VOV4.K’ho- Dùl tơngume kuơmàng gơrềng tơn tus gi\t nđờ tơlak nă công chức, viên chức geh Pơrjum Dà lơgar 7 khoá XII cribơyai là Rơndăp broă lơh “Lơh tam gơl pa priă nhai gơ wèt mờ kuang bàng, công chức, viên chức, mpồl ling klàng phàu crong mờ cau lơh broă tàm mpồl lơh sa kă bro”.

Jơnau kờ` dờng ngan bơh Rơndăp broă lơh dê là lơh geh bơta pràn pa gơ wèt tus mờ ală cau geh bơta jak, bồ tơngoh lơh broă jak chài, tơryang tơryồng mờ jơh nùs lơh broă, pơgồp bơnah tơnguh jơnhoa cồng nha lơh broă, gơhòi gơ jà cau jak mu\t lơh broă tàm anih lơh broă Dà lơgar dê.

Tam gơl dờng ngan rlau jơh tàm Rơndăp broă lơh tam gơl pa gùng dà broă lơh priă nhai dơ\ do là ai ngui ală bảng priă nhai pa gơ wèt mờ tiah lơh broă dà lơgar jat broă lơh, gơnoar broă mờ gơnoar broă đơng lam jat tàm bơta tam gơl tơnguh priă nhai lơyah ngan rlau jơh mờ rề ơnàng bơta gơrềng priă nhai mờr ndrờm bal mờ tiah drà kă bro. Ală bảng priă nhai pa geh ai mờ priă ngan ngồn ala tài ai mờ hệ số priă nhai nhân mờ khà priă nhai cơ sở. 

Pal sền ngac ngan là, ala tài 7 bảng priă nhai bè tu\ do, ală bảng priă nhai pa geh tơrmù mìng gam wơl 5 bảng priă nhai lơm, tàm hơ\ geh: 2 bảng priă nhai ai công chức, viên chức mờ 3 bảng priă nhai gơ wèt mờ mpồl ling klàng phàu crong. Ồng Nguyễn Quang Dũng, Vụ trưởng Vụ priă nhai gơ wèt Bộ Nội vụ đơs là:

“Tu\ mờ lơh jat gùng dà broă lơh priă nhai pa jat Nghị quyết lơh tam gơl pa bơh Dà lơgar dê, den priă nhai bơh kuang bàng công chức dê geh tam gơl loh làng ngan. Mơya, geh bơta rơndăp tăp sèng wơl đah ală gah broă lơh mờ lơh geh bơta ai lài nàng gơhòi gơ jà gah broă lơh mờ geh lơh gơlik bơta pal jat pa, jơh ală kuang bàng, công chức ndrờm gơguh priă nhai”.

Pơndrờm mờ priă nhai êt ngan rlau jơh vùng geh Chính phủ yal ngui nam 2018 den khà priă nhai cơ sở bơh kuang bàng, công chức, viên chức tu\ do dê rơ\p mìng pa lơh geh 40% lơm jơnau kờ` ngui tàm rài kis ngan ngồn. Tu\ do, gơ wèt mờ dùl nă cau jơh bơsram đại học nhân hệ số 2,34 mìng geh pơgăp rlau 3 tơlak priă lơm, lơyah rlau pơndrờm mờ jơnau kờ` ngui sa ngan ngồn tàm rài kis mờ lơyah rlau mờ khà priă nhai tàm drà kă bro. Broă geh uă ir priă dong kờl ndai gơlam tus priă dong kờl ndai uă rlau mờ priă nhai cơ bản mờ gam lơh gơlik bơta ờ ring bal đah ală gah broă lơh, tàm pơndrờm đah gah lơh broă do mờ gah lơh broă ne.

Bal mờ hơ\, lin priă lơh geh đah cau lơh broă apah, sa priă nhai uă ngan, gam uă bơnah priă lơh geh bơdìh mờ priă nhai mờ atbồ priă nhai ờ hềt ngan ngồn loh làng, song dơ pă; gùng dà broă lơh gròi sền priă lơh geh gam ờ huan geh uă cồng nha.

Pơrjum Dà lơgar 7 khoá 12 cribơyai bè thang, bậc priă nhai pa mờ rơndăp tăp sèng priă nhai mờ priă jờng pa, tàm hơ\ geh: Priă nhai cơ bản (geh tus pơgăp 70% kờp jơh kes priă priă nhai); ală bơnah priă dong kờl (geh tus pơgăp 30% kờp jơh kes priă priă nhai) mờ priă jờng (ndrờm mờ pơgăp 10% kờp jơh kes priă priă nhai).

