VOV4.K’ho-Bơh gi\t nđờ rài do, ală kòn cau Tây Nguyên gam wơl bè ờs bơh yau ală bơhiàn niam bơne\ tàm dơ\ lơh yàng tùc tam phan bal mờ broă lơh tam phan co\k trồm, sih gar.

Do là dùl dơ\ lơh chờ dờng màng ngan nàng dan mờ ală yàng ai gar sơntìl in hòn dờng niam tus să tus gar, mìu nhàc niam, kòi bềng bong bềng đam, tơngời den bềng dra; Răc dan mờ ală yàng jơm glòm, ai lơngai, sền gàr sươm mìr mờ kơ\p kờ` geh lơh geh dùl kàl lơh sa tơnhàu uă, jơh ală hìu bơnhă ndrờm hờm ram…

Tàm {òn Niam chài- Nhơl chờ ală jơi bơtiàn Việt Nam tàm Đồng Mô, Sơn Tây, Hà Nội, ală cau chài kòn cau Rơđê, Sơdàng, Bahnar, Rơglai, Cơ Tu, Tà Ôi pa lơh wơl Dơ\ lơh yàng tùc tam phan, lơh yàng duh khuai kuơmàng gơ jat bal mờ lơh broă lơh sa sươn sre kơnhoàl ù tiah kơh bơnơm, nàng yal tơngi\t mờ năc lòt nhơl in.

Lài mờ ngai Lơh yàng, ală cau atbồ [òn mờ ală cau geh bơngă pin dờn tàm [òn lơgar neh tìp mat, pơrjum bơyai mờ jàu kơnòl loh làng ai tơl [òn in bè broă lơh rcăng lơh yàng tùc tam phan. Bă ù tùc tam phan kàl pa kung neh geh làng bol rcăng lài.

Phan ơn pơdơng lơh yàng rcăng duh khuai Yàng tàm hơ\, geh: 3 nơm iar, 1 bồ sur, puăc sur, mbar, drăp tơrnờm, gar sơntìl ai kàl tùc tam phan in. Tu\ ală phan ơn pơdơng lơh yàng neh rcăng, 6 nă cau ùr ala mat ai 6 [òn in lòt yờ sơlào phan ơn pơdơng lơh yàng neh rcăng lài jun tus rềp chi gơnơng.

Làng bol rcăng phan ơn pơdơng lơh yàng

Tơnơ\ tu\ jơh lơh broă lơh yàng duh khuai, làng bol lòt pơdar jơh gùt dar bơh ală [òn kòn cau Rơđê tus [òn kòn cau Rơglai lòt gan [òn kòn cau Cơ Tu, [òn kòn cau Tà Ôi, [òn kòn cau Sơdàng. Ală kòn cau neh jơh rcăng sir ală chrmul jat bơhiàn yau, sơ\ prăp gar tơngời. Tu\ lòt tus [òn lơi den [òn hơ\ geh lơh tờm broă tùc tam phan, ală [òn oh mi dong kờl, geh ntas săp đơs crih tơngo\ bơta chờ hờp chờ hờ` bơh [òn lơgar dê tàm kàl lơh mìr pa. Tàm bă ù bơh tơl [òn dê geh ntàu dùl nơm chi gơnơng. Cau tờm hìu geh tùc tam phan tơn tềng tờm chi gơnơng, ai ală [òn ndai tùc tam phan tàm gùt dar jat bơta pơlam bơh cau tờm hìu dê.

Cau bơjơu neh jơh lơh broă lơh yàng duh khuai

Anih ơm tùc tam phan tàm [òn kòn cau Bahnar dê, làng bol ală kòn cau chờ hờp bal dùl kàl tùc tam phan pa. Tơnơ\ dùl ngai lơh broă glar bòl, jơh tơl nă cau chờ hờp chờ hờ` bal, kơ\p kơnờm kàl tơlir geh glòm jơh làm gùt [òn, phan tam geh tơnhàu uă, cau lơi cau hơ\ să jan ndrờm pràn kơldang, hờm ram sùm.

Làng bol tùc tam phan tàm bă ù neh rwah

Làng bol ală jơi bơtiàn Tây Nguyên đơs crih tam ya chờ hờp Dơ\ lơh yàng tùc tam phan

Lơh yàng tùc tam phan mờ broă lơh đơs crih tam ya tàm {òn Niam chài- Nhơl chờ ală jơi bơtiàn Việt Nam là broă lơh geh kuơ ngan bơh să tờm ală cau kòn bơh kơnhoàl ù tiah Tây Nguyên dê lơh. Broă lơh nàng kờ` yal tơngi\t ală bơhiàn niam chài krơi is ngan bơh ală jơi bơtiàn Tây Nguyên dê mơkung pơgồp bơnah sơlơ tơnguh bơta tam klac bal, tơngo\ bơta kơ\p kờ` ngan lơh ngan brồ guh lơh tờm rài kis he dê, lơh tờm ù tiah brê bơnơm geh is bơh làng bol ală kòn cau Tây Nguyên dê.

Cau mblàng Lơ Mu K’Yến