VOV4.K’ho-Tàm dùl kàl lơh sa, sùm bơyai lơh uă dơ\ lơh chờ lơh broă sa krơi is. Tơn jơh kàl lơh sa, cau K’ho tàm Lâm Đồng sùm bơyai lơh yàng “Ràu jơng rơpu”. Do là dùl broă lơh ưn ngài yàng rơpu neh dong kòn bơnus lơh broă sa sươn sre, mờ răc dan kơ\p kờ` dùl kàl lơh sa niam bơne\, rài kis hờm ram rlau.

Rài yau, ndrờm bè jơh ală hìu bơnhă cau K’ho ròng lơm rơpu. Gơjat tàm rài kis hìu bơnhă dê mờ khi ròng uă halà ròng dùl êt. Hìu bơnhă r[ah ngan rlau jơh kung geh sơl êt ngan là bơh dùl nơm rơpu ngui nàng geh phan lơ òr ù sơkam sre, pơndiang phan.

Ală hìu bơnhă pas sơm ròng uă bơh bàr pe jơ\t nơm tus rhiang nơm. Bơdìh mờ cing yăng drăp, mờ ù tiah den rơpu kung là dùl phan nàng đơs bè bơta pas gơs bơh hìu bơnhă mờ [òn lơgar bơh cau K’ho dê.

Tài bơh rơpu geh gơnoar broă kuơmàng ngan tàm rài kis kòn bơnus dê, den tàng pah nam, cau K’ho sùm bơyai lơh yàng “Ràu jơng rơpu”. Ồng K’Thế, Phó Kuang atbồ Trung tâm Văn hoá Thể thao kơnhoàl Lâm Hà, càr Lâm Đồng, pà gi\t:

“Rơpu ngui bơta pràn hoài, dong lơ òr sơkam, lơh ring lo\ sre nàng bol he in sih tam kòi…rơpu dong kòn bơnus lơh uă ngan broă bơh broă sươn sre. Tơnơ\ mờ tu\ kòi neh jơh sih tam, broă lơh sươn sre neh sir jơh, rơpu geh hìu bơnhă ròng siam sền gàr niam ngan, ròng tàm ală [làng nhơ\t geh uă nhơ\t.

Bal dùl tơngai hơ\, hìu bơnhă rơcang lơh yàng ràu jơng rơpu tài bơh rơpu neh dong kòn bơnus lơ òr sơkam sre, dong kòn bơnus lơh geh uă kòi, den tàng bol he pal kah ưn ngài yàng rơpu”.

Mho mang, tơnơ\ tu\ rơpu neh tơmu\t jơng tàm wàng, cau tờm lơh yàng là cau klau geh lơh yàng “Ràu jơng rơpu”. Phan ơn pơdơng lơh yàng là dùl nơm iar halà dùl nơm sur dilah hìu bơnhă pas, ròng uă rơpu, 1 nhồng ơlak, dùl nhồng dà kloh bơ\ bơh jơng bơnơm ndu tàm, dùl nơm bơngàn lơngo ơn ồs rơnga nàng chu kơlhô, dùl bơngàn boh nàng rơpu in liăp, sa.

Làng bol lơh chi gơnơng tềng đap mpồng wàng rơpu, pơdơng ală phan nàng lơh yàng duh khuai rơpu. Ồng K’Thế pà gi\t loh làng rlau tai:

“Hìu bơnhă geh rơpu den geh lơh chi gơnơng tàm wàng rơpu, tề rơpu lòt um dà tàm dà dờng, tơn um kloh ràu jơh bơta [ơ\ rơpu in, tơnơ\ hơ\ mho mang tề rơpu rê tơmu\t tàm wàng, ai rơpu in sa boh, bơ\ dà ai rơpu in hùc.

Pơn jat hơ\ cau tờm lơh yàng geh ai phan pơndơng lơh yàng là dùl nơm kòn iar, dùl nhồng ơlak…răc yàng, nàng kah ưn ngài rơpu, yal mờ yàng in gi\t là hìu bơnhă bơyai lơh yàng ràu jơng rơpu”.

Tu\ răc yàng, cau tờm lơh yàng ngui mhàm iar bong tềng chi gơnơng, bong tềng mpồng rơpu, bong tềng jơh ală rơpu tàm wàng bal mờ jơnau kơ\p kờ` rơpu hìu bơnhă dê geh pràn kơldang, pleh gơtìp kòp, rơpu hìu ngai sơlơ rơ\ rài.

 Jơh lơh yàng duh khuai tàm wàng rơpu, iar geh cèng rê tàm hìu nàng du\i jơh tơrnò, gơm sin. Puăc iar mờ pròc klung iar geh tơrdih tiă dềt ơn tàm bơngàn lơngo pơn jat tai duh khuai tàm hìu. Tơnơ\ hơ\ jà jơi nòi, gơ\p [òn tus bal sa chờ hờp mờ hìu bơnhă lơh yàng “ràu jơng rơpu”.

Bơh sơnrờp cau tờm lơh yàng là cau `ô tơrnờm tàm drăp, mờ jà jơh tơl nă cau lòt lơh yàng, bơh cau kra dờng sơnam ngan rlau jơh tus dì ală cau dềt sơnam rlau. ~ô sa chờ hờp, khi tàm yal tơngi\t bal bơta mờng chài tàm broă lơh sa, lùp bơsram bal mờ gơ\p lơh bè lơi nàng ngai sơlơ lơh geh uă kòi phe.

 Khi đơs uă tus dà kơlhề tă pơgồp bơh rơpu dê. Khi kơ\p kờ` rơpu hìu bơnhă he dê ngai sơlơ rơ\ rài sơpài pơn jềng, bềng tơl tàm wàng. Dơ\ lơh yàng do geh lơh jo\ jòng tus tu\ lơi tơrnờm tàm drăp `ô soăt jơh den hơ\ sồng ơm.

Cau cih mờ yal tơngi\t- Lơ Mu K’ Yến