Ala\ nam lài,  bơta ntrờn ơm kis khat gơboh neh lơh gơbàn ua\ ngan kal ke tus mờ broa\ bơtàu tơngguh lơh sa mpồl bơtìan càr Dak Lak dê, tàm tu\ hơ\,  rài kis làng bol pa ntrờn ơm kis kung kal ke ngan. Dak :ak neh bơt bơtàu 17 rơndap broa\ mờ ky\ 15 rơndap broa\ gàr kơ\ làng bol ntrờn tus kis khat gơboh mờ rlau 6 rbô 500 hìu nha\, rlau 32 rbô na\ cau, kơp jơh pria\ bơcri rlau 810 tơmàn, tàm hơ\, pria\ dà lơgar mờr 550 tơmàn. Mơya broa\ mut lơh gơtìp  ua\ ngan kal ke, gơ rềng tus pria\ bơcri bơt bơtàu phan bơna, tam gơl ù nàng tam pà làng bol in mờ tơngai mut rơndap broa\. Jơnau ngai do geh đơs bè bơta lư yài do tàm kơnhoàl Ea Sup, càr Dak Lak.

Ùr bơklao bi Dương Văi Sài kis tàm [òn 10, ntum Cư\ Kbang bao neh 2 nam do, mơya tài rài kis kal ke, broă ờ geh den tàng ờ hềt bài deh kòn. Ùr bơklao bi pa geh pà 500 thơ\k kơre ù lơh hìu ơm mờ dong kờl 10 tơlăk priă kờ` lơh hìu. Hìu mìng ơnàng rơlao 10 thơ\k, bu\ lah ram rơlao mờ ală sàl geh lơh lài do, mơya rài kis gam kal ke ngan, pal du^ che ồs đèng kơnờm bơh 1 hìu tăc phan rềp tềng hơ\, dà den pal lòt bơ\ tàm pơđơng, ù lơh sa den ờ geh, pal lòt lơh broă ơpah mờ cau tàm [òn. Bi Dương Văn Sài pà g^t:“Ù lơh sa den kung gam ờ hềt geh, ơpah ù lơh den he ờ gal cau, ơpah di pơgăp bơh 2 tus 3 sào lơi. Ù neh rồ den geh 400 rơbô priă tàm 1 sào. Cau lơi kờ` den a` lòt lơh broă ơpah nàng geh priă tàm rài kis, ơpah tờ bùm mblàng ha là ơpah lơh ală broă lơi. Kơ\p kờ` dà lơgar pà ù kờ` lơh sa mơ”.

Hìu nhă lo\ Vàng Thị Minh kung ờ tơl ngui tơl sa sơl. Ntrờn ơm kis tus tàm càr Dak Lak neh bơh 7, 8 nam, mơya rài kis kung gam kal ke sơl. Ờ geh ù lơh sa, ùr bơklao lo\ pal ơpah 1 lồ ù kờ` tam tơngời, khoah ală bơta, mơya ù ờ niam mờ trồ tiah ờ mìu nhàc niam den tàng phan tam ờ hòn gơs niam. Broă bơsram sră 4 nă kòn kung gơtìp ờ tus gùng tus dà sơl, kòn dờng den jăt mè, bèp lòt lơh broă ơpah, kòn dềt ngan pal ơm tàm hìu tài ờ geh priă ai kòn lòt bơsram. Lo\ Vàng Thị Minh đơs:“Tu\ kơ\p kờ` ngan dà lơgar tus khoàng dà mờ du^ che ồs đèng kờ` làng bol geh tơl niam. Tàm ală hìu tăc phan ne geh uă priă den lơh is, mờ he yòng lơh bal. 1 nhai mìng ngui 1 nơm [ong đèng mờ 1 nơm tivi, ờ geh phan lơi ndai tai mơya kung jơh 100 rơbô priă. Lòt lơh broă den kung ơpah ù, hơ\ sồng phơng tai uă ngan. Ờ geh priă blơi pal càn lài phơng, tus tàm lồi kàl den phan tam ờ geh dà, den tàng tơnhào kung ờ tơl priă tơm càn phơng sơl, pal dồs mờ sa priă cồng uă. Làng bol tàm do glar bòl ngan, ngai lơi jòi sa ngai hơ\ mơ”.

