Ờ mìng tàm kơnhoàl Tuy Đức lơm gời, mờ uă tiah tàm ù tiah càr Daknông dê kung neh geh ngai sơlơ uă ală anih lơh gơlik, kă bro mờ tru\ gơm phan sa lơh geh tơl ală khà bè kloh niam ờdo ờdă phan sa. Mơya, kung gam dùl e\t nă cau lơh sa kă bro, tru\ gơm phan sa, tài bơh hàm hà priă cồng mờ neh ờ go\ sền dờng màng tus broă sền gàr niam pràn kơldang să jan ai cau ngui sa in. Di “Nhai lơh broă tài ờdo ờdă phan sa nam 2016”, cau ai tơngi\t jơnau đơs bơh jơnau do dê geh dơ\ lùp bác sĩ Nguyễn Tấn Thành kuang atbồ Mpồl lơh broă ờdo ờdă kloh niam phan sa càr Daknông bè ală broă lơh mblàng yal, lơh pràn lòt sền, sền gròi drà kă bro phan sa.

Ơ bác sĩ Nguyễn Tấn Thành, tàm nhai lơh broă tài ờdo ờdă phan sa, Daknông sền dờng màng tàm ală broă lơh lơi?

Bác sĩ Nguyễn Tấn Thành: Mờ tơngume bơh nam do dê là pơn jat tai sơlơ lơh sa kă bro ngui sa biăp, puăc bơkah ờdo ờdă den bol a` jơh nùs lơh uă, dơ\ dùl là broă lơh yal tơngi\t mblàng yal kờn sền gàr kloh niam ờdo ờdă phan sa, mờ lơh uă là neh dùl ròt lơh bơh càr tus tàm [òn lơgar, bơyai lơh Dơ\ lam sồr Nhai ờdo ờdă kloh niam phan sa nàng hòi jà jơh ală làng bol [òn lơgar lơh jat bal, tàm sơm băt tê bal tus bal lơh broă sền gàr niam ờdo ờdă phan sa tàm tiah do. Jơnau kờn là ờ lời gơbàn khih phan sa, ờ lời cau ngui sa phan sa gơtìp bơtờp ală kòp lơh bơtờp bơh phan sa ờdo ờdă. Dơ\ bàr là kơnòl broă geh lơh sùm, hơ\ là broă lòt sền lùp sền kloh niam ờdo ờdă phan sa. Bơh càr tus tàm [òn drà, kơnhoàl, tus ntum, sơnah [òn ndờm crơng gơs lơm mpồl lơh broă làm gah dùl ròt bal lòt sền lùp sền bơh ngai 15/4 tus ngai 15/5/2016.

Tu\ do, cau ngui sa gam kơlôi rơcang ngan bè broă ngui phan kơryan ờ ai ngui tàm broă ròng phan, plai chi den jơngkah sơnơm sền gàr phan tam halà puăc ka den ngui phan lơh màu khih jơlai ngan. Bè hơ\, den lơh bè lơi nàng broă mblàng yal geh lơh uă nàng lơh tam gơl jơnau gi\t wa\ mờ broă lơh bơh cau lơh sa, kă bro dê mờ ờ go\ di mìng là cau ngui sa lơm gời ờ, ơ bác sĩ?

Bác sĩ Nguyễn Tấn Thành: Tàm ală dơ\ lòt sền den sùm ală anih lơh sa kă bro tru\ gơm phan sa sùm gơtìp ală bơta lơh tìs bè phan ngui soh sền gàr cau lơh broă ờ go\ geh lơh niam, ờ lơh jat niam, hơ\ sồng ờ go\ sền dờng màng broă kham sơm kòp sền gàr pràn kơldang să jan ờs mờng pah dơ\ ai cau lơh broă in…Mờ dùl bơta tìs kung sùm gơtìp hơ\ là uă anih lơh sa kă bro tru\ gơm phan sa, bè bơta kloh niam tiah ơm kis tàm tiah lơh sa kă bro ờ geh lơh niam ngan. Kung kờn pal sền go\ là, Daknông ờ hềt geh dơ\ khih phan sa lơi lơh chơ\t cau mờ ờ hềt geh kòp lơh bơtờp dùl ròt bơh phan sa ờ geh bơta kloh niam ờdo ờdă…

Mơya ală dơ\ lòt sền nisơna sùm gơtìp cau gi\t lài ală jơnau yal den tàng broă sền go\ tơn mờ ku\p gơtìp kal ke ngan, ngan bè hơ\ ờ, ơ bác sĩ?

Bác sĩ Nguyễn Tấn Thành: Kal ke ngan! Tài bơh broă lòt sền lùp sền geh uă broă lơh bè lơh uă tàm nhai lơh broă, tàm dơ\ sa Tềp kơnòm dềt Trung Thu, sa Tềp bơhiàn, hơ\ sồng broă rơndăp lơh lùp sền lòt sền mìng is gah lơh broă do dê ờs mờng pah nhai ală broă lơh, mờ bơta pal jat là tu\ lòt sền là pal yal mờ ală anih lơh sa kă bro in, ai nisơna là tu\ geh jơnau yal sền go\ broă lơh tìs den hơ\ sồng lòt sền nisơna. Mờ tu\ lam lòt sền nisơna den jơnau yal tơngi\t digơlan ờ go\ geh sền gàr ndơ\p ndơr ờ, pah tu\ mpồl rơcang lòt là khi neh gi\t mờ mpồn jơh, den tàng kal ke ngan.

Tơngume broă mblàng yal tàm nhai sền dờng màng ală broă lơi, ơ bác sĩ?

Bác sĩ Nguyễn Tấn Thành: Bol a` lơh uă tàm tơngume tờm bơh nhai lơh broă do dê. Lơh bè lơi nàng cau ngui sa mờ jơh tơl nă cau tàm làng bol [òn lơgar, dơ\ dùl là pal gi\t rwah blơi ală bơta phan sa ờdo ờdă, tiah lơh gơlik phan sa geh bơngă pin dờn mờ broă prăp gàr phan sa dipal. Dơ\ bàr là yal tơngi\t jơnau tus mờ jơh ală làng bol [òn lơgar in nàng bal mờ gơ\p dong kờl bal tàm broă lơh bal là sền gàr niam ờdo ờdă phan sa, lơh bè lơi nàng tơl nă làng bol, tơl nă cau ngui sa kung là dùl nă cau lơh broă bal yal tơngi\t ală anih lơh sa kă bro lơi kă bro phan sa ờ niam ờ ngan. Yal ală jơnau hơ\ mờ anih lơh broă geh gơrềng in nàng di tu\ tus sền mờ kơryan ală anih lơh tìs.

Bè hơ\, tu\ sền go\ lơh tìs halà digơlan gơtìp khih phan sa den làng bol yal mờ anih lơh broă geh gơrềng lơi, ơ bác sĩ?

Bác sĩ Nguyễn Tấn Thành: Tu\ sền go\ lơh tìs, làng bol pal yal mơ mờ anih lơh sơnơm halà gơnoar atbồ tiah rềp ngan rlau jơh in. Halà yal mờ bol a` jat 2 sồ điện thoại is bơh Mpồl lơh broă ờdo ờdă phan sa là: 0905.743.065 mờ 0905.743.056. Tu\ yal mờ sồ điện thoại do, Mpồl lơh broă do geh broă lơh kơryan di tu\ ală anih lơh sa kă bro loh roh bơta ờdo ờdă phan sa mờ làng bol neh yal.

Ơi ưn ngài bác sĩ uă ngan.

Cau cih mờ yal tơngi\t- Lơ Mu K’ Yến mờ K’ Brọp