VOV4.K’ho- Sơnđờm bơh ngai 20/10, 4 rơndăp cih sră nggal sền tàm Pơrjum dờng dơ\ 13 bơh Đảng dê geh yal. Kềng bơdìh dơ\ pơrjum Quốc hội, uă jơnau đơs kuang bàng Quốc hội neh geh ală jơnau đơs jơh nùs jơh tồr ngan tă pơgồp jơnau đơs ai rơndăp cih ală sră nggal bơh Đảng dê in. Ală kuang bàng đơs sùm là, rơndăp cih sră nggal bơh Đảng dê pal tơngo\ geh broă tam pà bơta pràn, tàm hơ\ mpồl cau lơh broă jak ngan, mơkung pơgồp bơnah bơ\t bơtàu geh dùl mpồl kuang bàng jơh nùs drơng broă dà lơgar mờ làng bol in.

Bal mờ kơnòl broă bơh kuang bàng Quốc hội dê, ồng Đỗ Văn Sinh, gơ wèt Mpồl kuang bàng Quốc hội càr Quảng Trị đơs là: ală kuang bàng Quốc hội geh pơn jăt tai cribơyai nàng tơngo\ bồ tơngoh bơta kơ\p kờ` bơh làng bol dê. Ală tă pơgồp bơh kuang bàng Quốc hội dê tàm dơ\ pơrjum dơ\ 10 geh lơh geh bơnàng jă kuơmàng nàng Mpồl cau cih in lơh gơs nàng kờ` pơn jăt tai bơ\t bơtàu dà lơgar tàm tơngai tus bơtàu tơnguh kơ\ kơl jăp mờ jo\ jòng. Ồng Đỗ Văn Sinh, Mpồl kuang bàng Quốc hội càr Quảng Trị, đơs: Kuơmàng ngan rlau jơh tu\ do là bol he pal bơ\t bơtàu geh dùl mpồl lơh broă chính trị dùl bă kơ\ kơl jăp mờ lơh wờl dùl êt nă cau mờ jăt tàm bơnàng jă nàng bol he geh dùl mpồl kuang bàng jơh nùs drơng broă làng bol in. Pơn jăt tai là dùl tơngume kuơmàng ngan, hơ\ là geh ală jơnau pơlam gùng dà nàng bơtàu tơnguh lơh sa- mpồl bơtiàn tàm tu\ tơngai pa tàm rài pa bal mờ dùl khà bơtàu tơnguh niam rlau mhar rlau. A` gơn kơnờm là ală kuang bàng bol he dê geh tă pơgồp dùl bă jơh nùs ngan mờ bal mờ bơta geh kơnòl ngan rlau jơh nàng bol he bơ\t bơtàu geh dùl kơrnoat nàng sền yal tàm Pơrjum dờng dơ\ 13 geh cồng nha.

Dùl nùs bal mờ jơnau đơs do, ồng Trương Minh Hoàng, Mpồl Kuang bàng Quốc hội càr Cà Mau pin dờn ală kuang bàng Quốc hội geh ală jơnau đơs jrô ơnàng tă pơgồp ai rơndăp cih Sră nggal bơh Đảng dê in. Ồng Trương Minh Hoàng, đơs: Kuang bàng Quốc hội bol he dê uă ngan là đảng viên lơm mờ ală oh mi kung neh geh sac rwah mpồl cau tờm. Den tàng bè hơ\, ală jơnau đơs tă pơgồp bơh ală kuang bàng Quốc hội dê geh bơta kơlôi sơnơng mờ sac rwah bơh ală jơnau đơs tă pơgồp, gơ jăt bal mờ ala măt ai làng bol in, ờ go\ di mìng mờ gơnoar broă là dùl nă đảng viên lơm mờ gam gơ jăt bal mờ rài kis mờ bơta ơm kis làng bol dê tai. Den tàng bè hơ\, a` pin dờn ngan là tàm ală tu\ ai jơnau đơs tă pơgồp bơh kuang bàng Quốc hội dê den a` dòn là geh bơta niam mờ geh uă jơnau đơs geh đơs loh mờ mblàng sền jrô nền nòn rlau. Do kung là ală jơnau yal geh là dùl jơnau yal nàng sac rwah nàng tă pơgồp jơnau đơs, kờp bal tàm broă lơh bơtàu tơnguh lơh sa, tàm broă lơh bơ\t bơtàu Đảng mờ geh bal tàm tu\ tă pơgồp bơh tàm tu\ lơh jăt ală broă lơh ătbồ, adat bơhiàn Đảng dê mờ geh bal tàm broă lơh bơ\t bơtàu mpồl kuang bàng.

