VOV4.K’ho – Kuang gơs gơnăp gơnoar atbồ hơđang rlau jơh dà lơgar dê pa ki\ ai ngui Jat kơrnoat sồ 86 nam 2015 bơh Gơnoar atbồ lơgar dê cih bè broă tă, atbồ priă tă bơsram tus mờ ală hìu bơsram gơ wèt ală hìu bơsram dà lơgar dê crơng gơs mờ broă ờ tă mờ tơrmù priă tă bơsram, dong kờl priă bơsram bơh nam bơsram 2015- 2020 tus nam bơsram 2020- 2021.

 Bal mờ ală cau kung gam geh ờ duh tă priă bơsram lài do, bè kơnòm bơsram, cau bơsram dờng kue\t kơlte, gơ wèt hìu r[ah, kơnòm bơsram, cau bơsram dờng bơsram ală gah broă lơh is rơmis…, cau bơtơl pa ngan rlau jơh tàm măt ờ duh pal tă priă bơsram do là cau jơh bơsram kai II bơsram tai kai bơsram III. Kơrnoat cih ală cau geh ờ duh pal tă priă lòt bơsram bè tơnơ\ do:

1. Kơnòm dềt bơsram ơdu\ bơh sơnrờp mờ kơnòm bơsram, cau bơsram dờng kue\t kơlte geh rài kis kal ke.

2. Kơnòm dềt bơsram ơdu\ bơh sơnrờp mờ kơnòm bơsram hơđơm 16 sơnam ờ geh priă jền ròng siam sền gàr. Cau bơh 16 tus 22 sơnam là cau gơ wèt sền gàr mpồl bơtiàn gam bơsram kai III, bơsram broă lơh, trung cấp broă lơh ờs mờng, cao đẳng, kai bơsram dờng dơ\ dùl.

3. Kơnòm dềt bơsram ơdu\ bơh sơnrờp mờ kơnòm bơsram kai III geh mè bèp là hìu r[ah jat jơnau cih tàm kơrnoat bơh Kuang gơs gơnăp gơnoar atbồ hơđang rlau jơh dà lơgar dê.

4. Kơnòm dềt bơsram ơdu\ bơh sơnrờp mờ kơnòm bơsram kai III là kòn bơh hạ sỹ quan mờ cau ling gam lơh broă geh tơngai pơrgon tàm mpồl ling.

5. Kơnòm bơsram, cau bơsram dờng jat gah rwah ai lòt bơsram (geh bal kơnòm bơsram gah sac rwah ai lòt bơsram broă lơh ơm sa tơn tàm hìu bơsram mờ tơngai bơsram là 3 nhai rlau hơđang).

6. Kơnòm bơsram kai III kòn cau ơm sa tơn tàm hìu bơsram, hìu bơsram rcang lài mu\t bơsram kai bơsram dờng, gah bơsram rcang mu\t kai bơsram dờng.

7. Kơ nòm bơsram, cau bơsram dờng tàm ală hìu bơsram bơto broă lơh mờ hìu bơsram kai dờng là cau kòn cau là kòn hìu r[ah mờ hìu mờr ndrờm bè hìu r[ah jat jơnau cih bơh kơrnoat boh lam kuang gơs gơnăp gơnoar atbồ hơđang rlau jơh dà lơgar dê.

8. Cau bơsram dờng bơsram gah Mac Lê-nin mờ nùs nhơm bồ tơngoh Hồ Chí Minh.

9. Kơnòm bơsram, cau bơsram dờng, cau bơsram, cau kơlôi sơnơng ală gah broă lơh bè kòp jòr bơsiă mhàm, kòn dun, kòp sơnrang, gah lơh sơnơm drơng adat boh lam, gah lơh sơnơm drơng adat boh lam gah kòp sơnrang, mờ reh gi\t kòp.

10. Kơnòm bơsram, cau bơsram dờng kòn cau ờ huan gal kòn bơnus kis tàm tiah uă kal ke jat jơnau cih bơh anih lơh broă geh gơnoar dê.

