VOV4.K’ho - Bơh bồ nhai 3 tus tu\ do, g^t nđờ rơhiang hìu làng bol kis tàm [òn 3 mờ [òn 4 thị trấn Liên Sơn, kơnhoàl Lăk, càr Dak Lak ờ su\k ơm ngan tài pah nhai gam tă sùm priă tơrgùm siồ siă, mơya tam gơl mờ hơ\, pal kis bal mờ `hu\, [ô [ơ\ bơh [làng siồ siă geh lơh tơn tềng gah [òn.

Mờr 1 poh do, hìu nhă mò Trần Thị Môn, kis tàm [òn 4, thị trấn Liên Sơn, kơnhoàl Lăk pal tam jà bal tus hờ hìu cau tàm jơi nòi bal tàm [òn 1 ơm kis ing tài `hu\, gơthul bal mờ [ô [ơ\ bơh [làng siồ siă ngài mờ hìu mìng 150 thơ\k.

                                               Trồ neh nggùl ngai mờ `hu\ gam glòm bè mhoal àng drim

Mò Môn pà g^t, do neh là dơ\ 3 tàm nhai tơn [làng siồ siă gơbàn ồs sa, `hu\ jù, [ô [ơ\ ngan bơh [làng siồ siă pah tu\ càl khồm tus tàm ală tiah. Ngòt gơbàn aniai tus mờ rài kis, mò bal mờ ală hìu làng bol ndai pal til mồng hìu sùm. Glar ngan là ală kơnòm dềt, tàm ală nhai do tă nhơm glar, măt pơrhê, să bồ gơl^k toh kiăt, gơbàn kòp pal ơm tàm hìu ờ lòt bơsram sùm:

-Pah nhai tă 15 rơbô priă siồ siă làng bol dê mờ ờ g^t lơh broă lơi, làng bol bè bol a` pal kis bal mờ `hu\ mờ [ô [ơ\ bè do. ~hu\ do lơh gơbàn aniai tus mờ hìu nhă, bơh rài kis, sào sa tus mờ să jan. Mùl màl ngan là sao dềt 9 nhai, tă nhơm khòk khèk sùm, lòt kham bác sĩ đơs là gơbàn as sồt klờm soh, tu\ do ờ khin ơm tàm hìu tai mờ pal pleh ngài.

Broă gơbàn [ơ\ tàm [làng siồ siă Liên Sơn neh bơh jo\, mơya 2 nam pa do neh gơbàn [ơ\ ngan tu\ UBND kơnhoàl Lăk k^ rơndăp broă ai lơh broă nền nòn mờ khà 1 bơnah 500 bă ù kờ` lơh [làng siồ siă thị trấn Liên Sơn, den khà siồ siă tơrgùm tus tàm do ngai sơlơ uă. Broă lơh kloh siồ siă ờ nền nòn neh lơh gơbàn aniai uă ngan tus mờ bơta pràn kơl dang să jan, rài kis làng bol dê.

                       Tơnơ\ mờ mờr 1 poh, `hu\ ồs sa tàm [làng siồ siă thị trấn Liên Sơn kung gam uă sơl

Ồng Trương Văn Thạnh, atbồ [òn 4 pà g^t, [òn tu\ do geh 260 hìu, mờ rơlao 1 rơbô 100 nă làng bol. Tàm rơndăp broă ai bă ù lơh [làng tơrgùm siồ siă neh cih loh “Tu\ lơh broă pal geh lơh pơn gàr sền gàr gùt dar broă lơh, pal geh broă lơh niam uă ngan ală broă di gơlan gơbàn bè săp ntas lơnga`, `hu\, gơthul, [ô [ơ\ lơh gơbàn ờ niam tus tiah kis, kuơ màng ngan là ba` lời gơbàn ờ niam tus mờ tiah kis [òn lơgar tàm tiah do.

Mơya, tàm mùl màl pah dơ\ siồ siă tuh mìng geh chu bè ờs, geh mờr nggùl khà hìu làng bol tàm [òn pal gơbàn tơn mờ `hu\, [ô [ơ\ tàm uă ngai tơn. Broă do neh geh làng bol tàm [òn do uă dơ\ yal mờ ală anih lơh broă geh gơnoar, mơya bơta [ơ\ do ờ mìng geh jơh mờ gam sơlơ ngai sơlơ uă rơlao:

-Lơh [làng tơrgùm siồ siă pal ngài mờ [òn ơm kis, mơya [làng tơrgùm siồ siă do rềp tơn mờ [òn ơm kis, mìng ngài 200 thơ\k, bơta ngài gơbàn tus 1 kơi sồ. Bè broă lơh geh yal bồr ù, rơsìh vôi, [ồm sơnơm lơh kloh mơya làng bol ờ sền go\ lơh bè hơ\.

