VOV4.K’ho-Bal mờ bơta lơh ngan dong kờl ai ală oh dềt là cau kòn cau tàm gùng lòt jòi akhar, Hìu ơm kòn cau Teresa, Dòng tu Nữ vương Hoà Bình, [òn dờng Buôn Ma Thuột, càr Dăk Lăk gam dong ală oh dềt tàm do geh tam tìp mờ bơta niam chài bơh yau kòn cau he dê, bơh hơ\ lơh tơngkah wơl tàm ală oh bơta kờ` gơboh, sền dờng màng mờ kơ\p kờ` prăp gàr rài kis niam chài is.

Tơnơ\ 5 nam bơsram mờ đềt mềr mờ broă tà` ồi yau tàm Hìu ơm kòn cau Teresa, H’Juel H’Long geh gàr wơl ai lơh pơgru bơto broă lơh ai ală rơnàng oh hền in. Tàm pah dơ\ [ùi mho, tàm hìu jòng dờng ơnàng mờ ha pah mrềt niam ngan tềng hơđơm m[ur nha chi, pơgăp bơh 8 tus 10 nă kơnòm ùr sơnam bơh 10 tus 16 nggui kềng bơrnơ\ tà` ồi tơryăng tơryồng ngan bơsram, cau den bơtê dăp brài, cau den bơtê ruồi brài, cau den bơtê sềr bơka rùp tềng pang ồi.

Ơdu\ tà` ồi tàm Hìu ơm kòn cau Teresa

Tu\ mờ bơsram tà` di jo\ đau den ală sơ dong kờl bơto wơl ai ală oh dềt in bơsram tơn. Tu\ he bơsram den he sền go\ là [ươn rlau mờ he bơto tài bơh tu\ bơto den geh ală oh kal ke ngan gi\t den tàng pal kơ\ nùs mờ bơto wơl tơl broă, bơto ală oh in broă kờp brài, broă tơmu\t che brài. Mơya, tu\ mờ bơto den sền go\ gơlơh chờ hờp mờ gơlơh kờ` ngan tài bơh gơtùi bơto yal wơl geh ai cau ndai in, khi kung gi\t lơh ndrờm bè he sơl, bơh hơ\ he gơtùi prăp gàr wơl broă lơh ờs mờng bơh yau kòn cau he dê.

Ală oh klau bơsram tàp pe\ đờng goòng kòn cau nàng lòt lơh ai cau in sền

Geh lơh bơtờp nùs nhơm gơkờ` bơh ală rơnàng lòt lài dê, oh H’Vâng 13 sơnam, kòn cau M’nông ơm tàm xã Dăk Săk, kơnhoàl Dăk Mil, càr Dăk Nông kung gam jơh nùs ngan bơsram tà` ồi. Bơdìh mờ tu\ jiơ bơsram sră tàm hìu bơsram, tàm ală [ùi mho ru broă, oh H’Vâng lòt tus tai hờ hìu jòng lời is ai mpồl tà` ồi in bơh Hìu ơm Teresa dê nàng geh bi H’Juel bơto pơlam tai.

H’Vâng pà gi\t, tàm hìu bơnhă oh mìng gam mò deh bèp lơm là gi\t tà`. Mơya, mò neh kra ờ gam pràn tai, mat sền ờ loh den tàng ờ huan ngan nggui tềng bơrnơ\ tà` ồi. Bơh tu\ tus mờ Hìu ơm Teresa, geh sền ală oh mi ùr bơsram tà` ồi, oh sơlơ gơlơh kờ` ngan mờ kờ` tê tờm he dê tà` gơs ală pang ồi yau mờ rùp bơka ờs mờng bơh yau bơh cau M’nông dê.

Oh bơsram tà` ôi di 2 poh mờ gơlơh kờ` ngan den tàng dan mờ sơ pà bơsram. Tu\ do, den gơtùi tà` geh che mờ rùp bơka. Oh geh bơta kơ\p kờ` là tu\ he gi\t tà` chài den dilah tu\ dờng den gơtùi ơm wơl tàm do tà` tai halà pờ dùl anih dềt lơi hơ\ tàm [òn lơgar mờ bơto wơl ai ală oh tàm [òn in.

