VOV4.K’ho - Chính phủ pa bơyai lơh pơrjum pơgồp jơnau đơs tàm rơndăp broă Nghị định bam sồr anih lơh sa kă bro bơcri priă tàm broă lơh sa suơn sre, [òn lơgar.

Tus bal pơrjum geh kuang bàng đơng lam ờ uă Bộ, gah lơh broă dà lơgar, ala măt Mpồl tam klăc lơh sa suơn sre – tơnguh bơtàu [òn lơgar bal mờ Mpồl tam klăc anih lơh sa kă bro di mơ mờ dềt.

Pơrjum cri bơyai bè Nghị định lam sồr anih lơh sa kă bro bơcri priă tàm broă lơh sa suơn sre, [òn lơgar

Uă kuang bàng đơs là, kờ` hòi jà bơcri priă tàm broă lơh sa suơn sre pal ai “cau pơgồp priă” go\ geh bơta niam, cồng nha rơndăp broă lơh, bơta [uơn tàm broă lơh bal mờ broă ring niam, loh làng bè jơnau tơng^t tàm broă lơh.

Tài tàm mùl màl pà go\, Nghị định sồ 210 bơh Chính phủ bè broă hòi jà anih lơh sa kă bro bơcri piă tàm broă lơh sa suơn sre ờ di pal mờ ală bơta do, khà niam geh ờ uă, cồng nha ờ hềt uă tài ală bơta kal ke bè broă tă dia, ù tiah, bal mờ hơ\ là ală sră nggal gam uă kal ke, roh uă tơngai, tàm tu\ khà bơcri priă tàm 1 rơndăp broă lơh ờ uă jăt mờ broă bơcri priă bơh anih lơh sa kă bro dê.

Den tàng, kờ` bơsong kal ke do, pal kơlôi sơnơng di pal ală broă lơh gam ờ pràn kờ` ai tơl^k mờ jòi geh broă lơh di pal. Ồng Trần Mạnh Báo, atbồ Hội đồng quản trị, atbồ Công ty sơntìl phan tam Thái Bình đơs là:

- Broă bol a` kờ` dong kờl ngan là broă lơh sră nggal tu\ kă bro bơcri priă, bè sră nggal ơpah ù, sră nggal hòi jà bơcri priă blơi măy mo\k công nghệ ha là sră nggal bè tă dia.

Bơdìh hơ\ tai, anih lơh sa kă bro bơcri priă tàm gah lơh sa suơn sre geh uă bơta gơbàn hoàc huơr, den tàng pal geh broă tă dia di pal.

Geh ờ uă kuang bàng kung đơs là, tu\ do broă ai khà bal mờ ai wơl sơntìl gam uă kal ke, mờ ndrờm bal tàm ờ uă tiah, ờ g^t bơta lơi là pràn bơh tơl tiah dê kờ` hòi jà bơcri priă di pal.

Den tàng, ai tơl^k wơl bơta pràn hòi jà bơcri priă den hơ\ sồng geh ai tơl^k broă lơh gơrềng bal mờ dờp bal broă lơh bơh ală cau 1 nă să lơh is.

Đơng lam dơ\ pơrjum, Phó Thủ tướng Vương Đình Huệ neh đơs tòm: sền wơl 3 nam lơh jăt Nghị định sồ 210 bơh Chính phủ dê bè broă lam sồr anih lơh sa kă bro bơcri priă tàm gah lơh sa suơn sre, [òn lơgar. Chính phủ kờ` tơl^k Nghị định pa. Tài kờ` lơh broă bal mờ ờ kờ` lơh, den khà anih lơh sa kă bro bơcri priă tàm broă lơh sa suơn sre, [òn lơgar ờ gơtùi sơlèt mờ khà 1%.

Ồng Vương Đình Huệ tơl^k nùs nhơm ờ su\k ơm gơwèt mờ ờ uă Bộ, gah lơh broă dà lơgar nggui cri bơyai gời mờ ờ hềt sền gròi tus mờ ală broă lơh mùl màl di pal mờ anih lơh sa kă bro mờ sền anih lơh sa kă bro kờ` bơta lơi.

Jăt ồng Vương Đình Huệ yal, bơta mờ ală anih lơh sa kă bro kờ` là broă dong kờl niam rơlao mờ dong kờl tơn mờ priă. Nùs nhơm do, ồng Vương Đình Huệ đơs loh: tơngu me bơh he dê pal geh là tơnơ\ mờ tu\ tơl^k Nghị định pa, pal hòi jà geh uă anih lơh sa kă bro bơcri priă lơh sa tàm gah lơh sa suơn sre, [òn lơgar:

- Dơ\ do Bộ Kế hoạch mờ Đầu tư neh iăt jơh, bol a` kơ\p kờ` dơ\ do geh pơgồp jơnau đơs bal bè 1 pơrjum cri bơyai kờ` pơlam Chính phủ in.

Kờ` lơh gơs broă dong kờl bè hòi jà bơcri priă tàm gah lơh sa suơn sre, [òn lơgar, tơnơ\ mờ tu\ tơl^k Nghị định do pal geh gơrềng uă tus mờ anih lơh sa kă bro bơcri priă tàm gah lơh sa suơn sre, [òn lơgar.

Mờ khà bè hơ\, broă tam gơl nùs nhơm kơlôi sơnơng kuơ màng ngan. A` ngòt ală kuang bàng nggui tàm do hơ\ sồng ờ g^t anih lơh sa kă bro kờ` bơta lơi, bơta lơi di pal kờ` he lơh.

Tu\ do, rơndăp broă Nghị định pa bè broă lam sồr anih lơh sa kă bri bơcri priă tàm broă lơh sa suơn sre, [òn lơgar gam geh Bộ Kế hoạch mờ Đầu tư dan mờ Thủ tướng crơng gơs Mpồl đơng lam lơh jăt Nghị định pa geh Thủ tướng ha là 1 nă kuang bàng Phó Thủ tướng lơh kuang atbồ, Bộ trưởng Bộ Kế hoạch mờ Đầu tư lơh Phó kuang atbồ.

Cau cih mờ yal tơng^t Ndong Brawl