VOV4.K’ho - Tàm ală nam pa do, mờ nùs nhơm lơh ngan sơlơ tơnguh rlau tai mờ tam gơl pa, ală mpồl ling lơh broă tàm càr Kontum neh mut lơh geh cồng nha broă lơh lam sồr làng bol tàm tu\ tơngai pa, gàr kơ\ ngap lơngai ờ do ờ dă tàm [òn lơgar mờ pơgồp bơnah bơt bơtàu càr Kontum bơtàu tơnguh.

Bơh Nghị quyết sồ 25 bơh Ban chấp hành Đảng dà lơgar kơnă 11, Nghị quyết sồ 49 bơh Quân uỷ dà lơgar mờ kơrnuat sồ 11 bơh Tỉnh ủy Kontum dê bè tam gơl pa mờ sơlơ tơnguh rlau tai broă lơh lam sồr làng bol tàm tu\ tơngai pa, mpồl ling lơh broă tàm càr Kontum neh ngui bơceh pa broă lơh lam sồr làng bol gơ jat bal mờ kơnòl broă ngan ngồn pah nam mpồl ling dê mờ kơnòl chính trị bơh càr dê.

Thượng tá Lê Minh Chính, Phó chính uỷ mpồl ling sền gàr tiah nhàr dà lơgar càr Kontum pà git, dùl tàm ală broă lơh lam sồr làng bol geh pơn rơ ngan bơh mpồl ling dê là tàm dơ\ sa tềp pah nam. Di tu\ do, kuang bàng cau ling sền gàr tiah nhàr dà lơgar tus 101 [òn tàm gùt gùng nhàr lơgar rềp mờ lơgar Lào, lơgar Campuchia mut lơh broă lơh lam sồr làng bol mờ bơyai lơh sa tềp bal mờ làng bol. Mìng is tàm dơ\ sa tềp nam 2017, kuang bàng, cau ling sền gàr tiah nhàr dà lơgar neh dong làng bol tàm tiah nhàr dà lơgar 500 ngai lơh broă nàng pơs wàs gùng lòt tàm [òn, lơh niam wơl hìu đam, pà 1 rbô nơm mbar klơm, git nđờ rhiang bơnah phan, kờp priă tơl bơnah phan bơh 300 tus 500 rbô priă ai hìu nhă r[ah, hìu nhă chính sách mờ ală kơ nòm bơsram geh rài kis kal ke.

Lơh broă tàm càr Kontum, kuang bàng, cau ling đoàn Đak Tô geh broă lơh lam sồr làng bol geh cồng nha, hơ\ là ai ling lòt pơlam tàp hờ bơdĩh pôs ling gơ jat bal mờ broă lơh lam sồr làng bol. Pah nam, tàm nhai pơlam tàp ling, kuang bàng, cau ling đoàn Đak Tô neh dong làng bol tiah pôs đồng kac màng, tiah kal ke bơh càr Kontum dê git nđờ rbô ngai lơh broă nàng bơt bơtàu ală broă lơh bơtơt rbòng dà, rồ sre lơh kòi, lơh gùng lòt [òn lơgar, lơh niam suơn nàng tam biap mờ kham sơm kòp. Thiếu tá Đinh Văn Hưng, kuang atbồ mpồl lam sồr làng bol đoàn Đak Tô pà git, mờ kuang bàng, cau ling đoàn Đak Tô, geh dong làng bol là pơn ìơ să ngan, geh nùs nhơm niam ngan: “Dong làng bol tàm [òn lơgar mờ mpồl ling lơh broă kung là dùl tàm ală kơnòl bơh sư đoàn dê, mơkung do là broă lơh kah ưn ngài bơh kuang bàng, cau ling sư đoàn tus mờ làng bol Tây Nguyên, tài do là tiah mờ sư đoàn bol a` geh crơng gơs mờ dờng pràn tàm Tây Nguyên đơs bal mờ Kontum đơs is.”

