VOV4.K’ho - Ngai 17/6, tìp mờ cau te\ khà tàm sơnah [òn Lộc Tiến, [òn dờng Bảo Lộc, geh ờ uă cau te\ khà neh ai jơnau kơ\p kờ` kờ` pơyoa tus mờ kuang bàng tàm mpồl duh broă ala măt làng bol càr mờ [òn dờng. Neh geh 8 nă cau te\ khà ala măt 14 [òn tàm sơnah [òn Lộc Tiến đơs tus 23 jơnau gơwèt tàm ală rơndăp boă mờ bơcri priă bơ\t bơtàu broă lơh gùng lòt; broă dong kờl kuang bàng lơh broă tàm ală [òn; tơnguh bơtàu lơh sa suơn sre; sền gàr bơta lơngăp lơngai tàm [òn lơgar mờ phan bơna chài rơgơi mờ bơto bơtê. Geh ờ uă jơnau đơs neh đơs tus tơn mờ mpồl duh boă ala măt làng bol càr bè broă lơh mờ khà kơl jăp lơh gùng 20 lòt gan [òn dờng bal mờ ờ uă gơl gùng geh lơh tàm [òn dờng do gơtìp lơyài mờ lơh gơtìp rềs àr tàm gùng lòt; broă ờ tơl ù lơh hìu lơh broă tàm ală [òn lơh ờ niam tus mờ broă lơh gah gùng dră bal tàm ală [òn dê; broă tơm ntrờn ù tiah lơh hìu bơsram dờng Tôn Đức Thắng ờ hềt di pal; pal sền gròi rơlao tai tus broă dong kờl broă lơh ală kuang bàng lơh broă tàm [òn in…

Ồng Nguyễn Xuân Tiến, kuang atbồ mpồl duh broă ala măt làng bol càr Lâm Đồng hơ jơnau lùp bơh cau te\ khà

           Tơnơ\ mờ tu\ neh iăt ồng Nguyễn Công Bắc, kuang atbồ anih duh broă làng bol [òn dờng Bảo Lộc mblàng yal ờ uă jơnau đơs bơh cau te\ khà gơwèt gơnoar bơsong [òn dờng do dê, ồng Nguyễn Xuân Tiến, kuang atbồ mpồl duh broă ala măt làng bol càr Lâm Đồng neh ala măt mpồl ala măt sồ 12 neh mblàng ală broă gơrềng tus mờ broă bơsong rơndăp broă lơh tiah lơh sa mờ măy mo\t Lộc Tiến gam lời gời, broă bơcri priă mờ tơm ntrờn ù tiah tàm tiah hìu bơsram dờng Tôn Đức Thắng; broă bơsong mờ lơh glài phơng sih ờ ngan; broă dong kờl kuang bàng lơh broă tàm [òn…

{ùi mho ngai 17/6, mpồl kuang bàng neh tìp mờ cau te\ khà tàm sơnah [òn Lộc Sơn. Tàm do geh uă ngan cau te\ khà ờ su\k ơm bè broă ai khà ù tiah lơh tiah lơh sa mờ măy mo\k Lộc Sơn mờ gơtìp lời gời kung bè broă lơh jăt broă lơh [òn ơm kis pa Đông Đô ờ lơh jăt broă neh lơh lài, lơh ờ niam tus mờ rài kis làng bol tàm tiah geh rơndăp broă; broă ai sră ngui ù lơyài mờ jo\; ờ uă rơndăp broă bơcri priă lơh gùng ờ di pal mờ ờ geh tơl^k loh làng kờ` làng bol in g^t; broă lơh jăt broă bơcri priă lơh gùng lòt ờ ndrờm bal, lơh ờ niam tus mờ rài kis làng bol; ờ nền nòn tàm broă yal phan bơna tus mờ kuang bàng lơh broă tàm do; broă sền gàr [òn lơgar tàm broă lơh gùng ờ ndrờm bal mờ ờ nền nòn tàm broă lơh glài cau tìs; broă sền gàr ù tàm ală rơndăp broă ai khà ù tiah gơlời gời ờ geh sền gàr, den tàng lơh gơl^k uă dri tơlàr tàm mpồl bơtiàn; broă tă priă tam wơl kơphe lơyài mờ sră nggal uă ir; ờ ring bal tàm broă tă priă gùng lòt tàm ală [òn tàm tiah bal…

