VOV4.K’ho - Tàm tơl dơ\ pơrjum Gơnoar ala măt dà lơgar, broă lùp mờ hơ jơnau lùp sùm geh cau te\ khà gùt lơgar sền gròi ngan, tài broă lơh do tơrgùm tàm ală broă, ală kal ke gam gơl^k geh tàm dà lơgar dê.

Tàm 4 nă kuang atbồ gah lơh broă dà lơgar hơ jơnau lùp, ồng Nguyễn Quân, kuang atbồ gah Khoa học mờ Công nghệ dà lơgar geh cau te\ khà mờ mpồl bơtiàn sền gròi ngan tài geh 1 tơngu me tòm: Lài ngan, do là dơ\ sơnrờp tàm tơngai lơh broă Gơnoar ala măt dà lơgar kơnă 13, ồng Nguyễn Quân hơ jơnau lùp; dơ\ 2, gah Khoa học mờ công nghệ geh gơnoar kuơ màng tus mờ broă tơnguh bơtàu dà lơgar, mơya tơngai pa do gam geh uă broă lơh ờ pràn. Geh pơnrơ ngan tàm khà hơ\ là broă pah nam kes priă dà lơgar ai 1 rơbô 300 tơmàn priă bơcri tàm broă kơlôi sơnơng khoa học, mơya tơngu me kơlôi sơnơng khoa học ờ geh ngui tàm mùl màl. Bal mờ hơ\, lơgar Việt Nam là lơgar lơh broă sa suơn sre, mơya bơta pràn rơwah, lơh gơs sơntìl pa ờ uă, pal blơi uă sơntìl phan tam, phan ròng bơh lơgar bơdìh.

Hơ jơnau lùp bè ală broă do, ồng Nguyễn Quân pà g^t, he geh uă sơntìl phan tam niam, mơya tàm dunia geh uă sơntìl niam rơlao den tàng Gah Khoa học công nghệ kờ` blơi sơntìl phan tam, phan ròng bơh lơgar bơdìh, kờ` tơnguh bơtàu gah lơh sa suơn sre. Ồng Nguyễn Quân kung neh tơrgùm hơ lơh loh ală broă lơh kờ` tơmù ală broă ờ pràn, broă gam gơtìp kal ke tu\ do kờ` ngui cồng nha kơlôi sơnơng khoa học drơng rài kis geh cồng nha; kơnòl bơh gah Khoa học mờ công nghệ tàm broă di pal mờ jơnau kờ` tơnguh cồng nha broă lơh, dong kờl anih lơh sa kă bro bơcri priă tam gơl pa broă lơh…

Đơs bè bơnah hơ jơnau lùp bơh ồng Nguyễn Quân dê, cau te\ khà đơs là, ală jơnau hơ  di pal tu\ dờp geh ờ uă mpồl lơh broă khoa học công nghệ dà lơgar dê gam geh nùs nhơm kơ\p gơn bơh broă dong kờl dà lơgar dê, den tàng tơngu me kơlôi sơnơng ờ hoan geh ngui tàm mùl màl. Ồng kung ai tơl^k broă lơh kờ` tơnguh bơtàu anih kă bro khoa học công nghệ, bu\ lah bè hơ\ pal pơn jăt tai sền gròi cồng nha mùl màl.

Tềng đăp mờ bơnah hơ jơnau lùp bơh ồng Nguyễn Quân, kuang atbồ gah Khoa học công nghệ dà lơgar, ồng Cao Đức Phát, kuang atbồ gah lơh sa mờ tơnguh bơtàu [òn lơgar dà lơgar kung neh hơ ală jơnau lùp bè ală tơngu me: broă lơh jăt tơngu me dà lơgar bè bơ\t bơtàu [òn lơgar pa; broă pơgồp bal 4 gah mờ broă lơh niam anih tăc ală phan geh lơh bơh broă lơh sa suơn sre; rơndăp broă tơnguh bơtàu kơl jăp phan tam jo\ tơngai, broă dong kờl cau lơh ka tàm dà lềng, sền gàr mờ tơnguh bơtàu tiah lơh ka.

Ồng Vũ Huy Hoàng, kuang atbồ gah kă bro dà lơgar hơ jơnau lùp bè broă tơnguh bơtàu anih kă bro tàm lơgar mờ lơgar bơdìh tàm tu\ lơgar Việt Nam neh tus bal, k^ hơ bal uă kơrnoăt kă bro, broă chồl pràn kă bro pha bơna geh lơgar Việt Nam lơh gơs mờ mùl màl, broă tơnguh bơtàu broă lơh ồs đèng ai tiah [òn lơgar in; kơnòl sền gàr dà lơgar bè khà priă ồs đèng bal mờ broă sền gàr gơnoar kuơ cau ngui in.

Geh uă kuang bàng ring bal mờ bơnah hơ jơnau lùp bơh ồng Vũ Huy Hoàng dê mờ đơs là, ồng neh g^t uă ngan gah mờ ồng sền gàr den tàng neh mblàng loh làng broă do, mờ mùl màl, gah kă bro neh lơh ngan uă, geh ală broă lơh geh cồng nha kờ` ring niam anih kă bro tus mờ ală bơta phan kuơ màng.

Gam bơnah hơ jơnau lùp bơh ồng Cao Đức Phát, kuang atbồ gah lơh sa mờ tơnguh bơtàu [òn lơgar dà lơgar dê geh sền là neh tơl^k nùs nhơm geh kơnòl, mơya ală broă ai tơl^k tus mờ gah lơh sa suơn sre, ai broă khà priă phan geh lơh bơh broă lơh sa suơn sre gam ờ loh làng, ờ di pal mờ jơnau kơ\p kờ` cau te\ khà dê. Bơdìh hơ\ tai, Gah lơh sa mờ tơnguh bơtàu [òn lơgar dà lơgar bal mờ Gah kă bro dà lơgar ờ hềt pơgồp bal di pal kờ` bơsong ală broă mờ tam pà hìu măy pờ tơl^k ồs đèng bal mờ trồ prang, broă ai khà ù lơh sa suơn sre kung bè anih tăc ală phan geh lơh bơh broă lơh sa suơn sre dê. Do là ală kal ke mờ 2 gah lơh broă do pal sền wơl kờ` lơh niam rơlao tàm tơngai tus.

Cau mblàng Ndong Brawl