Bal mờ ală mpồl ling tờm ngan, broă lơh lam sồr làng bol, dong làng bol kung geh ală mpồl ling tàm [òn lơgar bơh càr Kontum dê mut lơh uă mờ lơh geh cồng nha niam. Kuang bàng, cau ling gah đơng lam ling klàng càr Kontum geh broă lơh dong kờl làng bol geh cồng nha là ai ling pơlam tàp hờ bơdĩh pôs ling, dong tiah pôs đồng kac màng bơtàu tơnguh lơh sa, mpồl bơtiàn, dờp lơh oh mi dong ală [òn uă kal ke bơt bơtàu [òn lơgar hờm ram, pràn kơldang, kơ\ kơljap.

Tàm tiah nhàr dà lơgar kơnhoàl Ngọc Hồi, rùp să kuang bàng, cau ling địa đội bộ binh 188 di mpồl đơng lam ling klàng kơnhoàl Ngọc Hồi rê tus tơl [òn, sa bal, ơm bal dong làng bol tơnhàu phan bơh suơn sre, lơh gùng lòt neh gơ gơs là rùp să mờng quèng, rềp mềl ngan mờ làng bol tàm [òn lơgar.

Bal mờ bơtàu tơnguh lơh sa kă bro, broă lơh lam sồr làng bol sùm geh ală mpồl ling lơh sa tàm càr Kontum sền gròi. Tàm kơnhoàl Ngọc Hồi, Sa Thầy mờ Ia H’Drai dong kờl hìu nhă r[ah, hìu nhă làng bol kòn cau sơntìl chi tam, bơta chài lơh broă nàng tam pa git nđờ rhiang lồ kau su, kơphe. Dong kờl priă jền, phan bơna nàng lơh gùng che đèng, lơh hìu bơsram mờ lơh gùng lòt tàm [òn lơgar. Trung tá Hoàng Đức Toả, Bí thư Đảng uỷ sơne\ 716, Binh đoàn 15 pà git: “Bol a` pơgồp bal mờ cấp uỷ, gơ noar atbồ, tàm hơ\ pơ gồp tơn mờ xã Ia Đal nàng lơh hìu bơsram kấp 1 Tô Vĩnh Diện geh tiah ơm tơn ai oh kòn in mờ jun oh kòn tus bơsram tàm hơ\. Tàm bơta gùng lòt kal ke, bol a` lơh ngan lơh ờ uă rbàng, brong dà mờ gùng lòt tàm tiah do nàng drơng rài kis mpồl bơtìan mờ rài kis làng bol dê.”

Bơh ală broă lơh bè dong làng bol bơtàu tơnguh lơh sa, bơt bơtàu [òn làng bol ơm kis ờ do ờ dă, hờm ram, pràn kơldang kơ\ kơljap; bơt bơtàu ală broă lơh, phan bơna tàm [òn làng bol ơm kis, ală mpồl ling tàm càr Kontum neh geh ală tă pơ gồp uă ngan tàm broă bơtàu tơnguh rài kis làng bol, tam gơl muh mat ală [òn làng bol ơm kis, ngan là tàm ală xã ngài, tiah làng bol kòn cau, tiah kal ke tàm càr. Ồng Nguyễn Văn Nguyên, Phó kuang atbồ mpồl lam sồr làng bol Tỉnh uỷ Kontum pà git, bơh broă lơh niam broă lam sồr làng bol, nùs nhơm làng bol tàm [òn lơgar mờ kuang bàng, cau ling ngai sơlơ rềp mềl: “Bơh broă lơh lam sồr làng bol, rùp să cau ling wa Hồ geh ơm tàm làng bol mờ nùs nhơm ling klàng làng bol geh bơt bơtàu ngai sơlơ rềp mềl rlau. Den tàng, làng bol neh tus bal dong ling klàng mut lơh niam srơh gùt làng bol sền gàr ngap lơngai dà lơgar.”

Kơnờm ngui bơceh pa broă lơh lam sồr làng bol gơ jat bal mờ kơnòl ngan ngồn pah nam bơh mpồl ling dê mờ kơ nòl chính trị [òn lơgar dê, tàm ală nam do, ală mpồl ling tàm càr Kontum neh lơh niam broă lơh lam sồr làng bol. Do là tềl tơnggo\ bơh nùs nhơm tam klac ling klàng làng bol, pơ gồp bơnah bơt bơtàu [òn tờm Kontum ngai sơlơ kơ\ kơljap mờ bơtàu tơnguh.

                Cau cih mờ yal tơnggit K’Duẩn