VOV4.K’ho – Ngai òr, 22/2, Mpồl kuang bàng Quốc hội kơnă 14 càr Lâm Đồng geh dơ\ tìp mat cau te\ khà mờ mpồl kuang bàng, kuang đơng lam bồ ală phòng, mpồl lơh broă ờs mờng bơh kuang àng càr dê nàng tă pơgồp jơnau đơs tàm ală rơndap adat rơcang gàr, adat atbồ, ngui phàu crong, phan bơrtoh mờ phan bơna dong kờl. Mờ ală mờng chài ngan ngồn, broă tus bal kơryan cau tìs, kuang đơng lam bồ ală phòng, mpồl lơh broă ờs mờng neh tă pơgồp jơnau đơs bè gơnoar, mpồl cau geh bơsong nàng mut ngui adat boh lam di mờ bơta geh ngan rlau. Bè rơndap adat atbồ, ngui phàu crong, phan bơrtoh mờ phan bơna dong kờl, uă kuang bàng geh jơnau đơs sồr pal cih mùl màl bè kơrnuat mờ ală tu\ geh cuh phàu nàng gàr niam bơta ringbal. Geh jơnau đơs sồr kờp sền, bơsong ală jơnau cih bè bơta kơlôi sơnơng, lơh gơlik, kă bro, pơndiang, ngui phan bơrtoh nàng atbồ krà` cê, gàr niam ngap lơngai, ờ do ờ dă, pleh gơbàn hoàc huơr phan bơrtoh lơh gơbàn aniai tus ngap lơngai, ờ do ờ dă mpồl bơtìan…

          Cau cih mờ yal tơnggit K’Duẩn