VOV4.K’ho - Bơh broă sền wơl, anih lơh broă bảo hiểm mpồl bơtiàn gùt càr Lâm Đồng geh mờr 700 anih lơh sa ờ blơi bảo hiểm tơl ha là dồs, mờ khà rơlao 64 tơmàn priă. Broă dồs bảo hiểm neh lơh gơbàn tus mờ gơnoar kuơ bơh g^t nđờ rơbô nă cau lơh broă.

Tus bơto tàm hìu bơsram cấp 3 Bá Thiên, geh Công ty TNHH Bá Thiên, sơnah [òn 2, [òn dờng Bảo Lộc, càr Lâm Đồng crơng gơs bơh nam 2014, pơgru Vũ Hà Vân Anh sùm gơbàn hìu bơsram lồi dồs bảo hiểm mpồl bơtiàn.

Dùl tàm ală hìu bơsram bơh Công ty TNHH Bá Thiên, [òn dờng Bảo Lộc, càr Lâm Đồng dồs priă bảo hiểm mpồl bơtiàn cau lơh broă

Rơlao 2 nam bơto, pơgru do mìng geh đah hìu bơsram tă 7 nhai bảo hiểm mpồl bơtiàn. Gam tai, pơgru do pal tă priă nhai blơi bảo hiểm is.

-Đah do ờ tă den tàng he pal dờp hơ\ là tơngai ơm ing ờ blơi. Tus tu\ do, a` lơh ngan tàm 1 nhai tă vbơh 1 tơlăk 100 rơbô priă tus tàm công ty Bảo hiểm nàng tă. Bảo hiểm y tế pal blơi jăt hìu nhă.

Jăt lo\ Nguyễn Thị Liên, pơgru bơto lài do tàm hìu bơsram cấp 3 Bá Thiên yal, tài gơbàn dồs bảo hiểm mpồl bơtiàn jo\ ir, neh lơh uă cau pơgru tàm do ờ geh dờp broă dong kờl tu\ geh bun deh kòn. Tu\ tơn jơh broă lơh, kung ờ geh dờp priă bảo hiểm jăt mờ kơrnoăt geh ai sơl.

-Ờ mìng dồs bảo hiểm mờ gam dồs priă tă bơh cau pơgru tai. Den tàng tus tu\ do kung gam ờ hềt tơm jơh sơl, den tàng uă cau pơgru hoàc huơr ngan, geh ờ uă cau pơgru deh kòn ờ geh dờp gơnoar kuơ bơh bảo hiểm. Tus tu\ do tơn, cau pơgru tă is priă.

Jăt Bảo hiểm mpồl bơtiàn [òn dờng Bảo Lộc yal, Công ty TNHH Bá Thiên là dùl tàm ală anih lơh sa kă bro dồs bảo hiểm uă ngan tàm [òn dờng do, mờ khà dồs mờr 2 tơmàn priă.

Kờp bal jơh gùt càr Lâm Đồng, geh mờr 700 anih lơh sa kă bro ờ blơi bảo hiểm tơl ha là gam dồs, sơgràm broă ngui priă bảo hiểm mpồl bơtiàn mờ khà rơlao 64 tơmàn priă. Kuơ màng geh ală anih lơh sa kă bro dồs sùm tàm uă nam, bè: Công ty TNHH Kimono Japan dồs priă bảo hiểm mpồl bơtiàn mờr 5 tơmàn priă bơh nam 2011 tus tu\ do; công ty lơh sa kă bro phan tăc mờ blơi bơh lơgar bơdìh Nam Phương dồs priă bảo hiểm mờr 3 tơmàn priă bơh nam 2013.

Bơdìh mờ broă ală anih lơh sa kă bro lơh sa gơtìp ờ geh cồng nha, gơtìp hoàc huơr, tơn jơh lơh broă, geh uă anih lơh sa kă bro gam lơh broă bè ờs kung jòi tơl bơta kờ` sơndră, dô pleh, sơgràm priă tă bảo hiểm bơh cau lơh broă.

Ồng Huỳnh Tấn Chỉ, Phó kuang atbồ Bảo hiểm mpồl bơtiàn càr Lâm Đồng pà g^t, công ty do gam jòi tơl bơta kờ` lam sồr ală anih lơh sa kă bro tă priă bảo hiểm mpồl bơtiàn, geh bal ală broă ngui adăt boh lam:

-Bảo hiểm mpồl bơtiàn càr kung neh pơgồp bal mờ ală gah Thanh tra, Liên đoàn Lao động, Sở Lao động-Thương binh mờ Xã hội tus sền gròi kờ` lam sồr mờ geh ală broă bơsong di tu\.

Bảo hiểm mpồl bơtiàn neh dan mờ ală cấp geh gơnoar bè UBND càr lơh glài mờ ală broă lơh priă jền là lơh glài jăt adăt bảo hiểm mpồl bơtiàn mờ adăt bảo hiểm y tế bơh ală công ty gam dồs.

Mò Phạm Thị Phúc, Chủ tịch Liên đoàn Lao động càr Lâm Đồng pà g^t, Bảo hiểm mpồl bơtiàn càr neh jào khà măt ală anih lơh sa kă bro, ală anih lơh broă tus mờ Liên đoàn Lao động kờ` lơh sră yă, toh wơl gơnoar kuơ ai cau lơh broă.

-Broă gơbàn dồs bảo hiểm mpồl bơtiàn, bảo hiểm y tế, bảo hiểm ờ geh broă lơh bơh anih lơh sa kă bro gơwèt mờ cau lơh broă tàm tơngai do uă ngan.

Bol a` neh pơgồp bal mờ gah bảo hiểm mpồl bơtiàn, gah lơh broă mpồl bơtiàn lam sồr toh wơl priă dồs gam gơlời. Gơwèt mờ ală anih lơh sa kă bro gam ờ tă, công đoàn geh lơh jăt gơnoar ala măt yă cau lơh broă in tus mờ anih cah rơ`a.

Broă gơbàn dồs bảo hiểm mpồl bơtiàn bơh ală anih lơh sa kă bro tàm càr Lâm Đồng gam lơh rơlao 15 rơbô nă cau lơh broă tàm càr gơtìp kal ke. Cau lơh broă kơ\p sùm tàm broă tus bal bơh ală anih lơh broă geh gơnoar kờ` gàr niam ală gơnoar kuơ jăt mờ kơrnoăt tàm adăt boh lam dê.

Cau mblàng Ndong Brawl