Tàm kàl prang [làng siồ siă gơbàn ồs sa sùm, [òn neh dan mhar tus mờ ală anih lơh broă geh gơnoar mờ đah công ty kung hơ geh tơmù bơta do, mơya bơh ngai 16 nhai 1 tus tu\ do kung gam ờ hềt go\ lơh gơmù sơl, 72 hềt tơl 3 nhai mờ [làng siồ siă neh chu g^t nđờ 10 dơ\.

Tàm tu\ hơ\, ồng Nguyễn Cảnh Hiền, kuang atbồ Công ty TNHH bơ\t bơtàu mờ tiah kis [òn drà Đại Lộc, do là công ty atbồ [làng siồ siă do đơs tòm, công ty neh lơh di mờ gơnoar bal mờ kơnòl công ty dê. Broă ờ hềt lơh pơn gàr tam cah is [làng siồ siă là tài ờ hềt geh priă. Pah ngai, cau lơh broă tàm công ty bal mờ 3 nơm rơndeh tơrdih siồ să di pơgăp 5 tấn nggùl tơrgùm, pơn diang siồ siă bơh thị trấn Liên Sơn mờ ală tiah rềp bal xã Dak Liêng tus tàm [làng siồ siă.

                      Rơneh pơn diang dà bơh Công ty TNHH xây dựng mờ Môi trường Đô thị Đại Lộc crùh ồs tàm [làng siồ siă

Tơnơ\ mờ 1 poh, công ty lơh kloh siồ siă do mờ broă cò pơn ring, tơ\p, rơsìh vôi mờ [ồm sơnơm lơh kloh. Ồng Nguyễn Cảnh Hiền đơs tòm, công ty ờ ngui broă chu. Broă [làng siồ siă sùm gơbàn ồs sa là tài làng bol chu is:

-Bol a` lơh di mờ broă neh hơ, pah ngai geh 3 nơm rơndeh pơn diang siồ siă di pơgăp 5 tấn nggùl tơrgùm siồ siă bơh ală hìu làng bol tus tơrgùm tàm [làng siồ siă tu\ neh bềng bol a` cò pơn ring tơ\p mờ rơsìh vôi, [ồm sơnơm. Bol a` ờ lơh mờ broă chu, ồs sa di gơlan tài làng bol chu, pah dơ\ geh ồs sa bol a` pal ai rơndeh pơn diang dà tus crùh ồs den tàng glar ngan.

Jăt ồng Nguyễn Anh Tú, kuang atbồ phòng Kinh tế - hạ tầng kơnhoàl Lăk yal, [làng siồ siă geh bă ù ơnàng 2 lồ 2 sào, khà kờp làng bol geh dờp kuơ bơh broă lơh do di pơgăp  rơbô nă, di gơlan khà siồ siă tơl^k tus nam 2030 mờr 26 rơbô 500 tấn.

Broă lơh do geh Phòng Kinh tế - hạ tầng kơnhoàl Lăk ala măt lơh tòm bơcri priă, mờ priă lơh rơlao 5 tơmàn 700 tơlăk, bơh kes priă kơnhoàl bal mờ priă hòi jà bơh ală anih lơh broă ndai tai, tơngai lơh bơh nam 2014 tus 2030. Mơya tài khà priă ờ geh den tàng gam jào công ty TNHH bơ\t bơtàu mờ tiah kis [òn drà Đại Lộc atbồ jăt broă lơh bal:

-Rơndăp broă do yal kờ` ai jơnau đơs bơh làng bol mờ ală gah mpồl lơh broă pơgồp bal, geh jơnau đơs neh ring bal hơ\ sồng kơnhoàl yal mờ càr k^ ai lơh. Mơya, tềng đăp mờ bơta gơbàn [ơ\ bè hơ\, di lah ntrờn den kal ke ngan, den tàng tu\ do bol a` gam jào công ty Đại Lộc in tu\ tuh siồ siă den pal rơsìh vôi, [ồm sơnơm jăt tơngai tài priă ờ tơl, gam broă chu bol a` ờ ai chu. Kờ` bơsong jơh den kal ke ngan, tus nam 2019-2020, bol a` geh rơndăp broă loh làng rơlao, tu\ rơndăp broă do geh mu\t tàm tơngai lơh niam wơl.

Tàm tu\ kơ\p tus tơngai lơh niam wơl mờ tu\ ală anih lơh broă geh gơnoar đơs là neh lơh di là broă lơh kloh siồ siă tàm [làng tơrgùm siồ siă [òn 4, thị trấn Liên Sơn, kơnhoàl Lăk ờ ngui broă chu. Mơya [làng siồ siă gam ồs sa sùm den mbơh bơta lơi gơbàn kung gam ờ hềt geh jơnau hơ sơl, mờ làng bol pah nhai gam tă priă, pah ngai gam gơbàn [ô [ơ\ bơh siồ siă.

Cau cih mờ yal tơng^t Ndong Brawl