VOV4.K’ho - Ală nam do, bal mờ broă dong kờl bơh rơndăp broă bơto bơtê cau lơh broă gah lơh sơnơm drơng tàm broă lơh niam broă lơh Y tế (Rơndăp broă lơh HPET), bơh Bộ Y tế lơgar Việt Nam neh lơh ndrờm bal ală broă lơh kờ` dong kờl bè broă bơto cau lơh broă mờ rơcang bơcri priă blơi phan lơh broă dong kờl mpồl sền gàr bơta pràn kơl dang să jan lài ngan tàm hìu sơnơm xã.

Ală kuang bàng tàm mpồl sền gàr bơta pràn kơl dang să jan lài ngan tàm hìu sơnơm xã geh bác sĩ, y sĩ, điều dưỡng, hộ sinh mờ dược tá ndrờm geh bơto ndrờm bal jăt mpồl lơh broă mờ geh lơh sùm.

Rơndăp broă bơto cau lơh broă gah lơh sơnơm drơng broă lơh niam ròt lơh sơnơm geh Bộ Y tế lơh bơh nam 2014 tus 2020, mờ broă dong kờl bơh mpồl tam klăc châu Âu bal mờ Ngân hàng dunia kờ` tơnguh bơta pràn ai 1 rơbô hìu sơnơm xã, g^t nđờ rơhiang hìu sơnơm kơnhoàl, mờ hìu bơto tàm 15 càr kal ke tàm tiah kơh bơnơm hờ đah tô dà lơgar mờ Tây Nguyên.

Bộ trưởng Y tế mò Nguyễn Thị Kim Tiến đơs tòm, kờ` geh khà ală làng bol ndrờm geh tìp mờ ală broă sền gàr bơta pràn kơl dang să jan, kờ` kis pràn mờ sơnam jo\ rơlao bal mờ bơta niam rài kis gơguh den pal pơgồp mờ broă lơh sơnơm tàm xã:

-Bô Y tế gam lơh tơlòng bè broă sền gàr broă lơh sơnơm xã tàm 26 xã tơlòng lài gùt lơgar. Xã tơlòng lài mờ gah lơh sơnơm là ală broă rơcang sơndră mờ kòp, sền gàr bơta pràn kơl dang să jan lài ngan, tơnguh uă bơta pràn, rơcang sră mờ kòp… wèt tus broă sơm kòp tơn bơh hìu sơnơm xã kờ` làng bol geh tìp mờ broă lơh sơnơm tơn bơh sơnrờp ngan, ờ di pal lòt ngài mờ ờ hoan hòc huơr.

Jăt mò Nguyễn Thị Kim Tiến đơs, tàm ală lơgar tơnguh bơtàu mờ ờ uă lơgar gam tơnguh bơtàu, 90% khà cau kòp là gơtùi sơm tơn bơh tàm ală hìu kham jăt broă lơh bác sĩ hìu nhă bơh cau dùl nă să lơh is ha là dà lơgar. Tàm lơgar Việt Nam, tu\ do kung lơh hìu sơnơm xã mờ hìu sơnơm kơnhoàl jăt broă lơh hìu sơnơm hìu nhă kờ` làng bol gơtìp tìp tơn, ờ go\ di pal guh tus hờ hìu sơnơm dờng.

Bộ Y tế gam bơto sồr bè broă lơh sơnơm xã, mờ pơn jăt tai tơnguh bơta niam tơl ală bơta bè kham, sơm kòp, jăt mờ hơ\, pơn jăt tai tơl^k mờ lơh jăt nền nòn khà broă bè bơta niam hìu sơnơm.

Jăt rơndăp broă, Bộ Y tế tàm nam 2018 lơh gơs broă lơh 26 hìu sơnơm tơlòng lài. Ală càr geh lơh jăt broă lơh bal, lơh ngan tàm 5 nam bơh nam 2019 tus 2023 lơh gơs ală broă lơh, cau lơh broă mờ lơh broă tàm hìu sơnơm xã jăt kơrnoăt lơh sơnơm hìu nhă.

Cau mblàng Ndong Brawl