Jat kơrnuat geh lơh bal bơh 2 càr Gia Lai mờ Hải Dương, nam 2002, git nđờ jơt hìu nha tàm càr Hải Dương neh lòt is tus bơtàu tơngguh lơh sa  tàm ù tiah pa tàm kơnhoàl tiah sar lơngai  ngài Kông Chro, càr Gia Lai. Bulah bè hơ\, tus tu\ do, neh 12 nam ơm kis tàm do, ala\ hìu nha\ do gam ờ hềt geh gơnoar atbồ bòn lơgar lơh sra\ ù nàng iang nùs lơh sa, geh ngap lơngai rài kis

Ồng Phạm Văn Kềnh, ơm tàm bòn Hoà Bình, ntum Yang Nam, kơnhoàl Kong Chro, càr Gia Lai pà gi\t, nam 2002 lài do, hìu bơnhă ồng bơh Hải Dương tus ơm kis lơh sa tàm càr Gia Lai jăt gùng dà broă lơh lơh sa pa. Tơngai sơn rờp, pơndrờm mờ bơta dong kờl bơh 2 càr dê, hìu bơnhă ồng neh kơ\ kơl jăp đau rài kis bal mờ 5 sàu ù geh pà. Mơya, tu\ kờn rề ơnàng lơh sa nàng bơtàu tơnguh rài kis, den hìu bơnhă ồng tìp uă ngan kal ke, tài ờ geh sră ngui ù; ờ geh càn priă mờ anih priă jền. Rài kis hìu bơnhă tàm pơgăp 10 nam do ờ bơtàu tơnguh dùl ết lơi. Ồng Kềnh đơs:“ Bol an\ neh lòt ơm kis lơh sa tàm do, den geh Dà lơgar pà 5 sàu ù. Mu\t tàm do neh jo\ mơya lơh sră ngui ù tus tu\ do kung ờ hềt geh lơh sơl. Ù neh geh dà lơgar rơndăp ù tiah, dờp sền, den tu\ do pal lơh sră ngui ù nàng ai ală làng bol lòt ơm kis lơh sa gam ơm kis tàm do ờ huan gơbàn kal ke ir”.

Mu\t lơh broă lơh pơ gồp bal đah 2 càr Gia Lai mờ Hải Dương bè ai làng bol lòt ơm kis lơh sa pa, 60 hìu làng bol bơh càr Hải Dương gơ wèt 4 kơnhoàl là Bình Giang, Tứ Kỳ, Kinh Môn mờ Gia Lộc neh mu\t ơm kis tàm ntum Yang Nam, kơnhoàl Kong Chro. Tàm broă lơh, càr Gia Lai geh kơ nòl đo, ai pà ù ơm mờ ù lơh sa, dong kờl priă sa tàm 6 nhai sơn rờp ai ală hìu tu\ pa mu\t ơm kis lơh sa in; càr Hải Dương geh kơ nòl tă tờm jơh ală priă jàu ù. Tơl hìu geh kơnhoàl Kong Chro pà 4 ]uồng ù ơm mờ 5 sàu ù lơh sa. Tus tu\ do, tàm tu\ càr Hải Dương neh lơh jơh kơ nòl broă bơh he dê, den càr Gia Lai mờ ngan ngồn là kơnhoàl Kong Chro gam lơh lơyaì tu\ ờ hềt lơh sră ngui ù ai làng bol in. Làng bol kung gam ờ hềt gơtùi iang nùs lơh broă lơh sa tàm bă ù bơh he dê tơn, mờ kung tìp uă ngan kal ke tàm tu\ lơh sa. Ồng Nhữ Văn Vĩnh kuang atbồ bòn Hoà Bình, ntum Yang Nam, kơnhoàl Kong Chro, pà git:“ Nàng càn priă mờ anih priă jền den là kal ke ngan, geh tu\ là pal kơ nờm cau do, cau ne đah gah lơh broă ù tiah hơ\ sồng kơ\p kơ nờm geh anih priă jền ai càn priă, ai đah gah lơh broă ù tiah ờ ki\ tàm hìu do geh ù, geh hìu ơm den là ờ gơtùi dan càn priă mờ anih priă jền…”

Đơs bè jơnau bơh tài lơh lơyaì tàm broă lơh sră ngui ù ai ală hìu làng bol mu\t ơm kis lơh sa pa in, ồng Phạm Huy Vân kuang jăt jơng atbồ Cơldu\ lơh broă phan geh is mờ tiah ơm kis kơnhoàl Kong Chro đơs lài, tài bă ù bơh ală hìu làng bol tus ơm kis lơh sa pa dê ơm tàm ù brê den tàng ờ gơtùi lơh sră ngui ù:“ Tàm ală tu\ lơh sră ngui ù, gơnoar ngui hìu ơm ai ală hìu bơnhă mờ cau dùl nă să is in, den gơtìp ờ uă bơta kal ke. Tu\ gi\t anih bơh bă ù bơh ală hìu làng bol dê den bă ù do gơ wèt ù brê. Kung dan mờ ală gah lơh broă geh gơnoar mu\t lơh broă lòt sền, kờp sền wơl bă ù brê. Gơ wèt mờ ală bă ù làng bol neh lơh sa, den lơh sră ngui ù ai làng bol in”.

Mờr 12 nam lòt ơm kis lơh sa pa, mơya kung gam ờ hềt geh lơh sră ngui ù dipal mờ kơrnuat boh lam sơl, 90% hìu làng bol tàm bòn Hoà Bình neh gơ lơh dil tăc gơ jă tăc gơ jal jơh hìu đam, sươn rhàng nàng lòt jòi tus tiah ndai niam rlau tàm broă ơm kis lơh sa, bulah kung gi\t là khi gi\t loh broă tăc bro do là tìs mờ adăt boh lam.

Dùl broă lơh di mờ dipal tàm broă lơh ơm kis rơha làng bol, bơtàu tơnguh lơh sa đah 2 càr Gia Lai mờ Hải Dương neh geh mu\t lơh ờ di tài bơh broă lơh ờ hềt mùl màl geh kơ nòl bơh kơnă gơnoar atbồ tàm tiah do dê. Làng bol kơ\p kờn ală kơnă gơnoar atbồ gờn lơh niam wơl broă do, nàng khi gơtùi iang nùs ơm kis lơh sa kơ\ kơl jăp.

                                        Cau mblàng Lơ Mu K’ Yến