Sền gròi tă pơgồp jơnau đơs tàm rơndăp cih ală Sră nggal bơh Đảng dê bè tam pà bơta pràn, tàm hơ\ mpồl cau lơh broă jak ngan là kuơmàng ngan rlau jơh, ồng Lê Thanh Vân, lơh broă tàm Ủy ban Priă jền, Kes priă Quốc hội dê, đơs là: Mpồl cau lơh broă jak ngan hơ\ là mpồl cau lơh broă tàm broă đơng lam ătbồ, tàm broă lơh jak chài măy mok, broă lơh ờs mờng mờ broă lơh mờng chài tàm tu\ lơh broă. Ồng Lê Thanh Vân, đơs: Bol he tu\ do là ờ hềt sền dờng màng tus broă sac rwah kuang bàng jăt tơl gah broă lơh, nàng ai lơh broă dipal mờ bơta pràn jak. Mpồl cau lơh broă jak kuơmàng ngan tàm bơta là: Ngan mpồl cau do là cau tờm bơceh gơlik gùng dà boă lơh, di gùng di bơta pal jăt, jăt thàn mờ tu\ tơngai. Ngan mpồl cau lơh broă do kung là bơta pràn mờ lơh gơs ală bơta pal jăt bơsong ală adat nàng lam lơh jăt. Khi là ală cau mờ lam lơh jăt niam ngan rlau jơh, hơ\ là bơta jak mpồl cau lơh broă dê. A` kờ` pơyua tus kàr hơ\ là broă săc rwah Ban Chấp hành Đảng dà lơgar ngan ngồn là bồ tơngoh jak, àng sơrdah ngan ngồn là jak chài ngan bơh jơi bơtiàn dê den hơ\ sồng tề lam geh dà lơgar lòt guh.

Jăt ală kuang bàng, tàm sră nggal Pơrjum dờng dơ\ 13, tu\ lùp broă ring bal mpồl bơtiàn den pal kơlôi tus jơnau ring bal mơya ờ go\ di là ndrờm bal ờ. Ồng Bũi Sỹ Lợi, Mpồl kuang bàng Quốc hội càr Thanh Hoá, sồr: Tàm ală tu\ bơtàu tơnguh den ring bal mpồl bơtiàn pal lơh jăt dùl bơta pal jăt bơh Sơnoa boh lam dê. Hơ\ là pal gàr geh gơnoar kuơ dipal mờ kơrnoat boh lam bơh làng bol dê. Den tàng, tu\ làng bol kờ` geh dờp gơnoar kuơ den pal geh kơnòl broă, ờ go\ di ndrờm bal jăt broă lơh mờ làng bol mìng kơlôi tus gơnoar kuơ mờ ờ go\ kơlôi tus bơta tă pơgồp bơh he dê. Bơta hơ\ ờ go\ geh kuơ. Den tàng dơ\ do, Kơrnoat bơh Pơrjum dờng dơ\ 13 lơh bè lơi tu\ đơs sùm tus jơnau ring bal den pal lơh bè lơi bơta ring bal hơ\ là ring bal ngan ngồn, ờ go\ di là ndrờm bal bè broă lơh bơh lài tus tu\ do ờ.

Jăt jơnau đơs, tàm pơrjum dơ\ 10, Quốc hội geh lời 1 ngai nàng cribơyai tàm mpồl, tă pơgồp jơnau tàm ală rơndăp cih Sră nggal sền yal tàm Pơrjum dờng cau ala măt gùt lơgar dơ\ 13 bơh Đảng dê. Bơta kuơmàng ngan là broă tơrgùm kờp wil tơl jơnau đơs tă pơgồp bơh ală kuang bàng Quốc hội geh jơnau đơs tă pơgồp tàm rơndăp cih ală sră nggal bơh Đảng dê.

Cau cih Lại Hoa (VOV1)- Cau mblàng Lơ Mu K’Yến