VOV4.K’ho - Tàm dơ\ lùp mờ hơ jơnau lùp dơ\ sơnrờp bơh Gơnoar ala măt dà lơgar kơnă 14 neh tơn jơh mờ geh cồng nha bơh ngai 15 tus 17 nhai 11. Gơnoar ala măt dà lơgar iăt ală Kuang atbồ ală gah lơh broă dà lơgar: Gah kă bro dà lơgar, gah phan geh is mờ tiah kis dà lơgar, Gah bơto bơtê mờ bơsram dà lơgar bal mờ Gah dơlam is dà lơgar neh hơ jơnau lùp. Ồng Vũ Dức Đam, kuang jăt jơng gơs gơnăp gơnoar atbồ hờ đang rơlao jơh dà lơgar; ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh geh jơnau yal, jơnau mblàng tai mờ Kuang gơs gơnăp gơnoar atbồ hờ đang rơlao jơh dà lơgar neh hơ tơn jơnau lùp bơh kuang bàng tàm Gơnoar ala măt dà lơgar. Ờ pleh kơnòl tềng đăp mờ ală broă ờ su\k ơm, broă gam ờ pràn, ồng Nguyễn Xuân Phúc bal mờ ală kuang bàng atbồ gah lơh broă dà lơgar neh ai tơl^k jơnau đơs pràn tàm pơrjum.

Tơrgùm lơh geh rơlao 200 dơ\ kuang bàng ai jơnau lùp; tàm hơ\ geh rơlao 20 dơ\ kuang bàng lùp tus mờ Kuang gơs gơnăp gơnoar atbồ hờ đang rơlao jơh dà lơgar, geh rơlao 35 dơ\ kuang bàng tàm Gơnoar ala măt dà lơgar tơl^k jơnau lùp tàm kơn dang. Tềng đăp mờ uă broă gam ờ su\k ơm, mùl màl mờ kuang bàng geh lùp, ală kuang bàng tàm Gơnoar atbồ lơgar neh tơl^k nùs nhơm geh kơnòl, di pal ai tơl^k nùs nhơm tòm mờ uă jơnau đơs niam.

“Bơta chài rơgơi tơn jơh at gơnoar là pal geh” - Ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar  neh ring bal mờ uă jơnau kuang bàng bal mờ jàu Gah dơlam is dà lơgar kơlôi sơnơng kờ` geh sră nggal di pal ai tơl^k tus mờ kuang bàng tơn jơh kơnòl tàm broă lơh mùl màl, tàm hơ\ geh bal broă ờ di pal mờ broă kờ` tàm kơnòl lơh broă.

Ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar hơ jơnau lùp tàm ngai 17 nhai 11

“Bàr pang sră rơm^t gơs pang sră pơrhê, ha là pang sră pơrhê tơn” – nùs nhơm bơh cau lam bồ Gơnoar atbồ lơgar dê tềng đăp mờ broă “Lơh glài mơya gam lơh broă”. Ồng Nguyễn Xuân Phúc jàu anih lơh broă geh gơnoar gơrềng bal tơn jơh, sền wơl mờ kơlôi sơnơng broă lơh glài jăt broă lơh di tu\, niam bơne\.

“Ba` lời rơndăp broă hoàc huơr pơn jăt tai “Tơ\ ồi dă bềl”. Mờ ală rơndăp broă dờng gơbàn hoàc huơr, ờ geh cồng nha geh ờ ai priă tă dia làng bol kờ` tơm bơtơl mờ pal tơm bơh priă hoàc huơr hơ\ mờ uă broă lơh, geh bal broă tơn jơh lơh broă. Bal mờ hơ\ là lơh loh kơnòl să tòm, mpồl lơh broă lơh gơbàn hoàc huơr priă Dà lơgar.

“Mus kơl chi brê hòn is pal geh lơh glài nền nòn”. Cau lam bồ Gơnoar atbồ lơgar đơs tòm, kờ` lơh jăt gùng dà, broă til mpồng brê geh tơl^k kơnòl gơnoar atbồ càr, lơh glài nền nòn tìs, tơmù broă ntrờn ơnm kis khăt gơboh.

“Ba` kơnờm tàm 1 anih kă bro, 1 lơgar lơh broă bal” – Lơgar Việt Nam rơcang mờ geh uă broă lơh kờ` bơ\t bơtàu broă lơh sa krơi is, lơh tòm, tàm hơ\ geh broă bơ\t bơtàu tai broă lơh sa, bơ\t bơtàu kơrnoăt broă lơh, tơnguh bơta pràn lơgar Việt Nam dê, pờ ơnàng anih kă bro kờ` ờ gơbàn kơnờm.

“Sơbì ală kuang bàng ờ jăk l^k bơdìh mpồl lơh broă” là broă lơh mhar kờ` ai tơl^k nùs nhơm pin dờn tus làng bol in. Kuang gơs gơnăp gơnoar atbồ hờ đang rơlao jơh dà lơgar đơs pràn, bal mờ broă lơh loh làng, nền nòn den gơnoar atbồ pal geh sền gròi.

Tàm ală dơ\ lùp mờ hơ jơnau lùp, ală kuang atbồ gah lơh broă dà lơgar kung neh di pal kơlôi sơnơng kơnòl să tòm.

