VOV4.K’ho- Jăt rơndăp broă bơh UBND càr Lâm Đồng yal, tàm tơngai bơh nam 2021 tus 2025 geh chồl pràn tơnguh bơtàu broă lơh mpồl bơtiàn tàm ală gah, mpồl lơh broă, ală cấp, di pal mờ bơta tơnguh bơtàu lơh sa mpồl bơtiàn càr dê jăt tơl tơngai.

Mùl màl, tơngai bơh nam 2021 tus 2025 geh 60% khà anih lơh broă, mpồl lơh broă, hìu lơh broă dong kờl mpồl bơtiàn, hìu ơ̆t ngir ma túy, hìu jàm, hìu bơto bơtê, ală anih lơh broă tư pháp, hìu bơsram, hìu sơnơm, xã, sơnah ƀòn, thị trấn, geh 30% khà kuang bàng, công chức, viên chức, cau lơh broă mờ cau lơh broă bal lơh broă mpồl bơtiàn gam lơh broă tàm ală xã, sơnah ƀòn, thị trấn, ală hìu geh ai broă lơh drơng ala broă lơh mpồl bơtiàn geh ai ờ uă ngan 50% khà hìu dong kờl mpồl bơtiàn, hìu sơnơm, hìu bơto bơtê mờ hìu gơrềng bal ndai tàm rơndăp broă ai geh broă lơh drơng ala broă mpồl bơtiàn; khà cau geh rài kis kal ke geh bơto pơlam, dong kờl broă lơh mpồl bơtiàn tus nam 2025 gơguh 20% pơn drờm mờ nam 2020; geh tơl niam ờ uă ngan 85% khà kơnòm dềt kòn đời ờ geh cau ròng siam, kơnòm dềt geh dong kờl mpồl bơtiàn.

Cau mblàng Ndong Brawl