VOV4.K’ho - Dờp bal ngai “Dunia rào tê mờ sơ[ong ngai 15 nhai 10” mờ broă lam sồr “Broă lơh 10 tơlăk mpàng tê kloh” geh Gah lơh sơnơm dà lơgar lam sồr, pa do, hìu sơnơm càr Dak Lak neh bơyai lơh pơlòng, ngai chờ rào tê nam 2016 kờ` tơnguh bơta kuơ bơh mpàng tê kloh ală kuang bàng cau lơh sơnơm dê tàm broă sền gàr să tòm mờ sền gàr bơta pràn kơl dang să jan cau kòp in.

Tus bal pơlòng rào tê nam do, geh mờr 300 nă cau là bác sĩ, y sĩ, cau dong broă, cau lơh broă gơwèt 35 gah sơm kòp, anih lơh broă tàm hìu sơnơm càr Dak Lak. Ală cau pơlòng pal pơlòng 2 bơnah: cih jơnau mờ lơh broă pơlòng.

Tàm bơnah pơlòng cih jơnau, ală cau pơlòng pal hơ 50 jơnau lùp trắc nghiệm bè ală bơta: bơta aniai bơh mpàng tê [ơ\; ală kơrnoăt bè broă lơh kloh tê; broă rào tê sùm; ală broă rào tê kloh geh Mpồl lơh sơnơm dunia bal mờ Gah lơh sơnơm dà lơgar lam sồr mờ ală jơnau yal bơh broă lam sồr “Broă lơh 10 tơlăk mpàng tê kloh nam 2016”. Bác sĩ chuyên khoa 1 Lê Ka Thuỷ, kuang jăt jơng atbồ hìu sơnơm càr Dak Lak mờ là kuang atbồ mpồl bơyai lơh pơlòng pà g^t, do là 1 broă kờ` lam sồr sơndră mờ kòp gơtòp: “He pal lam sồr tàm broă sơndră ală bơta kòp gơtòp tàm gùng tă nhơm, gùng tơrdih phan sa, sền kuơ broă rào tê mờ sơ[ong, lơh kloh să jan kung bè lơh kloh niam tiah kis. Kờ` ală cau g^t rào tê di pal, den he pal bơto sồr loh tơngai rào tê, bè lài mờ tu\ sào sa, tu\ rơcang tru\ phan sa, sền gàr, ròng siam kòn dềt mờ hìu nhă, tơnơ\ mờ tu\ neh lòt jă brê. Pal rào tê mờ sơ[ong rào kloh, jùt ra` mờ chèo là broă lơh kờ` sền gàr să tòm mờ cau gùt dar”.

Bơnah pơlòng rào tê kloh mờ sơ[ong geh bơyai lơh tàm gah sơm kòp tàm dơlam să hìu sơnơm dê. Ală cau pơlòng geh tam pà gơs 31 mpồl, tơl mpồl geh 3 nă cau tus rào tê mờ sơ[ong bal mờ dà sàng jăt di mờ 6 broă lơh rào tê sùm geh Gah lơh sơnơm dà lơgar ai, tơnơ\ mờ hơ\, ală cau pơlòng geh tus sền bơta kloh bơh tê mờ măy sòl huỳnh quang. Cau ai khà geh ai bơh tàm cồng nha bơh măy sòl kờ` ai tơl^k cồng nha mùl màl. Bác sĩ Ngô Thị Linh, lơh broă tàm gah sơm kòp mhar, hìu sơnơm càr Dak Lak tam pà bè nùs nhơm bơh dơ\ pơlòng: “Broă rào tê dong kờl sơndră mờ gơtòp bơh cau kòp do tus cau kòp ndai, bơta do geh niam ngan tus mờ cau kòp mờ geh sền gàr bơta pràn kơl dang să tòm in tai, hìu nhă in tai tơnơ\ mờ tu\ neh jơh lơh broă rê”.

Den mờ cau dong broă Vũ Năng Huyên, lơh broă tàm gah sơm kòp mhar mờ kòp nùs, gùng mhàm pà g^t: “Pơlòng rào tê geh dong kờl he ai tơl^k 1 bơta mờng, là rào tê kloh tu\ he kờ` lơh ală broă lơi, bơta do geh dong kờl niam ờ do ờ dă tus mờ să tòm he bal mờ cau kòp”.

Jơh pơlòng, gah kham kòp geh khà 1 bơnah pơlòng bè jơnau g^t wă; khà 1 bơnah rào tê, tamya rào tê, khà jơh ală bơta mờ khà niam gơwèt gah reh Gây me Hồi sức. Kung tàm dơ\ do, hìu sơnơm neh bơyai lơh k^ hơ bal mờ 35 gah sơm kòp, anih lơh broă bè broă rào tê jăt 6 broă lơh tu\ rào tê sùm bơh Gah lơh sơnơm dà lơgar ai.

Dơ\ pơlòng rào tê ờ mìng là dơ\ nhơl niam geh kuơ, cèng geh ală tu\ rơlô să ai ală kuang bàng, cau lơh sơnơm in tơnơ\ mờ ală tu\ lơh broă kal ke mờ gam pơgồp bal tàm broă tơnguh jơnau g^t wă, lơh gơs jơnau g^t wă tàm broă rào tê kloh, pơgồp bal tàm broă gàr kloh niam să jan, pleh mờ ală bơta kòp gơtòp tàm broă sền gàr mờ sơm kòp cau kòp in.

         Cau cih mờ yal tơng^t Ndong Brawl