VOV4.K’ho – Ngai 29/9 pa do, Ủy ban bè ală broă mpồl bơtìan bơh Quốc hội dê ai jơnau đơs bè rơndap lơh adat tam gơl, bơ tơl 2, 3 bơta bơh Adat Công đoàn dê. Broă pal yal loh làng, song dơpă tàm broă ngui 2% kes pria\ công đoàn neh geh ua\ kuang bàng sền gròi sồr lơh loh.

Yal tàm pơrjum, ồng Ngọ Duy Hiểu, Phó Chủ tịch Tổng Liên đoàn Lao động Việt Nam pà git: broă lam lơh dong kờl mpồl lơh sa kă bro gơtìp kal ke tài bơh kòp Covid-19 pa do ai go\ pal sền sơ wì, bơ tơl tàm Jơnau rơcang cih adat boh lam tơngume cih bè ờ sa pria\, tơrmù pria\ tă lơh bơh công đoàn dê tàm ală tu\ mpồl lơh sa kă bro gơtìp kal ke tài bơh trồ tiah lơh aniai, ồs sa, kòp bơ tờp pal ơm in gbroă lơh sa, kă bro lơh gơbàn bơta ờ jai tă tong pria\ công đoàn in.

Bơta pal sền gròi là bơh cribơyai, ua\ kuang bàng đơs là, gơ wèt mờ jơnau cih bơnah pria\ công đoàn bơh anih lơh broă, mpồl lơh broă, mpồl lơh sa kă bro tă tong ndrờm 2% pria\ nhai lơh bơnàng jă nàng tă tong pria\ Bảo hiểm xã hội ai cau lơh broă in bulah Tổng Liên đoàn lao động ờ sồr tam gơl tơngume do mơya tam gơl, bơ tơl tàm ală bơta ndai den geh gơ rềng tơn tus broă do.

Do là broă geh mpồl bơtìan, cau ngui cau lơh broă sền gròi ngan. Phó Chủ nhiệm Uey ban ală broă mpồl bơtìan bơh Quốc hội dê, ồng Bùi Sỹ Lợi đơs nền: 2% tàm pria\ nhai ờ di là mìng is đoàn viên công đoàn tă mờ kờp bal cau lơh broă tàm mpồl lơh sa kă bro tơn. Tài să tờm mpồl lơh sa kă bro ờ geh mpồl công đoàn kung pal tă tong 2% sơl. Broă kuơmàng là kờp jơh kes pria\ công đoàn hơ\ geh tă dơ\ ngui bè lơi? Pal loh làng song dơpă nàng cau lơh broă mờ cau tờm ngui cau lơh broă git broă ngui bơh 2% kes pria\ hơ\ dê: “Tu\ do, geh ua\ ngan jơnau đơs là tài bơh tu\ Kiểm toán lòt sền den gam jơngkah 29 rbô tơmàn đong ờ hềt tă dơ\ ngui, do ờ di là broă lơh tìs, bơta mờ 29 rbô tơmàn do geh bơh công đoàn kấp hơ đơm tus công đoàn kơnhòal, Công đoàn càr, Công đoàn gah broă lơh mờ Công đoàn Việt Nam. Dilah bol he lam lơh dùl kơrnuat kấp hơ đơm ai công đoàn in den mhar ngan. Den tàng broă kuơmàng tu\ neh crơng gơs dùl mpồl công đoàn kung là mpồl lơh broă chính trị, bơta krơi tàm ală mpồl ndai den broă lơh công đoàn mờ pria\ nhai bơh ală mpồl lơh broă dê là bơh dà lơgar tă tơm, ai tu\ crơng gơs 2% den jơh ală kuang bàng công đoàn pal sa pria\ nhai bơh kes pria\ công đoàn do, den gơ krơi tàm bơta bè hơ\”.

Bơh cribơyai geh 2 bơta jơnau đơs. Jơnau đơs dơ\ 1, ring bal mờ nùs nhơm mờ sră yal bơh Tổng Liên đoàn Lao đọng Việt Nam dê bè broă pơn jat tai gàr sùm bơnah pria\ ai công đoàn 2% mờ bơ tơl jơnau cih ală cau geh sền sơ wì ờ tă tong, tơrmù pria\ tă tong bơnah pria\ công đoàn in. Jơnau đơs dơ\ 2, sồr tam gơl khà ai pria\ công đoàn dùl bă dipal mờ gàr niam broă lơh ai ală mpồl lơh broă công đoàn in mơya ờ lơh gơlik bơta kơn jơ\ ai mpồl lơh sa kă bro, cau lơh broă in, digơlan là cih khà ua\ ngan rlau jơh ờ rlau 2% halà lơyah rlau jơnau cih gam geh lơh jat tu\ do, tài jes pria\ công đoàn pa do gam jơngkah ua\. Bal mờ hơ\, kung sồr pal pơgồp bal broă pria\ jền công đoàn mờ tam gơl pa, tơnguh bơta niam, lơh niam mpồl kuang bàng drong broă công đoàn.

Mò Đỗ Thị Lan, Ủy viên Thường trực Ủy ban ală broă mpồl bơtìan bơh Quốc hội dê sồr: “Gơtùi lơh jat den a` go\, pria\ tă ai công đìan in geh tai kơ nòl tă dơ\ ngui. Dilah gơtùi gàr niam khà tă tong bơnah pria\ công đoàn in bè 2% bè tu\ do den pal geh ală broă lơh tam gơl pa broă lơh công đoàn dê, lam lơh ală kơ nòl broă ngan ngồn, nàng lơh jat kơ nòl broă tàm tu\ tơngai pa, nàng gơtùi đal git bơta kươmàng pal ngui bơnah pria\ công đoàn 2%. Dơ\ 2 là kung pal bơ tơl tơngume pa, kơnòl tă dơ\ ngui pa. Pơn yơu bè gơtùi dong kờl mpồl lơh sa kă bro in, nàng mpồl lơh sa kă bro tu\ gơtùi kal ke den gơtùi dong kờl mpồl lơh sa kă bro in, nàng gơtùi gàr niam broă lơh sa kă bro, nàng gơtùi gàr kơ\ broă lơh ai cau lơh broă in, den he gơtùi dong kờl bơh bơnah pria\ do ai mpồl lơh sa kă bro in mơya pal cih loh làng là tàm bơta gơ in dipal nàng gơtùi ngui bơnah pria\ do”.

Ủy ban ală broă mpồl bơtìan go\ là, do là tơngume pal kơ lôi sơ nơng, sền sơ wì bơta gơ rềng dùl bă tơl làm mờ nền nòn, nàng lơh loh bơnàng jă khoa học mờ kươmàng pal geh jơnau đơs ngan ngồn bơh kấp geh gơ noar dê lài mờ tu\ Quốc hội sền sơ wì, lơh nền broă do. Mơkung đơs nền do là bơnah pria\ geh bơta kuơ dờng màng ngan, geh pơrya lơh nền tàm broă gàr niam nàng Công đoàn Việt Nam in lam lơh ală kơnòl broă he dê, sền gròi bơta kuơ rài kis mpồl bơtìan ai cau lơh broă in, kuơmàng là sền gròi, ala mat, sền gàr gơnoar, bơta kươ dipal bơh đoàn viên, cau lơh broă dê.

Cau cih Lại Hoa - Cau mblàng K’Duẩn