VOV4.K’ho – Là dùl kơnhoàl r[ah, phan bơna gam uă kal ke, kơnhoàl Dak Glong, càr Daknông gam geh uă làng bol kòn cau ntrờn khat gơboh tus kis tàm ală tiah sar lơgar ngài. Bơta do sơlơ lơh gơbàn ală kal ke tàm bơtàu tơnguh lơh sa mpồl bơtiàn. Pơgồp bơnah bơsong kal ke hơ\, uă kuang bàng, cau ling Mpồl đơng lam ling klàng kơnhoàl Dak Glong neh ngai pah ngai ơm rềp [òn lơgar, bal mờ gơnoar atbồ tàm [òn lơgar mờ ală gah, mpồl lơh broă mblàng yal, lam sồr làng bol sang ală bơhìan ờ niam tàm rài kis, git brồ guh bơtàu tơnguh lơh sa.

Tàm kơnhoàl Dak Glong, càr Daknông, bơh tu\ crơng gơs tus tu\ do, pah nam, kơnhoàl geh tai mờr 600 nă cau. Mìng tàm tơngai lơyah, uă [òn geh crơng gơs. Rài kis gơbàn kal ke tu\ ờ tơl ù lơh sa lơh uă cau, uă hìu nhă gơbàn jơgloh r[ah. Bơh mùl màl broă lơh lam sồr làng bol tiah uă làng bol ntrờn ơm kis, Mpồl đơng lam ling klàng kơnhoàl Dak Glong neh sơlơ ai mpồl lơh broă tus tàm [òn lơgar, sồr kuang bàng ơm rềp làng bol, dong làng bol bơtàu tơnguh lơh sa, bơyai tơr`a ală bơta ờ ringbal gơlik geh tàm dơlam is mpồl. Tơl dơ\ lam sồr làng bol sơlơ geh kuơ mờ ngan ngồn rlau tu\ mpồl ling bơyai lơh ală broă lơh dong kờl hìu nhă kal ke bè broă lơh “tơn jơh dùl hìu nhă jơgloh – tơmù dùl hìu nhă r[ah”, “yang phe tài cau r[ah”, “dong kờl ngai lơh broă – sơntìl chi tam phan ròng kàl lơh sa pa in.”

Ồng Vàng Sính Củ, xã Dak Plao, kơnhoàl Dak Glong, càr Daknông pà git, kơ nờm bơta dong kờl do, hìu nhă ồng neh tơmù dimơ bơta kal ke: “Hìu nhă a` r[ah ngan, mơya bơtuah ngan geh ală kuang bàng pà phe nàng ờ gơtìp jơgloh. Tơnơ\ do, kuang bàng gam pà a` in kơphe nàng tam, bơto a` in git broă ơn phơng, sơngka sền gàr kơphe mờ ờ uă chi tam ndai, tu\ do, rài kis hìu nhă neh ờ huan kal ke rlau, hìu nhă geh đềt mềr jo\ jòng mờ ù tiah do.”

Kơnhoàl Dak Glong tu\ do neh geh uă tam gơl pơn drờm mờ lài. Ală broă lơh kơ\ kơljap, ală suơn mìr gơs niam là cồng nha lơh broă geh dờp dipal. Làng bol sền gròi lơh broă lơh sa, bơtàu tơnguh rài kis lơh sa tàm ù tiah [òn tờm pa neh pơgồp bơnah dong khà hìu nhă r[ah tàm kơnhoàl Dak Glong gơmù bơh 1,2 tus 1,5% pah nam. Đại uý Nguyễn Minh Châu, Chính trị viên phó Mpồl đơng lam ling klàng kơnhoàl Dak Glong pà git: “Bơh ală mpồl bal mờ ală mpồl dân quân tự vệ mờ cau rơcang gàr lài tàm ală [òn lơgar lơh broă mblàng yal, pal lơh làng bol tàm [òn lơgar in git ală gùng dà broă lơh bơh Đảng, adat boh lam bơh dà lơgar, ală bơta dong kờl bơh đảng he dê tus mờ làng bol kòn cau.”

Đal git kờ` tơmù ală bơta ờ niam tàm mpồl bơtiàn, tiah ơm kis tài bơta ntrờn tiah kis khat gơboh den pal dong làng bol bơt bơtàu lơh sa hìu nhă kơ\ kơljap, kuang bàng, cau ling Mpồl đơng lam ling klàng kơnhoàl Dak Glong geh pơnjat tai gàr ală broă lơh lam sồr làng bol tàm [òn lơgar, mờ uă broă lơh dong kờl geh cồng nha ai làng bol tàm ală [òn in. Pơgồp bal mblàng yal, gùng dà broă lơh mờ ală broă lơh ngan ngồn, pơgồp bal krà` cê mờ ală gah, mpồl lơh broă tàm [òn lơgar, lơh gơs bơta kơ\ kơljap lơh sa mpồl bơtìan tàm ală tiah làng bol ơm kis pa tiah sar lơgar ngài.

                                                                    Cau cih mờ yal tơnggit K’Duẩn