VOV4.K’ho – Mho òr, 24/2, Sở Văn hoá, Thể thao mờ Du lịch càr Lâm Đồng lơh broă mờ ală Công ty nhơl chờ dunia mờ tàm lơgar nàng bơsong bơta lơh broă ờ geh sră cih mat, mut lơh ờm ală tour nhơl chờ ngòt rơngơt lơh gơbàn jơnau gơ lời wơl kơnjơ\ ngan. Broă lơh do bơh gah lơh broă geh gơnoar càr Lâm Đồng dê geh mut lơh tơ nơ\ mờ dơ\ rềs àr lơh 2 nă nac nhơl chờ chơt pa gơlik geh tàm tiah nhơl chờ `jrùh dà Hang Cọp – Dà Làc ; mờ jơnau lơh gơbàn dùl bơnah là tài lơh broă ờm bơh mpồl bơyai lơh nhơl chờ dê. Bulah ờ cih mat lơh broă tour nhơl chờ ngòt rơngơt, ờ geh kơnòl dờp mờ pơlam nac nhơl chờ dunia in, mơya Công ty trách nhiệm hữu hạn Gíâc Mơ Vàng ( Gold Dream) tàm [òn dờng Dà Làc neh mut lơh ờm ală tour nhơl chờ ngòt rơngơt ai mpồl nac nhơl chờ geh 8 nă cau lơgar ndai tàm tiah nhơl chờ `jrùh dà Hang Cọp. Jơnau gơbàn lơh 1 nă cau pơlam nhơl chờ Việt Nam mờ 1 nă nac nhơl chờ cau Ba Lan chơt tàm drim ngai 23/2. Tơngai do nam lài, tàm Dà Làc, kung gơlik geh dơ\ rềs àr bè do lơh 3 nă nac nhơl chờ lơgar ndai chơt tu\ gam tus bal nhơl poal che tàm `jrùh dà Datanla.

          Cau cih mờ yal tơnggit K’Duẩn