Bơdìh mờ gùng lòt neh geh cò den ală broă bè ồs đèng, dà drơng tàm rài kis pah ngai làng bol in kung gam ờ hềt geh lơh tàm 3 [òn, [òn 8, 9, 10 neh geh ai ù lơh [òn do. Ală hìu làng bol lơh is mờ broă 4 nam tơrgùm bal 1 hìu kờ` khoàng 1 tơlung dà, tơl nơm tơlung jrô 30 thơ\k hơ\ sồng geh dà, tơl tơlung pal roh bơh 40 tus 45 tơlăk priă. Ồng Trương Ngọc Thảo kuang jăt jơng atbồ anih duh broă ntum Cư\ Kbang pà g^t: tàm khà 380 hìu geh ai ù lơh hìu den mìng rơ\p geh nggùl khà hìu do geh dong kờl priă lơh hìu ơm:“Dờp priă dong kờl bơh gơnoar atbồ den tơl hìu 10 tơlăk priă geh 172 hìu. Khà hìu gam tai làng bol kung mìng lơh bơnàng mờ cang ing hơ\ sồng lòt lơh broă ơpah, jòi phan sa tàm ngai, geh ờ uă cau den lơh broă tàm ală anih lơh sa. Gam 130 hìu ờ hềt geh ù lơh hìu kờ` ai. Bol a` kung neh dan, yal mờ gơnoar atbồ kơnhoàl ai pờ ơnàng rơndăp broă lơh, pơn jăt tai ai ù kờ` ală hìu in geh ù lơh hìu ơm”.

Ồng Trần Văn Long kuang jăt jơng atbồ anih lơh sa mờ tơnguh bơtàu [òn lơgar kơnhoàl Ea Su\p pà g^t: ală hìu ờ hềt geh ai ù lơh hìu ơm là tài ờ tơl ù tàm tiah geh ai, gam gơtìp ờ uă hìu làng bol sơgràm, kơnhoàl gam lơh gơs sră nggal kờ` lơh glài di jăt mờ kơrnoăt neh ai. Priă bơcri tus mờ ală rơndăp broă ai ù tiah ntrờn làng bol in neh geh k^ den tus tu\ do càr Dak Lak kung gam ờ hềt ai jăt rơndăp broă nam 2014. Den tàng, neh lơh kal ke tus mờ kơnhoàl tàm broă bơ\t bơtàu broă lơh, tàm hơ\ uă ngan là rồ ù lơh sre kờ` a ù lơh sa jàu ală hìu làng bol in tơnơ\ mờ tu\ geh ai tus tàm ală tiah neh geh ai. Làng bol tàm do neh uă dơ\ dan mờ kơnhoàl, mờ càr bè broă kờ` ai ù lơh sa kờ` rài kis geh tơl niam, ồng Long đơs: “Broă ờ su\k ơm hơ\ den bol a` neh tus bơsong mờ làng bol. Lài ngan, ù lơh hìu ơm tàm tiah hơ\ ờ hềt geh bơtơ\t rơbòng dà, 3 sào nggùl den kung ờ tơl, ù klàr, dơ\ 2 tai ờ geh dà tuh den tam phan lơi kung ờ hòn. Tàm broă ai lơh [òn ơm kis bol a` dê, di lah làng bol ntrờn ơm kis pa, tàm tiah bơtơ\t rơbòng dà den pal geh bơh 4 tus 5 sào ù lơh sa hơ\ sồng jai tơm dồs. bol a` gam dan là 1 lồ mờ càr, mơya càr ờ hềt bơsong broă kal ke tàm kơnhoàl. Ù tàm tiah geh ai rơndăp broă den gam, mơya broă tam gơl den lơyaì. Kal ke tai là tu\ do, ală rơndăp broă neh jơh tơngai, dan tơnjo\ tơngai tai”.

Tu\ do, tàm kơnhoàl Ea Su\p geh 3 rơndăp broă lơh [òn ơm kis gam geh lơh mờ khà priă geh ai lài ngan là mờr 120 tơmàn priă, tàm hơ\ neh bơcri 56 tơmàn priă. Bu\ lah bè hơ\, khà priă mùl màl pal geh bơcri tai là mờr 150 tơmàn priă, tài ală rơndăp broă k^ neh jo\, ờ di pal mờ broă kờ` rơndăp broă lơh tu\ do dê.

3 broă gam kal ke tàm broă lơh jăt ală rơndăp broă geh ai lơh [òn ơm kis tàm kơnhoàl Ea Su\p dê là: khà priă bơcri, broă tam gơl ù brê gơs ù lơh sa gam kal ke sră nggal, mờ kuơ màng là tơngai lơh jăt rơndăp broă tơn jơh tàm lồi nam do. Anih duh broă càr Dak Lak mờ ală gah, mpồl lơh broă geh gơnoar pal jòi tơl bơta kờ` bơsong gờ` ală kal ke do, kờ` làng bol gờ` ring niam rài kis.

                                                           }au mblàng Ndong Brawl.