VOV4.K’ho- Thường trực Ban Bí thư ồng Võ Văn Thưởng pa kĭ ai ngui Chỉ thị sồ 05 bơh Ban Bí thư Đảng dà lơgar bè “Sơlơ tơnguh bơta đơng lam bơh Đảng gơwèt mờ broă lơh tơrmù rƀah kơ̆ kơl jap tus nam 2030”.

Nàng lơh jat geh cồng nha jơnau kờñ khà rƀah uă gah gàr sùm tàm khà bơh 1 tus 1,5% mờ Nghị quyết Pơrjum dờng dơ̆ 13 bơh Đảng dê neh ai; lơh ngan tus nam 2030, sền bal ờ gam kơnhoàl rƀah, xã kal ke uă, Ban Bí Thư sồr ală kấp ủy, mpồl lơh broă Đảng, gơnoar atbồ, Mặt trận dà lơgar Việt Nam mờ ală mpồl cau tơrgùm đơng lam sồr lơh broă lơh tơrmù rƀah kơ̆ kơl jap. Broă lơh tơrmù rƀah kơ̆ kơl jap là tơngume kuơ màng tàm broă lơh, broă rơndap lơh bơtàu tơnguh lơh sa- mpồl bơtiàn pah nam, Broă rơndap lơh bơtàu tơnguh lơh sa- mpồl bơtiàn 5 nam bơh nam 2021 - 2025  mờ broă lơh jŏ jòng bơtàu tơnguh lơh sa- mpồl bơtiàn 10 nam bơh nam 2021 - 2030 bơh ală kấp, ală gah, ală tiah, mpồl lơh broă.

Cau mblàng K’Hạnh