Kung tàm ngai 17/6, tìp mờ cau te\ khà tàm 4 ntum là Lộc Đức, Lộc Ngãi, Lộc Bảo mờ Lộc Phú, kơnhoàl Bảo Lâm, cau te\ khà ală ntum do neh dan uă jơnau đơs gùt dar broă lơh ală gơl gùng lòt tàm [òn, broă ai ù lơh sa làng bol kòn cau, broă dong kờl cau geh sră dong kờl bơh dà lơgar, ù lơh hìu bơsram, lơh ồs đèng àng mờ ồs đèng ngui sa, broă ai sră kham sơm kòp ờ sa priă làng bol in mờ broă jàu brê [òn lơgar in sền gàr… Cau te\ khà kung dan pal geh broă dong kờ bơto broă lơh, ai broă lơh oh kòn làng bol kòn cau in; pal chồl pràn mhar broă lơh gùng lòt tàm [òn kờ` geh [uơn làng bol in tàm broă lòt rê mờ lơh sa; sền gròi broă lơh ală broă lơh bơtơ\t rơbòng dà kờ` drơng tàm broă sơndră mờ trồ prang mờ tuh dà phan tam in; tơnguh broă sền gàr dà lơgar tàm gah ù tiah, phan geh is, broă sền gàr brê tàm khà brê geh jàu anih lơh sa kă bro in gam ờ nền nòn…

Ồng Nguyễn Xuân Tiến, kuang atbồ mpồl duh broă ala măt làng bol càr Lâm Đồng neh dờp mờ đơs niam ală jơnau đơs pơgồp bal bơh gal cau te\ khà dê, sền do là 1 anih yal tơng^t kuơ màng kờ` dong kờl kuang bàng đơng lam in g^t nùs nhơm, jơnau kơ\p kờ` làng bol dê. Ồng Nguyễn Xuân Tiến neh mblàng mờ sồr [òn dờng Bảo Lộc pơgồp bal mờ ală tiah ndai bơsong jơnau dan bơh cau te\ khà gơwèt 6 mpồl broă: lơh niam sră nggal tàm gơnoar ngui ù; bơsong ală broă gam ờ pràn tàm broă tơm ntrờn ù tiah mờ lơh jăt broă bơcri priă tơngai dơ\ 2 tàm tiah lơh sa mờ măy mo\k Lộc Sơn, [òn dờng Bảo Lộc; chồl pràn broă sơndră mờ sa kuề sa koà; lơh jăt nền nòn broă yal mờ tơl^k phan bơna tàm kuang bàng đơng lam; lơh jăt broă dong kờl cau geh sră dong kờl bơh dà lơgar mờ cau dờng sơnam; lam sồr mờ bơto bơtê mùl màl kờ` làng bol in g^t bè broă blơi sră kham sơm kòp ờ sa priă…

Geh ờ uă broă ờ hềt geh mblàng tàm dơ\ tìp mờ cau te\ khà geh mpồl ala măt mpồl duh broă ala măt làng bol càr dờp mờ hơ geh yal mờ sră nggal pơyoa tus mờ cau te\ khà in. Ală broă kờ` cri bơyai, cri bơyai nền nòn kung geh mpồl ala măt dờp kờ` yal mờ mpồl duh broă ala măt làng bol càr tàm pơrjum dơ\ 13, kơnă 8, di gơlan geh bơyai lơh tàm nhai 10 tus do.

Cau mblàng Ndong Brawl