“Sền kờ` g^t sră pồ gam ờ nền nòn” - Ồng Lê Vĩnh Tân, kuang atbồ gah dơlam is dà lơgar neh đơs loh tềng đăp mờ broă geh ờ uă kuang bàng tơnơ\ mờ tu\ pồ geh tìs, ờ di pal mờ kơnòl broă lơh, geh tu\ tìs mờ adăt boh lam. Gah dơlam is dà lơgar gam bal mờ ală anih lơh broă geh gơnoar kơlôi sơnơng tam gơl broă lơh jăt broă tam pà loh làng gơnoar, kơnòl bơh tơl kơnă dê, tìs tàm kơnă lơi den kơnă hơ\ dờp kơnòl.

Ồng Lê Vĩnh Tân, kuang atbồ gah dơlam is dà lơgar

“Ờ di là ơm lơh broă tu\ sơnam neh jơh là jơh kơnòl” - Ồng Lê Vĩnh Tân đơs tòm, geh tìs den pal gơbàn lơh glài. Broă lơh glài ồng Vũ Huy Hoàng, kuang atbồ gah kă bro dà lơgar lài do kung tơl^k jơnau yal kuang bàng gam at gơnoar pal lơh di mờ gơnoar, kơnòl tòm. Sră nggal tơl^k geh kơlôi sơnơng tơl^k kờ` lơh glài jơh tus mờ cau neh jơh sơnam ờ lơh broă tai, ờ gơtùi “Ơm niam ờ do ờ dă” tu\ geh tìs.

“Gah lơh broă dà lơgar dờp kơnòl bè broă gơbàn Formosa” - Ồng Trần Hồng Hà, kuang atbồ gah phan geh is mờ tiah kis dà lơgar neh loh làng dờp kơnòl bè broă gơbàn [ơ\ tiah kis dà lềng tàm 4 càr tiah tàm gùl lơgar. Broă lơh glài pal geh lơh nền nòn, ba` pleh mờ geh yal làng bol in g^t. Ală broă tơmù [ơ\ geh lơh jăt nền nòn kờ` gàr niam broă tơnguh bơtàu kơl jăp tàm tơl tiah dê.

Ồng Trần Hồng Hà, kuang atbồ gah phan geh is mờ tiah kis dà lơgar

“Rơndăp broă bơto dà lơgar bơdìh nam 2020 ờ geh jăt khà geh ai” - Ồng Phùng Xuân Nhạ, kuang atbồ gah bơto bơtê mờ bơsram dà lơgar đơs là, geh ờ uă khà geh ai uă ir jăt mờ bơta pràn lơh jăt; bơta pràn mờ broă bơto cau pơgru dê ờ hềt di pal mờ broă kờ`. Gah bơto bơtê mờ bơsram dà lơgar gam sền wơl mờ lơh di pal broă kờ` tìp jăt mờ broă tơnguh bơta niam, geh cồng nha broă bơto mờ bơsram dà lơgar bơdìh tàm broă bơto bơtê mờ bơsram làng bol dà lơgar dê.

Ồng Phùng Xuân Nhạ, kuag atbồ gah bơto bơtê mờ bơsram dà lơgar

“Tam lơh tàm kơnòm bơsram geh tơnguh” - Ồng Phùng Xuân Nhạ neh dờp do là broă ờ su\k ơm ngan geh pơnrơ ờ niam ngan. Gơbàn bơta do den geh uă, mơya kơnòl bơh Gah bơto bơtê mờ bơsram dà lơgar dê là pal geh broă bơto nền nòn bơh dềt, tàm hơ\ geh sền kuơ broă bơsram nùs nhơm niam, bơto broă lơh làng bol dê.

“Uă rơndăp broă lơh rơbô tơmàn priă cồng nha lơh sa ờ gam geh” - Ồng Trần Tuấn Anh, kuang atbồ gah kă bro mờ lơh sa mờ măy mo\k dà lơgar hơ jơnau lùp bơh ală kuang bàng bè 5 rơndăp broă bơcri priă dờng, mơya “Tơ\ bềl”, ờ geh cồng nha. Ồng kung pà g^t geh sền wơl mùl màl kơnòl să tòm, mpồl lơh broă mờ di lah lơh gơbàn tìs den geh broă sền wơl kơnòl lơh glài.

Ồng Trần Tuấn Anh, kuang atbồ gah kă bro mờ lơh sa mờ măy mok dà lơgar

“Ờ lơh uă hìu măy pờ tơl^k ồs đèng mờ ală broă” – cau lam bồ gah kă bro dà lơgar pà g^t nùs nhơm đơng lam bơh Dà lơgar bal mờ Gơnoar atbồ lơgar tềng đăp mờ broă geh uă kuang bàng tơl^k nùs nhơm ờ su\k ơm bè broă gơbàn dà tih, dà cò, tơrlah bơtơ\t…lơh hoàc huơr tus mờ làng bol.

“Sền gàr phơng sih gam gơbàn “Tam cah is” - Ồng Trần Tuấn Anh pà g^t neh tơl^k kơrnoăt jàu mìng 1 anih lơh broă sền gàr bè đah Dà lơgar, bal mờ hơ\ là pơgồp bal tơl^k 16 kơrnoăt geh khà dà lơgar bè phơng sih kờ` tơmù broă gơbàn “Uă ir” anih kă bro phơng sih tu\ do.

     Cau cih mờ yal tơng^t Ndong Brawl