Ồng Nguyễn Tấn Dũng kuang gơs gơnap gơnoar atbồ hơđăng rlau jơh dà lơgar pa ki\ rơndap broă bơh Gơnoar atbồ lơgar dê bè broă bơyai lơh ai jơnau đơs làng bol tus mờ rơndap adat lơh glài kup màng tam gơl. Jat rơndap broă, làng bol gùt lơgar geh 2 nhai nàng tă pơgồp jơnau đơs tàm ală jơnau cih bơh rơndap adat dê, ngan là broă sang glài gơ sơt să tus mờ 7 bơta tìs:

Jat rơndap broă, cau ai jơnau đơs là ală rơnàng làng bol tàm lơgar mờ cau Việt Nam ơm kis tàm lơgar ndai.

Tơngai ai jơnau đơs làng bol dê bè rơndap adat lơh glài kup màng tam gơl sơnđờm bơh ngai 15/7/2015.

Kơrnuat đơs loh, broă bơyai lơh ai jơnau đơs làng bol bè rơndap adat lơh glài kup màng tam gơl là kơnòl kuơ màng pal geh tơrgùm đơng lam lài, mut lơh tàm tơngai bơh ngai 15/7/2015 tus jơh ngai 20/9/2015.

Broă ai jơnau đơs làng bol pal jat mờ tơngume kơrnuat sồ 972 tơlik nam 2015 bơh Anih duh broă sùm Gơnoar ala mat dà lơgar dê bè broă bơyai lơh ai jơnau đơs làng bol tus mờ rơndap Adat lơh glài kup màng tam gơl.

Tơngume ai jơnau đơs làng bol dê bè rơndap Adat lơh glài kup màng tam gơl geh jơh rơndap cih Adat lơh glài kup màng tam gơl, kuơ màng là ală bơta bè: kơnòl lơh glài kup màng bơh mpồl lơh sa kă bro dê mờ bơta tìs mpồl lơh sa kă bro kong kơnòl lơh glài kup màng; khà kong kơnòl lơh glài kup màng bơh cau ờ hềt tàu dờng mờ ală broă lơh ala lơh glài kup màng mut ngui tus mờ cau ờ hềt tàu dờng lơh tìs; broă sang lơh glài gơsơt să tàm ờ uă bơta tìs; jơnau cih ờ mut ngui lơh glài gơsơt să, ờ mut ngui lơh glài gơsơt să tàm ờ uă tu\, jơnau cih ờ tờmu lơh glài tus mờ cau gơtìp lơh glài gơsơt să mơya geh tơmù tus lơh glài kup jàm tus chơt, tam gơl broă lơh glài mờ priă, lơh glài ờ kup jàm gơs lơh gơs kup jàm geh tơngai pơrgon.

Kơrnuat đơs tờm, ală jơnau đơs tă pơgồp bơh làng bol dê pal geh tơrgùm tơl làm, di pal nàng anih lơh broă geh gơnoar in sền sơwì, bơsong rơndap cih Adat lơh glài kup màng tam gơl yal Gơnoar ala mat dà lơgar sền sơ wì, tơlik kơrnuat tàm pơrjum dơ\ 10 Gơnoar ala mat dà lơgar kơnă 13.

Broă ai jơnau đơs geh mut lơh jat uă broă lơh: tă pơgồp tơn halà mờ sră nggal; bơyai lơh pơrjum, cribơyai, bơh bơr; tă pơgồp jơnau đơs jat anih yal jơnau tơngit tàm điện tử bơh Gah lơh broă kơrnuat boh lam dà lơgar mờ ală broă lơh dipal ndai.

Jơnau đơs làng bol dê tă pơgồp tàm rơndap Adat do geh pơyua tus anih lơh broă, mpồl lơh broă geh jàu kơnòl broă halà pơyua tơn tus Gah lơh broă kơrnuat boh lam dà lơgar jat anih: sồ 60, gùng Trần Phú, kơnhòal Ba Đình, [òn dờng Hà Nội halà pơyua jat email: boluathinhsu@moj.gov.vn. Cau dùl nă să pơyua jơnau đơs mờ sră nggal jat bưu điện den ờ duh pal top tem.

Gah lơh broă kơrnuat boh lam dà lơgar geh kơnòl yal mờ Kuang gơs gơnap gơnoar atbồ hơđang rlau jơh dà lơgar in jơnau yal tơrgùm cồng nha lài mờ ngai 23/9/2015.

Jat rơndap Adat lơh glài kup màng tam gơl pa geh Gơnoar atbồ lơgar yal mờ Gơnoar ala mat dà lơgar tàm dơ\ pơrjum pa do, geh 7 bơta tìs geh sang lơh glài gơsơt să là kơ`au phan bơna; lơh aniai broă lơh, anih lơh broă, phan bơna kuơ màng bè sền gàr ngap lơngai dà lơgar; dră wơl kơrnuat lơh broă; pờ tê ờ jai bol sò tơm; lơh aniai tus ngap lơngai, lơh gơbàn tam lơh sơgràm; sơndră wơl kòn bơnus; cau tìs tam lơh.

Bal mờ hơ\, rơndap cih kung tam cah is tìs pơndiang, prap ơn, kă bro kơ`au pa túy halà sơ gràm ma túy gơs ală tìs krơi is mờ mìng ngui wơl lơh glài sơsơt să tus mờ tìs kă bro kơ`au ma túy. Ai mờ ală tìs ndai den khà lơh glài kơn jơ\ ngan rlau jơh là kup jàm tus chơt să.

Mờ cau tìs bơh 70 sơnam rlau hơđang kung geh rơndap adat cih ờ mut ngui lơh glài gơsơt să.

                                                                                                              Cau mblàng K' Duẩn.