VOV4.K’ho- 17 tơmàn 800 tơlak đông là khà priă pa geh Ủy ban Nhân dân càr Lâm Đồng ring bal lam lơh broă lơh dà lơgar dong kờl mpồl lơh sa ka wbro tơnguh cồng nha mờ bơta niam phan lơh gơs, phan bơna tơngai bơh nam 2021 tus nam 2025 tàm Lâm Đồng.

Jat broă rơndap lơh geh dong kờl 10 broă lơh tơnguh cồng nha lơh broă bè mpồl jòi git anih lơh gơlik, phan bơna tơnguh cồng nha lơh geh; dong kờl bơt bơtàu 10 tơl khà bơh sơn rờp gơ wèt tus mờ phan bơna; dờp 10 phan bơna tơl khà mờ 5 bơna di bơta niam; 45 dơ̆ mpồl lơh sa kă bro ngui ală anih atbồ jat tơl khà dà lơgar, dunia, bă tiah ISO, UTZ, Global GAP. Bơh broă rơndap lơh do, geh dong kờl mpồl lơh sa kă bro tơnguh cồng nha mờ bơta niam phan bơna, dong kờl ală mpồl lơh sa kă bro tàm càr ngui măi mok jòi anih lơh gơlik phan bơna nàng gàr jơnau sồr bè tac hờ lơgar ndai phan bơna, tơnguh bơta niam, ờdo ờdă phan bơna dê.

Cau mblàng K’Duẩn