VOV4.K’ho - Khà priă ồs đèng gơguh bal mờ khà priă xăng gam tơngo\ ală bơta gơrềng bal loh làng tus mờ ală broă lơh sa kă bro. Tàm [òn dờng Dà Làc, càr Lâm Đồng, do là tiah geh ală suơn dờng lơh sa suơn sre công nghệ cao pal pờ ồs đèng pah mang, gơrềng bal bơh broă tơnguh khà priă ồs đèng sơlơ loh làng ngan. Bơta do pal geh pyhan công nghệ cao ngui tàm broă lơh sa suơn sre tàm càr Lâm Đồng pal pơn jăt tai tam gơl pa.

Ồng Lê Văn Hải, kis tàm tổ dân phố Thái Bình, sơnah [òn 12, [òn dờng Dà Làc geh 4 lồ ù tam bơkào cúc mờ sơntìl bơkào cúc, lài do pah nhai mờ rơlao 4 rơbô 500 nơm [ong đèng àng, priă pal tă ồs đèng jơh rơlao 47 tơlăk priă.

                                                Anih lơh sơntìl bơkào cúc hìu nhă ồng Hải tàm [òn bơkào Thái Phiên

Pa do tu\ priă ồs đèng gơguh, priă tă ồs đèng hìu nhă ồng neh gơguh tus 57 tơlăk priă. Jăt ồng Hải yal, tam bơkào cúc kơnờm uă ngan mờ ồs đèng. Tàm ală kàl lơh sa pa do, kòp gơbàn tàm bơkào cúc uă, tu\ do gơbàn tai broă gơguh khà priă ồs đèng, lơh cau tam gơbàn uă ngan hoàc huơr:

-Dùl nam a` pal roh 120 tơlăk priă ồs đèng. Tàm tu\ khà priă tăc bơkào tu\ do gam bè ờs. broă gơbàn kòp uă, cau tam bơkào neh hoàc huơr uă bloh. Mờ tu\ do làng bol pal tơm tai priă ồs đèng den làng bol gơbàn hoàc huơr uă ngan.

Jăt ồng Nguyễn Văn Ron, Chủ tịch UBND sơnah [òn 12, [òn dờng Dà Làc yal, ală hìu làng bol tàm do tàm 1 nam tam 4 kàl bơkào. Kờ` tòm bơkào hòn gơs niam, 1 lồ suơn pal sòl àng bơh 1 rơbô tus 1 rơbô 200 nơm [ong đèng. Mờ broă gơguh priă ồs đèng bè tu\ do, pah nam ală cau tam bơkào tàm sơnah [òn 12 pal tơm priă ồs đèng rơlao 45 tơmàn priă:

-Broă tơnguh priă ồs đèng bơh đah lơh ồs đèng neh lơh gơbàn uă ngan tus mờ rài kis làng bol. Bơnah lơi lơh kal ke tus mờ làng bol tàm broă lơh sa suơn sre. Kuơ màng tàm sơnah [òn 12 là sơnah [òn tam bơkào, broă kờ` ngui ồs đèng uă ngan.

Kung ndrờm bè do sơl tàm kơnhoàl Lạc Dương, ală cau tam bơkào kung neh gơbàn kal ke ngan sơl bè broă tơm priă ồs đèng. Ồng Hoàng Xuân Hải, kuang atbồ phòng Nông nghiệp mờ Phát triển Nông thôn kơnhoàl Lạc Dương pà g^t, kơnhoàl Lạc Dương geh rơlao 700 lồ ù tam biăp, bơkào công nghệ cao.

                                                              Dùl tiah tam bơkào [òn bơkào Thái Phiên tu\ trồ mang

Tơnơ\ mờ tu\ đah lơh ồs đèng tơnguh priă tă pah nhai, priă ồs đèng tàm ală hìu tam biăp bơkào neh gơguh bơh 15 tus 20%. Jăt ồng Hải yal, kờ` gàr niam bơta kuơ, ală cau tam biăp bơkào pal tam gơl phan ngui ồs đèng:

-Bol a` geh lam sồr làng bol là pal lơh sa suơn sre tềm pềr ồs đèng. Lam sồr làng bol pal ngui ală bơta [omng đèng ;ed. Đèng led tu\ do geh uă hìu neh ngui. Lài ngan tài tơngai ngui jo\. Dơ\ 2 gơmù priă tàm broă ngui.

Tu\ do, càr Lâm Đồng geh rơlao 4 rơbô 500 lồ ù tam biăp, bơkào tàm hìu jàl, ngui g^t nđờ tơlăk [ong đèng kờ` sòl àng, hoàc huơr uă ngan ồs đèng. Bơh dơ\ tơnguh priă ồs đèng pa ngan, cau lơh broă sa neh go\ kal ke bơh broă tơm priă ồs đèng.

Mơya, do kung là bơta kal ke kờ` cau lơh broă sa suơn sre càr Lâm Đồng tam gơl ală phan ngui lơh broă mờ ồs đèng neh ờ niam tai, lơh dùl tiah lơh sa suơn sre công nghệ cao mùl màl geh cồng nha.

Cau mblàng Ndong Brawl