11. Cau bơsram dờng bơsram cao đẳng, kai bơsram dờng, cau bơsram cao học, cau kơlôi sơnơng ală gah tàm broă năng lượng nguyên tử.

12. Cau jơh bơsram kai II guh bơsram trung cấp.

13. Cau bơsram ală ơdu\ trung cấp, cao đẳng gơ wèt tus ală gah broă lơh kal ke geh cau bơsram mơya mpồl bơtiàn geh uă jơnau kờn jat mat cih tàm kơrnoat boh lam dê.

14. Cau bơsram gah broă lơh is rơmis lơh geh jơnau kờn bơtàu tơnguh lơh sa- mpồl bơtiàn, sền gàr dà lơgar, lơngăp lơngai jat jơnau cih bơh Adat bơto bơtê gah broă lơh dê.

15. Cau geh màng mờ dà lơgar mờ cau hìu bơnhă bơh cau geh màng mờ dà lơgar jat Kơrnoat dong kờl cau geh màng mờ dà lơgar in.

Kơrnoat kung cih loh làng ală cau geh tơrmù priă dong kờl bơsram tàm ală khà 70%, 50%; ală cau geh dong kờl priă bơsram.

Mùl màl, geh 3 mpồl cau geh tơrmù 70% priă tă bơsram.

- Dơ\ dùl là kơnòm bơsram, cau bơsram dờng ală gah bơta chài rơgơi bơhiàn bơh yau mờ is rơmis tàm ală hìu bơsram đơs crih tam ya dà lơgar mờ làng bol dê crơng gơs is. Hơ\ là ală gah bơsram ngui phan đơs crih kòn cau, cau ngui phan đơs crih bơhiàn yau Huế, mờ cải lương tiah ring đah jum dà lơgar, cau lơh lèu, cau đơs pơnđick, đơs ca trù, đơs bài chòi, cau lơh phan ngui đơs crih bơhiàn yau.

- Dơ\ bàr là kơnòm bơsram, cau bơsram dờng ală gah nhã nhạc, gơlang bơtau, chèo, tuồng, cải lương, tam ya, xiếc; bàr pe gah broă bơsram bòl glar, khih jơlai, ngòt rơngơ\t tus mờ bơto bơtê gah broă lơh. Mat ală gah broă bơsram bòl glar, khih jơlai, ngòt rơngơ\t bơh Gah Lơh broă cau ling sồt să mờ mpồl bơtiàn dà lơgar dê ai.

Dơ\ pe là kơnòm dềt bơsram ơdu\ bơh sơnrờp mờ kơnòm bơsram, cau bơsram dờng là cau kòn cau (ờ di là kòn cau ờ huan gal kòn bơnus) tàm tiah geh rài kis lơh sa uă kal ke jat jơnau cih bơh anih lơh broă geh gơnoar dê.

Geh 2 mpồl cau geh tơrmù 50% priă tă bơsram.

- Dơ\ dùl là kơnòm dềt bơsram ơdu\ bơh sơnrờp mờ kơnòm bơsram, cau bơsram dờng là kòn kuang bàng, cau lơh broă sa priă nhai dà lơgar mờ bèp halà mè gơtìp rềs àr tàm tu\ lơh broă halà bơtờp kòp tài bơh broă lơh geh dờp bơta dong kờl sùm.

- Dơ\ 2 là kơnòm dềt bơsram ơdu\ bơh sơnrờp mờ kơnòm bơsram kai III geh mè bèp là hìu mờr ndrờm bè hìu r[ah jat jơnau cih bơh kơrnoat boh lam kuang gơs gơnăp gơnoar atbồ hơđang rlau jơh dà lơgar dê.

Cau geh dờp bơta dong kờl priă bơsram là kơnòm dềt bơsram ơdu\ bơh sơnrờp mờ kơnòm bơsram kai III geh mè bèp là hìu r[ah, halà kòn đời mè bèp, halà gơtìp kue\t kơlte, geh rài kis kal ke.

Kơrnoat do geh ai ngui bơh ngai 01/12/2015.

Cau cih mờ yal tơngi\t- Lơ Mu K’ Yến