Mpồl bơsram mòn đờng goòng kòn cau

Bal mờ tà` ồi, ală oh dềt tàm Hìu ơm Teresa gam geh bơsram bàr pe broă lơh ndai bè lơh phan mờ chi, mòn mờ ngui ală đờng goòng kòn cau, pe\ đờng goòng, phan ngui rài pa tu\ do dê. Pah dơ\ [ùi mho, tàm [làng Hìu ơm Teresa geh uă mpồl dềt bal mờ ală broă lơh krơi is, ală oh ùr bơsram tà` ồi, sềr bơka rùp, ală oh klau bơsram mòn đờng goòng, lơh phan mờ chi halà bơsram tur cing pe\ đờng. Pah nam, Hìu ơm Teresa gam bơyai lơh ală dơ\ pơrlòng jòi cau jak bal mờ jơnau sồr tơl mpồl kòn cau pal đơs mờ jơnau đơs crih, dà đơs mờ tur mờ cing mồng pơnrơ is bơh kòn cau he dê.

Sơ Nguyễn Thị Thuận, atbồ Hìu ơm Teresa pà gi\t, do là dùl broă lơh nàng kờ` bơto ală oh in bè prăp gàr niam chài kòn cau. Jat mờ hơ\, ală sơ sac rwah ală oh geh bơta chài jat tơl broă mờ jòi cau rê bơto mờ pơlam bơta chài ai ală oh in, dong ală oh gi\t mờ sơlơ gơboh bơta niam chài bơh yau kòn cau he dê. Bal mờ hơ\, ală sơ kung lơh ngan jòi drà blơi ală phan bơna, lơh sră pơrgon lơh tàm ală tiah nhơl chờ nàng jòi tai priă jền ai ală oh in, lơh geh bơta gơn konờm ai ală oh kờ` gơboh broă lơh mờ gàr broă lơh.

Ală oh geh uă bơta chài, kuơmàng là bè gùng đơs crih mờ bơta niam. Tơl mpồl kòn cau krơi is den geh tai ală gùng đơs crih krơi is ngan, den tàng bè hơ\ tàm do kờ` ai ală oh in geh bơsram mờ gàr geh wơl bơta niam krơi is, prăp gàr, bơtàu tơnguh mờ kờ` ai ală rơnàng kơnòm să in kờ` gơboh, pơ`ìơ să bè phan lời wơl niam chài krơi is ngan bơh he dê, đòm jat ală cau chài mờ ală oh geh sơlơ bơtàu tơnguh. Hơ\ là bơta lơh ngan jơh nùs bơh ală sơ dê tàm Hìu ơm kòn cau Teresa do.

Phan bơna lơh bơh chi bơh ală oh tàm Hìu ơm kòn cau Teresa lơh gơs

Geh crơng gơs bơh nam 2003, tus tu\ do, Hìu ơm kòn cau Teresa neh dong kờl ròng siam bơto bơtê dong rlau 200 nă oh geh bơsram mờ tih dờng. Uă oh tơnơ\ tu\ lik klờng neh bơsram jơnhoa rlau tai, gơ gơs là cau pơgru, cau bác sĩ, cau chài đơs crih tam ya. Tu\ do, tàm do gam ròng siam bơto bơtê 20 nă oh bơh ơdu\ 1 tus ơdu\ 12 gơ wèt 14 jơi bơtiàn kòn cau krơi is tàm Dăk Lăk mờ Dăk Nông. Do ndrờm là ală kơnòm bơsram kòn cau r[ah, bơsram jak gơ wèt ală [òn lơgar kal ke, ờ geh tơl bơta nàng lòt bơsram halà ơm ngài ir mờ hìu bơsram nàng gơtùi lòt bơsram. Ờ mìng geh bơsram sră, oh gam geh bơsram ală bơhiàn niam chài mờ broă lơh bơh yau kòn cau he dê tai, bal mờ bơta kơ\p kờ` dong ală oh tơnguh uă jơnau gi\t wa\ niam chài mờ lơh tơngkah wơl nùs kờ` gơboh mờ rài kis niam chài is kòn cau dê, kơ\p kờ` gàr geh wơl bơta niam chài bơh yau bơh jơi bơtiàn he dê.

Cau mblàng Lơ Mu K’Yến