VOV4.K’ho- Lơh jăt Jơnau hòi jà bơh Tổng Bí thư, Chủ tịch lơgar dê bè broă Jơh gùt làng bol tam klăc bal, ai jơh pràn rơcăng sơndră kòp Covid-19, lòt bal, dong kờl ală càr, ƀòn dờng tàm broă lơh rơcăng sơndră kòp, bơh nhai 07 nam 2021 tus tŭ do, càr Lâm Đồng neh hòi jà tă pơgồp jơh ală bơta pràn blơi, dong kờl mờr 29 rbô tấn phan lơh geh bơh sươn sre, mìng là biăp, kơnuh, plai chi ai làng bol tàm ală tiah kòp in.

Tàm hơ̆, uă ngan rlau jơh là dong kờl ai làng bol tàm ƀòn dờng Hồ Chí Minh in mờ khà phan lơh geh bơh sươn sre gơguh tus rlau 16 rbô 800 tấn, ƀòn dờng Đà Nẵng mờr 2 rbô 300 tấn, ală càr ndai bè Đồng Nai, Bình Dương, Khánh Hoà, Bình Thuận, Bà Riạ- Vũng Tàu, Phú Yên, Long An, Tiền Giang...rlau 9 rbô 600 tấn phan lơh geh bơh sươn sre. Jăt Sở Nông nghiệp mờ Phát triển Nông thôn càr Lâm Đồng dê yal, jơh ală khà phan lơh geh bơh sươn sre do kờp mờ priă gơguh tus mờr 188 tơmàn đong, geh hòi jà tă pơgồp bơh uă bơnah tă pơgồp.

Cau mblàng Lơ Mu K’Yến