VOV4.K’ho- Geh bơh jơnau pin dờn, phan geh huềng suàn, hơ\ là jơh ală phan ndrờm geh huềng suàn lơm, cau Jrai đơs là, Yang Ia hơ\ là Yàng dà là cau ai dà sàng kloh mrềt niam, bơta pràn mờ ring lơngai làng bol [òn lơgar in. Pah nam, tu\ kòi phe neh jơh tơnhàu, cau Jrai sùm bơyai lơh yàng duh khuai dà mbòr nàng kah ưn ngài ală bơta niam bơne\ mờ yàng dà ai pà làng bol [òn lơgar in.

Tu\ kơphê, kòi mìr neh jơh kăc jơh tơnhàu prăp bềng tềng bong tềng đam, là tu\ cau kra [òn Rơ Lah Chum, [òn Ia Gri, xã Chư\ Đăng Ya, kơnhoàl Chư\ Pah, càr Gia Lai pơrjum tìp mat làng bol [òn lơgar tàm hìu bơyai tơr`a [òn rơcang ai dơ\ lơh yàng duh khuai dà mbòr.

Dà mbòr [òn Ia Gri ơm tềng gùl bơnơm Chư\ Đăng Ya

Ồng kra [òn tàm jàu broă ai klau pơnu mờng chài in mu\t tàm brê jòi đơr rơcang bơka chi gơnơng, ală klau pơnu să jan cham pràn ìa yoas mra pès kloh jơh nhơ\t ru\ rơm hòn lềng, bơ\t kai ntùng tàm ală gơl gùng kal ke pơđì dà tus tàm dà mbòr. Ală cau ùr rơcang sơ\ mờ nhồng dà nàng đơ dà.

Ngai lơh yàng duh khuai dà mbòr, jơh tơl nă cau tàm [òn ờ go\ cau lơi lik lòt đah bơdìh nàng kờ` gàr niam bơta ndu gơnrơ ai dơ\ lơh yàng in. Tu\ mat tơngai lik àng sơndah jơh trồ tiah, ồng kra [òn bal mờ làng bol [òn Ia Gri lòt jat sèng jòng tus dà mbòr. Bi Ksor Nah, tus bal rơcang phan ơn pơdơng duh khuai yàng dà, pà gi\t bè do:

Kra [òn sùm duh khuai yàng dà mbòr yal wơl mờ gơnoar atbồ tiah do in, ală oh kòn, kòn sau tàm [òn nàng rơcang lơh yàng duh khuai. Phan ơn pơdơng duh khuai yàng, jơh tơl nă cau tă pơgồp bal. Tàm hơ\ geh 1 nơm iar, dùl drăp tơrnờm, 1 nơm sur. Jơh ală oh mi, oh kòn kòn sau tàm ngai hơ\ ờ go\ geh cau lơi geh gơnoar lik bơh [òn nàng kờ` geh dà uă mờ bơkah lơngồt.

Dà mbòr [òn Ia Gri dê gơ ơm tàm gùl bơnơm ồs Chư\ Đăng Ya, là tiah geh dà căt pràn ngan mờ mrềt sàng kloh ngan gơ hòr bơh tàm dơlam tiah bơnơm. Tàm do, ală klau pơnu ai klờm bơh ală phan ơn pơdơng duh khuai yàng dê ơn tềng tồr drăp tơrnờm. Bơnah puăc gam wơl geh ai buh tềng bơnhă ồs rơnga dờng kềng gah dà mbòr tơn.

Bàr pe nă klau pơnu ndai rơcang phan ơn pơdơng duh khuai yàng

Dùl tàm ală đơr rùp să kue\t dùl đah sơn tăp tềng bồ tô dà mbòr. Chi gơnơng geh ơn jơnhoa ngan tềng đah đăp dà mbòr nàng broă duh khuai yàng dà mbòr sơnđờm lơh. Ồng Rơ Lah Chum, cau kra [òn Ia Gri, răc dan mờ yàng dờng ngan bè do:

Ơ yàng chi yàng che, đơr gle, yàng brê yàng bơnơm, tus te\ tàm do mờ bol a`, nàng `ô sa bal, sa klờm sur, klờm iar do. Ơ yàng dà croh Chan, lòt gan te\ brê bơnơm dờng, yàng dà croh Ai, lòt jat gah sre, yàng dà croh Kreng jat đah mat tơngai lik, yàng dà croh Tong Bră jat chàr bơnơm, yàng dà croh Pok tus te\ mờ dà mbòr Ia Nguin bol a` dê.

Ngai do, bol a` lơh yàng duh khuai pơdơng tus ală yàng in klờm iar, klờm sur mờ ơlak tuh tềng dà mbòr nàng ai làng bol [òn lơgar in geh rài kis niam, sùm pràn kơldang, oh kòn kòn sau ờ gơtìp kòp tê jê să lơbơn lơ `o. Dan ai bol a` in hiòng dà mrềt, sàng kloh bơkah lơngồt.

Jơh rac dan mờ yàng, ồng kra [òn ngui dùl nơm gai dềt nàng tuah wàs jơh ală sồ siă gơkòl tềng ding dà mbòr, hơ\ sồng ai nhồng đơ bềng dà. Tơnơ\ hơ\, dùl nă klau pơnu gam kơnòm să tàm [òn ai nhồng dà mờ siah tềng drăp tơrnờm. Tu\ drăp tơrnờm bềng dà, cau kra [òn là cau sơn rờp `ô tơrnờm, hơ\ sồng tus tơl nă ală cau tus bal dơ\ lơh yàng duh khuai dà mbòr sơnđờm `ô tơn tềng dà mbòr.

Lài mờ tu\ rê hờ [òn, cau ùr đơ dà tàm dà mbòr cèng rê tàm hìu nàng ngui sa

Bi Yanar, lơh broă tàm Phòng Văn hoá, Thông tin mờ Truyền thông kơnhoàl Chư\ Pah pà gi\t, jơnau dờng màng tàm dơ\ lơh yàng duh khuai do là làng bol ờ go\ tur cing ja` mồng, wèr ờ lơh ală broă lơh gơlik bơta nggồr nggàc tài ngòt lơh nrơ\t yàng dà:

Puăc mrih, khi lời wơl ai yàng in. Puăc sin, den làng bol tơrgùm tàm dà mbòr nàng `ô sa bơh drim tus mho jơngo tơn. Mìng is lơh yàng duh khuai dà mbòr den ờ go\ geh cing mồng mờ tam ya xoang.

Tơn jơh dơ\ lơh yàng, làng bol [òn lơgar đơ dà mbòr àn rê tàm hìu nàng ngui sa Muh mat cau lơi cau hơ\ ndrờm chờ hờp lơm. Khi pin dờn là bơh tu\ do tus jơh sơnam, yàng dà geh ai làng bol [òn lơgar in uă dà mrềt sàng kloh bơkah lơngồt, cau lơi cau hơ\ să jan kung ndrờm pràn kơldang mờ chờ hờp chờ hờn.

Cau mblàng mờ yal tơngi\t- Lơ Mu K’Yến