VOV4.K’ho - Gơ wèt mờ mò Linh Nga Niê Kdam, cau kơlôi sơnơng bơta niam chài rài yau, nam 2017 pa do là dùl nam lơh geh uă cồng nha tàm broă prăp gàr bơta niam chài rài yau Tây Nguyên dê.

Ală broă kơlôi sơnơng mờ mò pa yal, bè broă Niam chài tam ya rài yau ală kòn cau Tây Nguyên dê geh anih lơh broă ờs mờng đơs niam mờ jờng rơ ngan. Mò gam geh jờng rơ muh mat là dùl tàm ală cau geh bơngă pin dờn, cau geh bồ tơngoh jak pơnrơ ngan jơi bơtiàn kòn cau gùt lơgar nam 2017.

-Ơi niam să ơ mò Linh Nga Niê Kdam? Sền wơl ală bơta lơi mờ mò neh lơh geh tàm jơh dùl nam pa do, bơta lơi lơh mò in gơlơh di nùs ngan rlau jơh?

Mò Linh Nga: Tàm nam pa do, den digơlan broă mờ a` gơlơh sền go\ di nùs ngan rlau jơh hơ\ ngan là broă jòi tơrgùm kơlôi sơnơng bơta niam chài rài yau Tây Nguyên dê. Ală broă bơh a` dê neh geh ală anih lơh broă ờs mờng jờng rơ mờ geh cồng nha niam.

Pơnyơu bè, khà jờng ai broă lơh bơh jơh bal bàr nă ùr bơklau a` dê là Bơta niam chài tam ya rài yau ală kòn cau Tây Nguyên. Jơh lơh jơnau bè niam chài bơh kòn cau Rơ Mâm dê tàm Kontum. A` ko\ng kơnòl bè dơ\ lơh chờ gùng đơs crih, bàr nă ùr bơklau lơh bal kơlôi sơnơng bal bè tam ya tàm jơnau bè niam chài rài yau bơh cau Rơđê jơi Drao dê tàm Daklak.

Hơ\ sồng lơh bal uă ngan dơ\ lòt đah bơdìh, pơnyơu bè lòt lơh dơ\ lơh chờ Kate cau Prum dê tàm Ninh Thuận, dơ\ lơh chờ Bồ sơnam pa cau Nùng dê tàm Buôn Hồ, ală dơ\ lơh chờ bè niam chài tàm kơnhoàl Cư\ Mgar. Đơs bal là tàm tiah lơi geh dơ\ lơh chờ geh bơta niam chài den là jơh bal bàr nă ùr bơklau a` lòt bal. Do là ală broă mờ a` sền go\ tàm nam lài bol a` neh lơh geh kung uă sơl.

-Ơi, ơ mò! Mò pa đơs tus broă kơlôi sơnơng Niam chài tam ya rài yau ală kòn cau Tây Nguyên dê. Dan mò pà gi\t dùl êt bè tơngume broă lơh do dê?

Mò Linh Nga: Broă lơh niam chài tam ya rài yau ală kòn cau Tây Nguyên là jơh ală jơnau gi\t wa\ bơh ùr bơklau bol a` dê tàm sùm 30 nam do jòi tơrgùm tàm tiah do. Bơklau a` là cau chài tam ya den tàng bơklau a` gi\t wa\ uă rlau, ală broă tam ya a` neh geh tu\ sền, ală bơhiàn gơrềng tus tam ya den bơklau a` là gi\t chài ngan mờ a` là cau ai gai cih gời lơm.

Mờ hơ\, digơlan kung là broă lơh mờ ùr bơklau a` kờ` ngan rlau jơh. Sơrlèt gan dùl tu\ tơngai kơlôi sơnơng, jòi tơrgùm geh tu\ là lòt tus tàm ală lơgar tiah đah jum mat tơngai lik châu Á dê nàng tam pơndrờm bơta tam ya bơh ală jơi bơtiàn kòn cau ndai dê mờ ală cau kòn cau tàm Tây Nguyên geh bơta lơi ndrờm sơl halà krơi is. Broă lơh geh Mpồl văn nghệ dân gian Việt Nam đơs niam mờ jờng rơ ngan mờ geh jàu khà bàr bơh mpồl văn nghệ dân gian Việt Nam dê.

-Mờ ală cồng nha neh lơh geh, mò neh geh yal muh mat mờ jờng rơ tàm Dơ\ jờng rơ cau geh bơngă pin dờn, cau geh bồ tơngoh jak mờ cau lơh sa kă bro pơnrơ jak là cau kòn cau gùt lơgar nam 2017 bơh Ủy ban Kòn cau dà lơgar dê bơyai lơh tàm Hà Nội. Nùs nhơm mò dê gơlơh bè lơi tu\ geh dờp khà jờng do, ơ mò?

