Bol a` pơnjat tai yal bè ala\ jơnau cih bè lòt sền,  sền gròi tàm dà lềng geh cih tàm adat dà lềng Việt Nam geh Gơnoar ala mat dà lơgar Việt Nam kơna\ XIII, tàm pơrjum dơ\ 3 ring bal tàm ngai 21/06/2012 mờ ngan ngồn geh ai ngui tàm ngai 01/01/2013.

Bơta 47. Mpồl lòt sền, sền gròi tàm dà lềng.

Mpồl lòt sền, sền gròi tàm dà lềng geh ală mpồl geh gơnoar di ling klàng làng bol, kuang àng làng bol, ală mpồl lòt sền, sền gròi ờs mờng ndai.

Mpồl rơcang gàr ală càr, bòn dờng kềng gah dà lềng di dà lơgar, mpồl sền gàr bơh anih lơh broă, mpồl lơh broă kềng gah dà lềng mờ ală mpồl ndai geh kơ nòl tus bal lòt sền, sền gròi tàm dà lềng tu\ geh anih lơh broă geh gơnoar sồr.

Bơta 48. Kơnòl bơh mpồl lòt sền, sền gròi tàm dà lềng.

Mpồl lòt sền, sền gròi tàm dà lềng geh ală kơ nòl tơ nơ\ do:

Sền gàr gơnoar tờm, gơnoar gơnoar tờm, gơnoar ]ri bơyai mờ bơta kuơ dà lơgar tàm ală tiah dà lềng, bồt bơlàu lơgar Việt Nam;

Gàr niam broă lơh jat adat boh lam Việt Nam mờ ală jơnau pơrgon dunia mờ lơgar Việt Nam he tus bal;

Sền gàr phan bơna dà lơgar, phan geh is mờ tiah ơm kis dà lềng;

Sền gàr, dong kờl, jòi dong rềs àr tus mờ cau, ơhò plung lơh broă tàm ală tiah dà lềng, bồt bơlàu Việt Nam dê;

Lơh glài ală broă lơh tìs adat boh lam tàm ală tiah dà lềng, bồt Việt Nam dê jat adat boh lam Việt Nam.

Kơnòl mùl màl bơh ală mpồl lòt sền, sền gròi tàm dà lềng mut lơh jat adat boh lam.

Dà lơgar gàr ală bơta pal geh kuơ màng nàng ală mpồl lòt sền, sền gròi tàm dà lềng lơh jơh ală kơnòl geh jàu.

Bơta 49. Bùng bi, phan soh mờ phan ai tơngit:

Tu\ lơh kơnòl, ơhò plung di mpồl lòt sền, sền gròi tàm dà lềng pal geh rơcang tơl bùng bi lơgar Việt Nam, khà yal tơngit, jơnau ai tơngit bùng bi, cau 1 nă să di mpồl lòt sền, sền gròi tàm dà lềng geh rơcang tơl phan soh, phan soh bơh ală mpồl dê pal bal mờ ală jơnau tơngit pơn rơ is ndai jat jơnau cih adat boh lam dê.

                                                            Cau mblàng K’ Duẩn.