VOV4.K’ho - Jăt rơndăp broă gùt nam 2020, rơndăp broă tam gơl broă lơh sa suơn sre kơl jăp (VnSAT) Lâm Đồng geh lơh jăt kờp jơh khà priă rơlao 66 tơmàn đong.

Tàm hơ\, geh rơlao 50 tơmàn đong bơh priă IDA (Mpồl tam klăc tơnguh bơtàu dunia), rơlao 10 tơmàn đong priă bơh cau dùl nă să lơh is tă pơgồp bal, 5 tơmàn đong bơh priă càn lài bơh kes priă càr Lâm Đồng dê.

Priă bơcri 730 tơlăk đong lơh jiam wơl suơn ờng kơphe cau dùl nă să lơh is; rơlao 1 tơmàn đong lơh mờ lơh niam wơl bơta pràn lơh broă làng bol lơh kơphe kơl jăp tàm xã Dà Dờng, kơnhoàl Lâm Hà; rơlao 800 tơlăk đong tă ală broă sền gròi broă lơh jăt broă ai càn priă tam wơl kơphe, dờp suơn ờng mờ sền gròi bơta niam lơh sơntìl, sền gròi mờ sền kờ` g^t bè uă bơta, atbồ kòp lơh aniai tàm tòm kơphe.

Rơndăp broă do kung tam pà mờr 10 tơmàn đong phan kă bro, phan lơh broă ai ală mpồl làng bol ngui công nghệ tam, tuh dà tềm pềr tàm tòm kơphe in…

Cau mblàng Ndong Brawl