Mò Linh Nga: Dilah mờ đơs ngan, den jơh ală bơta lơi mờ a` lơh ờ go\ di là nàng kờ` geh jờng rơ ờ mờ là gơ geh bơh tàm huềng nùs a` dê, ơm kis rềp mềl mờ jơi bơtiàn kòn cau he dê, [òn lơgar tờm he dê, là bơta sền gròi gơlơh jrô ơnàng ngan bè jơnau lơh bè lơi nàng prăp gàr bơta niam chài.

Dùl kơnòl broă tai gơlơh bè là broă lơh báo gơ lòt jat mờ a`. Lòt tiah lơi sền go\ krơh cau niam, broă niam, broă lơh làng bol dê lơh niam tềng do tềng ne, geh tu\ là ờ hềt niam den kung kờ` pal đơs sơl nàng geh cau in gi\t, ală bơta niam den cau kờ` gơboh he, ală bơta jak den cau lùp bơsram, ai ală bơta lơi ờ niam ờ jak den pal sền sơnơng nàng ai jơnau bơsram mờng chài ờ go\ di lơh jat.

Den kung ờ go\ gơlơh nisơna sơl, ờ go\ gi\t là he geh jờng rơ là cau geh bồ tơngoh jak geh pơnrơ ờ. Bơta hơ\ kung dan ưn ngài mpồl lơh broă kòn cau neh sac rwah. Mơya đơs ngan là a` mìng kờ` he geh dùl bơta lơi hơ\ krơi is tàm broă prăp gàr bơta niam chài kòn cau dê, dơ\ bàr là pơndờm pơnđiang làng bol he lơh sa geh kơlôi sơnơng, geh đòm jat bơta jak chài tàm broă lơh sa nàng geh dùl rài kis niam bè nùs nhơm, kơ\ kơl jăp bè lơh sa.

-Ơi ngan bè hơ\, mu\t tàm nam pa do den mò geh ală broă rơcang lơh lơi nàng pơn jat tai lơh jat jơnau kơ\p kờ` bơh he dê, mờ bè mò neh pa yal là “geh dùl êt bơta lơi krơi is tàm broă prăp gàr bơta niam chài kòn cau mờ pơndờm pơnđiang làng bol [òn lơgar”?

Mò Linh Nga: Jơnau lơh a` in kơlôi rơcang ngan là bơta niam chài bơh ală jơi bơtiàn kòn cau dê tàm Tây Nguyên kung gam gơtìp hi\u roh te\. Gơlơh  bè he neh lơh, lơh uă ngan mơya gơ ờ lơh geh cồng nha ngan ngồn bè jơnau kơ\p kờ`.

Bồ sơnam pa tus, mờ sơnam pa là tu\ tơngai kàl prang bơh dơ\ lơh chờ dê tàm làm gùt ù tiah [òn lơgar, jơnau đơs bơh he dê digơlan dong làng bol lơh bè lơi nàng prăp gàr geh bơhiàn niam bơne\, sơrbì bơta ờ niam mờ ngui uă bơta niam, bơta lơi ờ niam, bơta lơi niam, yô yau ờ gam dipal tai den he sang te\ gơ, ai ală bơta niam chài pơnrơ is ngan jơi bơtiàn dê den he pal gàr te\.

A` mìng kơ\p kờ` là a` gam geh să jan pràn kơldang nàng tus bal geh uă dơ\ lơh chờ rlau, bè hơ\ den he lùp bơsram geh uă bơta niam chài bơhiàn yau mơkung pơgồp bơnah bal mờ làng bol prăp gàr.

Bơdìh hơ\ tai kung kờ` dan lơh bàr pe broă lơh jòi tơrgùm kơlôi sơnơng, lòt jòi tơrgùm bàr pe jơnau yal yau jòng bơh cau Jơrai dê, digơlan là bè hơ\. Mơkung lơh dùl jơnau dan dong kờl priă jền nàng gơtùi cih wơl ală jơnau cing cau Sơdàng, cau Bơnhàr dê tơnơ\ hơ\ gơtùi bơto yal wơl ală oh kòn, kòn sau in. Ală broă hơ\ kal ke ngan mờ pal geh priă lơh. A` kơ\p kờ` ngan dờp geh bơta dong kờl bơh ală anih lơh broă dê mờ he gơn kơnờm nàng gơtùi lơh geh ală broă hơ\.

-Ơi, ưn ngài mò uă ngan, kơ\p kờ` mò bal mờ hìu bơnhă mò dùl nam pa să jan pràn kơldang mờ lơh geh cồng nha ală jơnau mờ he neh rơcang lơh!

Cau mblàng mờ yal tơngi\t- Lơ Mu K’Yến