VOV4.K’ho - Tàm Hà Nội, Ban Thường vụ Ủy ban Mặt trận dà lơgar Việt Nam mờ Ủy ban Dân tộc pa pơgồp bal bơyai lơh pơrjum tơn jơh 5 nam lơh jăt broă pơgồp bal tơngai bơh nam 2017 tus 2021 mờ kĭ hơ bal broă pơgồp bal lơh broă tơngai bơh nam 2021 tus 2025.

Tơngai do, bàr gah neh pơgồp bal lơh jăt broă sền gàr, prăp gàr bơta niam chài rơgơi ală jơi bơtiàn kòn cau, lơh jăt ală gùng dà broă lơh bơh Đảng, adăt boh lam bơh Dà lơgar bè broă tơnguh bơtàu lơh sa mpồl bơtiàn, tơnguh uă rài kis ai làng bol kòn cau in. Chủ tịch Ủy ban Mặt trận Dà lơgar Việt Nam ồng Đỗ Văn Chiến hòi jà tàm tơngai tus, bàr gah pal tơnguh broă pơgồp bal lơh jăt ală jơnau kờñ bơh dà lơgar tơnguh bơtàu lơh sa mpồl bơtiàn; sùm git nùs nhơm, jơnau kơ̆p kờñ, bơyai lơh niam ală broă pơrlòng kờñ gơboh mờ dà lơgar, ală dơ̆ lam sồr nàng dong kờl làng bol ală kòn cau tơnguh bơtàu broă lơh sa, bơ̆t bơtàu ƀòn lơgar pa, gàr niam bơta lơngăp lơngai, ờ do ờ dă gùt mpồl bơtiàn; tàm hơ̆ uă ngan là broă lơh jăt jơnau kờñ dà lơgar dê tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm tơngai bơh nam 2021 tus 2025.

Cau mblàng Ndong Brawl