Như Khuê, gơ wèt Mpồl [òn dờng Hồ Chí Minh đơs: “A` jơh nùs pin dờn bơh broă bơt bơtàu jơnau yal chính trị kung bè ală sră nggal bơh pơrjum dờng dơ\ do dê. Broă bơt bơtàu dùl Ban Chấp hành khóa pa kung geh ơn tàm bơta khoa học mờ tơl nùs nhơm, tơl bơta pràn jak bè hơ\. Ờ hềt tu\ lơi dà lơgar bơtàu tơnguh bè jơnau đơs nền bơh Tổng Bí thư, Chủ tịch lơgar dê. Kung ờ hềt tu\ lơi mpồl kuang đơng lam bồ dà lơgar tàm dùl tu\ tơngai àng gơ crà ngan bè tu\ do. Geh tàm pơ dờn jơh bal mờng chài prap gàr, jơh bal mờng chài bơtàu tơnguh mờ ai tơnggo\ mpồl kuang bàng ngac ngar, a` pin dờn mpồl kuang bàng Ban Chấp hành khóa pa geh lam dà lơgar mut tàm gơl gùng bơtàu tơnguh pa”.

Ồng Nguyễn Minh Tuấn, mpồl kuang bàng càr Yên Bái den đơs: “A` kơp kờ` là pơrjum dờng dơ\ 13 bơh Đảng dê dơ\ do geh rơ wah mpồl kuang bàng ală kấp, ngan là kấp kuơmàng geh tơl nùs nhơm, tơl pràn jak chính trị, geh bơngă pin dờn mờ jak chài, kuơmàng là sùm ơn bơta kuơ bơh jơi bơtìan, bơta kuơ bơh dà lơgar dê lài ngan nàng lơh jat jơnau sồr kơ nòl broă bơtàu tơnguh dà lơgar dê tàm tơngai tam gơl pa mờ a` pin dờn là, mờ bơta pin dờn bal mờ bơta kơp kơ nờm bè nùs nhơm pơrjum dờng dơ\ do dê den ngan là, lơgar Việt Nam bol he dê geh gơ gơs là dùl dà lơgar pas sơm mờ gơboh gơbài mờ kuơmàng là bơta pin dờn bơh làng bol dê geh gơguh ua\ rlau tàm tơngai tus”.

Ua\ kuang bàng kung đơs là, tàm broă lơh kuang bàng mờ bơt bơtàu Đảng, bal mờ broă chồl pràn rơcang sơndră sa kuề sa kùa, ờ niam nùs nhơm chính trị, nùs nhơm tàm rài kis den kung pal geh ală broă lơh sền gàr kuang bàng, đảng viên khin sơ nơng, khin lơh mờ geh ua\ jơnau bơceh pa, drơng bơta kuơ bal. Tài bơh nàng kờ` tơl tiah, dà lơgar bơtàu tơnguh den pal geh bơta tam gơl pa. Tu\ geh bơta bơceh pa tàm broă đơng pơlam, atbồ nàng drơng làng bol, mpồl lơh sa kă bro dùl bă niam ngan rlau jơh den geh lơh gơ rề nùs nhơm bơceh pa mờ bơta khin cha bơh làng bol dê.

Ală kuang bàng mờ làng bol gùt lơgar kơp kơ nờm, kuang bàng Đảng dà lơgar khóa 13 geh pồ geh ngan ngồn là bơta tờm bơh Đảng dê, ngan ngồn là bơta tờm bơh dà lơgar dê, sùm kơ lôi rơcang lơh bè lơi nàng làng bol geh hờm ram, gơboh gơbài, dà lơgar geh pas sơm, pràn kơldang bè Chủ tịch Hồ Chí Minh neh kơp kơ nờm. Hơ\ geh ngan ngồn là bơta bơtuah bơtùai bơh tơl nă làng bol dê.

Cau mblàng K’Duẩn