Kuang gơs gơnăp gơnoar atbồ hờ đang rlao jơh dà lơgar  pa ky\ tơlik ngui kơrnuat sồ 2261 bơh Kuang gơs gơnăp gơnoar atbồ hờ đang rlao jơh dà lơgar  ky\ broa\ lơh dong kờl bơtàu tơngguh mpồl lơh sa bal tơngai 2015-2020.

Jơnau kờn bơh Broă lơh dê là chul chồl, lơh geh tơl ală bơta chồl guh bơtàu tơnguh mpồl lơh sa bal pa, gơ rềng tơn tàm broă lơh sa kă bro bơh lơh sa geh gơ rềng bal; sơlơ tơnguh tai bơta lơh is, mu\t ngui jơh bơta pràn, bơta jak bơh mpồl lơh sa bal dê, tơnguh jơnhoa rlau tai gơnoar broă bơh mpồl lơh sa bal dê tus mờ bơta bơtàu tơnguh, sền gàr tơl niam rài kis mpồl bơtiàn bơh dà lơgar dê; sơlơ tơnguh tai pràn jak tàm pơr lòng bơh lơh sa hìu bơnhă, kuơmàng là lơh sa hìu làng bol lơh broă sa sươn sre mờ ală anih lơh sa kă bro geh broă lơh sa di mơ mờ dềt.

Tus bal Broă lơh, ală mpồl lơh sa bal geh dờp dong kờl bal, tàm hơ\ geh: Bơto pơlam mpồl cau lơh broă, hòi jà kă bro, rề ơnàng drà kă bro, jăt ngui bơta jak chài pa mờ măi moc\ pa, crơng gơs pa, bơyai lơh wơl broă lơh bơh mpồl lơh sa bal dê.

Bè dong kờl crơng gơs pa, bơyai lơh wơl broă lơh bơh mpồl lơh sa bal dê, geh dong kờl yal tơngit, dong pơlam bè jơnau cih tàm adăt boh lam mpồl lơh sa bal lài mờ tu\ crơng gơs mpồl lơh sa bal ai cau crơng gơs mpồl lơh sa bal in, dong pơlam lơh adăt bơta pal jăt, gùng dà lơh sa kă bro, bơto pơlam mờ lơh ală sră nggal crơng gơs, lơh sră cih mat mờ bơyai lơh broă lơh bơh mpồl lơh sa bal dê, dong pơlam lơh ală sră nggal bơyai lơh wơl broă lơh bơh mpồl lơh sa bal dê jăt adăt mpồl lơh sa bal nam 2012.

Nàng geh dờp bơta dong kờl pal lơh geh ală jơnau pal geh mờ khà, tàm hơ\ geh: Mpồl cau, cau dùl nă să is geh jơnau kờ` crơng gơs mpồl lơh sa bal halà tus bal lơh broă tàm mpồl lơh sa bal geh sră nggal dan geh dong kờl crơng gơs pa mpồl lơh sa bal, ală mpồl lơh sa bal, tam klăc bal mpồl lơh sa bal crơng gơs lài mờ ngai 1 nhai 7 nam 2013 bơyai lơh wơl broă lơh jăt jơnau cih bơh adăt mpồl lơh sa bal, geh sră nggal dan geh dong kờl bơyai lơh wơl broă lơh bơh mpồl lơh sa bal dê.

Kes priă bòn lơgar dong kờl 100% priă jền tus mờ broă crơng gơs pa mpồl lơh sa bal, lơh sră dan tam gơl jăt jơnau cih bơh Adat Mpồl lơh sa bal.

Gơ wèt mờ broă bơyai lơh wơl broă lơh bơh mpồl lơh sa bal dê tài bơh tam cah, tam pà, tàm tơmu\t bal, kes priă [òn lơgar dong kờl 50% priă jền; bơnah priă jền gam wơl bơh mpồl lơh sa bal tă pơ gồp is bơh bơnah priă jền bơh mpồl lơh sa bal dê halà hòi jà bơta tă pơ gồp bơh ală bơnah priă jền ndai dipal mờ kơr nuăt boh lam.

Bơdìh mờ broă ală broă dong kờl bal pa yal, mpồl lơh sa bal lơh broă tàm gah lơh broă sa sươn sre, brê bơnơm, phan tàm dà, lơh boh tăc ală phan bơna, broă lơh ala ai ală cau tàm mpồl in là cau dùl nă să, hìu bơnhă, cau dipal mờ kơrnuat boh lam geh broă lơh sa sươn sre, brê bơnơm, phan tàm dà, lơh boh gam dờp geh bơta dong kờl bơcri priă bơtàu tơnguh lơh phan bơna; dong kờl priă bơcri lơh, sơntìl tu\ tìp kal ke tài bơh trồ tiah mờ kòp pluh lơh aniai; dong kờl lơh gơlik phan bơna.

Bè dong kờl bơcri priă bơtàu tơnguh lơh ală phan bơna, ai lài ală mpồl lơh sa bal geh broă lơh dờng bè geh uă cau tàm mpồl, lơh geh broă lơh gơlik phan kă bro uă, lơh sa jăt mpồl lơh bal ală gah mờ ròt priă jền; mpồl lơh sa bal lơh broă tàm ală ù tiah kal ke.

Rơndăp broă lơh bơcri priă bơtàu tơnguh lơh ală phan bơna bơh mpồl lơh sa bal dê pal wèt tus jơnau kờn drơng broă lơh sa, kă bro bal ai ală cau tàm mpồl lơh sa bal in, pal lơh jăt di ală sră nggal bè bơcri priă mờ geh kơnă geh gơnoar ki\ ai lơh.

Dong kờl priă lơh ală broă lơh phan bơna drơng tàm broă lơh sa, kă bro ai ală cau tàm mpồl lơh sa bal in, tàm hơ\ geh: Hìu lơh broă, blàng ìs, hìu prăp phan, hìu măi lơh gơs phan bơh sơn rờp, lơh gơlik phan, đèng, dà ngui sa, drà, bơ tơ\t rbòng dà, phan bơna tiah ròng tam phan tàm dà, hìu ràng tăc phan ngui tàm broă lơh sa, gùng lòt tàm sươn sre.

Kes priă dà lơgar dong uă ngan rlau jơh là 80% kờp jơh khà priă bơcri bơh rơndăp broă lơh dê, mpồl lơh sa bal tă pơ gồp ê\t ngan rlau jơh là 20% kờp jơh khà priă bơcri bơh rơndăp broă lơh dê.

                                                }au mblàng Lơ Mu K’ Yến.