VOV4.K’ho – Jat kơrnuat bè sền gròi mờ sền sơwì bơcri priă pa geh Gơnoar atbồ lơgar tơlik, làng bol geh gơnoar sền gròi ală rơndap broă bơcri priă jat Mpồl sền gròi bơcri priă mpồl bơtìan dê.

Sră nggal, broă rơndap lơh sền gròi bơcri priă mpồl bơtìan dê geh mut lơh jat jơnau cih tàm bơta 83 Kơrnuat bơcri priă dà lơgar mờ kơrnuat do.

Mpồl sền gròi bơcri priă mpồl bơtìan dê geh gơnoar sồr ală anih lơh broă atbồ dà lơgar geh gơnoar yal ală jơnau tơngit bè rơndap broă bơtàu tơnguh lơh sa mpồl bơtiàn, rơndap broă bơtàu tơnguh gah broă lơh, rơndap broă ngui ù, rơndap broă bơtàu tơnguh phan bơna, rơndap broă bơt bơtàu mùl màl ală tiah drà, [òn làng bol ơm kis, tiah lơh sa mờ mai\ mok mờ rơndap broă bơcri geh gơ rềng tàm ntum jat jơnau cih bơh kơrnuat boh lam dê; sồr ală anih lơh broă atbồ dà lơgar geh gơ rềng hơ jơnau lùp bè ală bơta di gơnoar atbồ jat jơnau cih bơh kơrnuat boh lam dê.

Bal mờ hơ\, mpồl sền gròi bơcri priă mpồl bơtìan dê geh gơnoar sồr cau tờm broă lơh, cau tờm bơcri priă hơ jơnau lùp, yal ală jơnau tơngit drơng broă sền gròi bơcri priă: Kơrnuat bơcri priă; jơnau yal tơngit bè cau tờm bơcri priă, Mpồl atbồ rơndap broă lơh, anih nàng lơh broă; tơngai mờ rơndap broă bơcri priă; khà sơ gràm ù mờ ngui ù; rơndap ù tiah mùl màl mờ rơndap broă bơceh lơh, tơm priă ai ù mờ rơndap tiah ơm kis pa; rơndap broă bơsong sồ siă mờ sền gàr tiah ơm kis.

Gơ wèt mờ ală broă lơh, rơndap broă bơcri priă geh priă bơcri mờ dà kơl hề tă pơgồp bơh mpồl bơtìan dê, rơndap broă ngui kes priă ntum halà mờ priă dong kờl tơn bơh ală mpồl bal, cau dùl nă să ai kơnă ntum in, bơdìh mờ ală tơngume neh yal hơđang, cau tờm broă lơh, cau tờm bơcri priă geh kơnòl yal tai jơnau tơngit bè rơndap broă, bơta chài lơh broă, bơta mờ khà phan bơna; cồng nha jàu broă lơh mờ dờp ngui broă lơh.

Gơnoar sền gròi bơcri priă mpồl bơtìan dê gam ai tơnggo\ bơh broă dan ală kơnă geh gơnoar ơm ờ mut lơh bơcri priă, mut ngui rơndap broă tàm 2 bơta bè tơnơ\ do: lài ngan là sền go\ ală tềl tơnggo\ lơh tìs kơrnuat boh lam tàm tu\ mut lơh rơndap broă lơh aniai uă tus broă lơh sa, ngap lơngai, chài rơgơi mpồl bơtiàn, tiah ơm kis mpồl bơtìan dê; dơ\ 2 là cau tờm bơcri priă ờ mut lơh loh làng yal tơngit bè broă lơh, rơndap broă bơcri priă jat jơnau cih bơh kơrnuat boh lam dê.

Kơrnuat geh mut ngui ngan ngồn bơh ngai 20/10/2015.

Jat bơta 16 kơrnuat bơcri priă dà lơgar, den ală broă lơh ờ ai mut lơh tàm broă bơcri priă dà lơgar là:

- Kơrnuat bè gùng dà, broă lơh bơcri priă ờ dipal mờ rơndap broă, ờ di mờ gơnoar broă; ờ di mờ sră nggal, rơndap lơh jat jơnau cih bơh kơrnuat boh lam dê; ờ ringbal priă bơcri.

- Kơrnuat bơcri broă lơh, rơndap broă tu\ ờ hềt geh kơnă geh gơnoar tơlik kơrnuat bè gùng dà broă lơh bơcri priă halà ờ di mờ gùng dà broă lơh bơcri priă neh geh kơnă lơh broă geh gơnoar tơlik kơrnuat. Kơrnuat bơsong priă bơcri bơh broă lơh, khà priă bơcri bơh rơndap broă dê tìs mờ jơnau cih bơh kơrnuat boh lam bè bơcri priă dà lơgar.

- Sơmờm gơnoar broă nàng sơgràm, sa kuề sa kùa tàm broă atbồ mờ ngui priă bơcri.

- Cau tờm broă lơh, cau tờm bơcri priă dùl nùs bal mờ mpồl mblàng pơlam lơh gơbàn tơlik kơrnuat bè gùng dà, broă lơh bơcri priă broă lơh, rơndap broă lơh gơbàn hoàc huơr priă bơcri, phan bơna dà lơgar, phan geh is dà lơgar dê, lơh aniai tus gơnoar kuơ bơh làng bol mờ mpồl bơtìan dê.

- Tong, dờp, lơh kòn gùng nàng dờp sa kuề sa kùa.

- Sồr mpồl bal, cau dùl nă să tă is priă bơcri tu\ broă lơh, rơndap broă ờ hềt geh tơlik kơrnuat bè gùng dà, broă lơh, ờ hềt geh ki\ halà ờ hềt geh rơndap priă bơcri, lơh gơbàn jơng kah dồs bơt bơtàu.

- Ngui priă bơcri ờ di mờ jơnau kờ`, ờ di cau, sơrlèt rlau mờ khà tơl, khà geh ai jat jơnau cih kơrnuat boh lam dê.

- Lơh ờ ngan, lơh tìs jơnau yal tơngit, sră nggal gơ rềng tus kơrnuat bè gùng dà broă lơh bơcri priă, kơrnuat bơcri priă, mut lơh broă lơh, rơndap broă.

- Kờ` lơh jơnau yal, yal jơnau tơngit ờ ngan, ờ di, ờ song lơh aniai tus broă crơng gơs, sền sơwì, tơlik kơrnuat rơndap broă, broă lơh.

- Kờ` lơh jơnau yal, yal jơnau tơngit ờ di, ờ ngan, ờ song lơh aniai tus broă sền gròi, sền sơwì, lùp sền mờ lơh glài broă lơh tìs tàm mut lơh rơndap broă, broă lơh.

- Kờ` lơh aniai, pơrlồm, pồn halà prap ờ tơl sră nggal, sră pơ àr gơrềng tus kơrnuat bè gùng dà, broă lơh bơcri priă, kơrnuat bơcri priă, mut lơh broă lơh rơndap broă.

- Kơryan broă sền go\ broă lơh tìs kơrnuat boh lam bè bơcri priă.

                                                                     Cau cih mờ yal tơngit K’ Duẩn.