Pơnjat tai yal bè tơnggu me jơnau cih tàm adat ù tiah nam 2013, geh ai ngui tàm ngai 01/07/2014, jơnau  đơs ngai  do, bol a` geh yal ala\ jơnau cih bè lùp sền, bơsong tàm pit tam phà, yal ya\ mờ lơh glài tìs adat boh lam bè ù tiah.

Bơta 201 adat ù tiah cih broă lùp sền gah ù tiah. Mùl màl:

Lùp sền gah ù tiah là broă lơh lùp sền bơh anih lơh broă dà lơgar geh gơnuar tus mờ anih lơh broă, mpồl bal, cau nă să tàm broă lơh jat adat boh lam bè ù tiah, cih bè mờng chài lơh broă, kỹ thuật, atbồ di gah ù tiah.

Gah phan geh is mờ tiah ơm kis dà lơgar tàm bòn lơgar kong kơ nòl đơng lam, bơyai mut lơh lùp sền gah ù tiah tàm gùt lơgar.

Anih atbồ ù tiah tàm bòn lơgar kong kơ nòk bơyai mut lơh lùp sền gah ù tiah tàm bòn lơgar.

Tơngume lùp sền gah ù tiah geh :

Lùp sền broă lơh jat adat boh lam bè ù tiah bơh anih duh broă làng bol ală kơnă;

Lùp sền broă lơh jat adat boh am bè ù tiah bơh cau ngui ù mờ bơh mpồl bal, cau 1  nă să ndai geh gơ rềng;

Lùp sền broă lơh jat ală kơrnuat bè mờng chài lơh broă tàm gah ù tiah.

Lùp sền gah ù tiah geh ală kơ nòl bè tơ nơ\ do:

Lùp sền broă lơh jat adat boh lam bơh anih lơh broă dà lơgar, cau ngui ù tàm broă atbồ mờ ngui ù tiah;

Git go\, kơryan, lơh glài jat gơnoar broă halà dăn mờ anih lơh broă dà lơgar geh gơnoar lơh glài broă lơh tìs adat boh lam bè ù tiah.

Bè bơ song tam pìt ù tiah, bơta 202 cih:

Dà lơgar pơn jờng ală gah tam pìt ù tiah bơ song is halà bơ song tam pìt ù tiah jat broă tơr`a bơ song tàm bòn lơgar.

Tam pìt ù tiah mờ ală gah tam pìt ờ gơtùi bơ song den pơyua sră tus anih duh broă làng bol ntum, tiah geh tam pìt ù nàng bơ song.

Kuang atbồ anih duh broă làng bol ntum geh kơ nòl bơyai lơh bơ song tam pì ù tiah tàm bòn lơgar he dê, tàm tu\ mut lơh pal pơ gồp bal mờ anih duh broă gah tề lam gùng dră bal dà lơgar ntum mờ ală mpồl lơh broă geh jơng bơh gah tề lam gùng dră, ală mpồl lơh broă mpồl bơtiàn ndai. Sră nggal bơ song tam pìt ù tiah tàm anih duh broă làng bol ntum geh mut lơh tàm tơngai ờ lin 45 ngai, kờp bơh ngai dờp geh sră sồr bơ song tam pìt ù tiah.

Broă bơ song pal geh lơh gơs sră nggal, mờ geh ală gah ki\, geh bơta dờp geh ngan là bơ song gơtùi halà bơ song ờ gơtùi bơh anih duh broă làng bol ntum. Sră bơ song pal geh pơyua tus ală gah tam pìt, prap wơl tàm anih duh broă làng bol ntum, tiah geh ù tam pìt.

Mờ broă bơ song gơtùi mờ geh tam gơl bè nhàr, cau ngui ù, den anih duh broă làng bol ntum pơyua sră bơ song tus cơldu\ phan geh is mờ tiah ơm kis, gơ wèt mờ broă tam pìt ù tiah đah hìu nhă, cau 1 nă să, [òn ơm kis bal mờ gơp, pơyua tus gah phan geh is mờ tiah ơm kis càr, bòn dờng mờ ală broă ndai.

Cơldu\ phan geh is mờ tiah ơm kis, gah phan geh is mờ tiah ơm kis càr, bòn dờng yal mờ anih duh broă làng bol kơnă bal, kơrnuat dờp broă tam gơl nhàr ù mờ lơh pa sră ngui ù, gơnuar ngui hìu ơm mờ phan bơna ndai gơ jat mờ ù.

Bè gơnoar bơ song tam pìt ù tiah, bơta 203 cih:

Tam pìt ù tiah neh geh bơ song tàm anih duh broă làng bol ntum mờ ờ gơtùi den geh bơ song bè tơ nơ\ do:

Tam pìt ù tiah mờ cau geh gơ rềng geh sră ngui ù halà geh 1 tàm ală bơta sră cih tàm bơta 100 bơh adat do dê mờ tam pìt bè phan bơna gơ jat mờ ù den bơh anih cah rơ`a làng bol bơ song;

Tam pìt ù tiah mờ cau geh gơ rềng ờ geh sră ngui ù halà ờ geh 1 tàm ală bơta sră cih tàm bơta 100 bơh adat do dên den cau geh gơ rềng mìng geh rơwah 1 tàm 2 broă bơ song tam pìt ù tiah geh cih bè tơ nơ\ do:

Tong sră sồr bơ song tam pìt tàm anih duh broă làng bol kơnă geh gơnuar;

Lah yă tàm anih cah rơ`a làng bol geh gơnoar jat adat boh lam bè lah yă broă mờ phan bơna làng bol.

Tu\ tam pìt đah ală hìu nhă, cau 1 nă să, [òn ơm kis bal mờ gơp den kuang atbồ anih duh broă làng bol kơnhòal bơ song, dilah ờ ringbal mờ kơrnuat bơ song den geh gơnoar lah yă tus kuang atbồ anih duh broă làng bol càr, halà yă tàm anih cah rơ`a làng bol jat jơnau cih bơh adat boh lam bè lah yă broă lơh tìs sră nggal.

Cau geh gơnoar bơ song tam pìt ù tiah pal tơlik kơrnuat bơ song tam pìt. Kơrnuat bơ song tam pìt geh mut ngui, den pal geh ală gah tam pìt lơh jat. Tu\ ală gah ờ lơh jat den gơtìp kup bơ klơn lơh jat.

                                                                      }au mblàng K’ Duẩn.