Ồng Nguyễn Hữu Dũng, cau mờng chài kơlôi sơnơng bè gùng dà broă lơh priă nhai mờ bảo hiểm xã hội, đơs bè do:

“Jat a`, den pal yal sang priă nhai cơ sở. Mìng geh dùl jơnau yal bè priă nhai êt ngan rlau jơh pal geh dà lơgar dê, ai bơta tàm pơndrờm tàm drà kă bro lơh bơnàng jă. Dơ\ bàr là tơrmù bơta tam cah is đah drà kă bro mờ tiah hành chính. Priă nhai bơh tiah hành chính dà lơgar dê ơn tàm bơta tàm gơrềng tàm pơndrờm mờ drà kă bro”.

Dùl bơta geh ngan gam uă bơta ờ suk tàm gùng dà broă lơh priă nhai kung geh Dà lơgar cribơyai, hơ\ là broă rơndăp lơh priă nhai jat ngạch mờ priă dong kờl gơnoar broă đơng lam.

Jat jơnau cih tàm kơrnoat boh lam gam geh ngui tu\ do dê, ală đảng, mpồl cau geh dờp priă dong kờl 30% mơya mìng cau geh gơnoar broă bơh vụ trưởng tus hơđơm den hơ\ sồng geh dờp, ai phó trưởng ban Đảng (ndrờm pal mờ kấp thứ trưởng) rlau hơđang den ờ go\ geh wơl dờp, jơnau do gơlam tus priă nhai bơh phó trưởng ban đảng dê lơyah rlau pơndrờm mờ priă nhai vụ trưởng dê.

Jat ồng Trần Quốc Toản, Ủy viên Hội đồng Cribơyai Dà lơgar dê đơs, den gùng dà broă lơh do kờ` pal lơh loh jơnau kờ` rơndăp lơh wơl ală priă nhai, priă dong kờl ai jơh ală anih lơh broă chính trị in bè lơi; Tam cah kuang bàng công chức nàng rơndăp lơh thang bảng priă nhai dipal gơ jat bal mờ cồng nha broă lơh pah nam bơh kuang bàng công chức dê:

“Bè hơ\, tu\ bol he tam cah ală bơta kuang bàng công chức bè hơ\, bol he geh cơng tàng nàng rơndăp lơh geh ală thang priă nhai dipal. Bơh hơ\, rơndăp lơh geh ală bơnah priă dong kờl sơnam lơh broă, ală bơnah priă dong kờl gơnoar broă, ală bơnah priă dong kờl gah broă lơh ngan ngồn geh cồng nha tàm broă lơh jat broă dà lơgar dê”.

Rơndăp broă lơh lơh tam gơl pa gùng dà broă lơh priă nhai dơ\ do kung gam kờ` tai jơnau kờ` lơh tam gơl tơnguh priă nhai êt ngan rlau jơh pal geh vùng nàng tus nam 2020 tơl ngui tơl sa geh tàm rài kis. Tơrmù rơhời mờ wèt tus sang te\ bơta tus bal tơn bơh dà lơgar dê tàm gùng dà broă lơh priă nhai bơh mpồl lơh sa kă bro dê.

Mpồl lơh sa kă bro (kờp bal mpồl lơh sa kă bro 100% priă dà lơgar dê) geh rơcang lài lơh nền is gùng dà broă lơh priă nhai bơh broă cribơyai, ring bal mờ cau lơh broă jat tàm cồng nha mờ bơta pràn lơh broă jak.

Mờ ală tam gơl pa gơcèng bơh tam gơl bơh bơta yau gơs bơta pa, rơndăp broă lơh Lơh tam gơl pa gùng dà broă lơh priă nhai gơ wèt mờ kuang bàng, công chức viên chức, mpồl ling klàng phàu crong mờ cau lơh broă tàm mpồl lơh sa kă bro gơ jat bal mờ tơrmù biên chế, rơndăp tăp sèng lời dùl êt wơl gời mpồl kuang bàng lơh broă dà lơgar geh kơ\p gơn lơh geh bơta tam gơl uă tàm lơh broă, lơh sa.

Cau mblàng Lơ Mu K’Yến