VOV4.K’ho – Tàm ală nam pa do, broă lơh bơh ală bơta cau tìs tàm tiah nhàr dà lơgar tàm càr Kontum gơlik geh kal ke, ngai sơlơ gơguh uă lơh aniai tus ngap lơngai mờ ờ do ờ dă mpồl bơtiàn. Tềng đap bơta geh ngan do, mpồl ling sền gàr tiah nhàr dà lơgar càr Kontum neh lơh bè lơi nàng tam dră geh cồng nha mờ ală bơta cau tìs, sền gàr ngap lơngai, ờ do ờ dă tiah nhàr dà lơgar:

Mpồl ling sền gàr tiah nhàr dà lơgar càr Kontum geh jàu atbồ, sền gàr rlau 280 kơi sồ gùng tiah nhàr lơgar rềp mờ càr Attapư, Sê Kông, lơgar Lào mờ càr Rattanakiri, lơgar Campuchia. Tàm ală nam do, tềng đap jơnau kờ` tìp mat cribơyai kă bro, chài rơgơi, tàm gơl gùng nhàr lơgar do neh crơng gơs dùl mpồng nhàr lơgar dunia Bờ Y, 3 mpồng nhàr lơgar ndai bal mờ uă gùng dềt, tàm tu\ hơ\ tiah nhàr dà lơgar den dờng ơnàng, làng bol ơm kis rah rài, rài kis bơh uă ngan làng bol dê gam uă kal ke mờ git wă bè kơrnuat boh lam ờ huan uă.

Mùl màl ai go\, tàm tiah nhàr dà lơgar bơh càr Kontum dê gam geh lơh uă ngan broă lơh bè tam cah nhàr ù tiah nàng tồt `jrong, lơh gùng sền gròi tiah nhàr dà lơgar, lơh hìu mai\ pờ tơlik ồs đèng, bơ tơt rơbòng dà, tơnhàu pơndiang phan brê, phan kuơ tàm ù… den tàng khà cau, rơndeh rơn dồ mut lik, lòt gan tiah nhàr dà lơgar, mpồng nhàr lơgar gơguh uă. Do là bơta [uơn nàng ală bơta cau tìs sơmờm lơh broă. Tềng đap bơta do, Mpồl Đảng, Gah đơng lam bồ Mpồl ling sền gàr tiah nhàr dà lơgar càr Kontum neh ai tơlik uă rơndap broă, broă lơh nàng đơng lam tam dră geh cồng nha mờ ală bơta cau tìs, gàr kơ\ ngap lơngai gùng dră bal, ờ do ờ dă mpồl bơtìan tiah nhàr dà lơgar; bơt bơtàu tiah nhàr dà lơgar lơh bơyô, tam klac mờ bơtàu tơnguh mờ lơgar Lào, Campuchia. Đại tá Nguyễn Hữu Vạn, Kuang jat jơng atbồ broă lơh gah mpồl ling sền gàr tiah nhàr dà lơgar càr Kontum pà git: “ Mpồl Đảng, Gah đơng lam bồ mpồl ling sền gàr tiah nhàr dà lơgar càr Kontum đal git do là kơnòl geh mut lơh sùm bơh kơnă Đảng, mpồl đơng lam bồ ală mpồl ling. Gah đơng lam bồ mpồl ling sền gàr tiah nhàr dà lơgar càr neh đơng lam rơcang sơndră cau tìs ma tuý, sơlơ sồr ală mpồl ling tus ală tiah [uơn gơlik geh broă lơh tìs tàm tiah nhàr dà lơgar, ngan là tiah mpồng nhàr lơgar dunia Bờ Y kung bè ală pôs ling geh mpồng nhàr lơgar ndai bè Rơ Long, Đak Long.”

Bơh broă rơcang lài lơh niam broă tam dră, rơcang sơndră ală bơta cau tìs, mìng kờp bơh bồ nam 2016 tus tu\ do, mpồl ling sền gàr tiah nhàr dà lơgar càr Kontum neh git go\, kup lơh glài 120 broă gơlik geh mờ 175 nă cau lơh tìs. Phan bơna kup bàn geh mờr 38 ki\ ma tuý bơrlu\, 18 rbô 800 pơnai ma tuý bơrlu\; 67 ki\ pháo bơrtoh; 200 lít nhơt Diesel; mờr 12 rbô ki\ cài nho; 9 nggkơr phàu kôl; rlau 1 rbô khối dơm chi ală bơta, 7 nơm rơndeh dờng… Jat jơnau đơs, ală broă gơlik geh ndrờm geh git go\ mờ lơh glài di tu\, di gơnoar broă mờ di jơnau cih kơrnuat boh lam dê. Là mpồl tus bal tơn tàm uă lùp khàu uă broă lơh tìs, lơh loh geh cồng nha uă broă gơlik geh, thiếu tá Phạm Tiến Dũng, lơh broă gùng dră bal Pôs ling sền gàr tiah nhàr dà lơgar mpồng nhàr lơgar dunia Bờ Y pà git: “ Mpồl Đảng, mpồl đơng lam bồ pôs ling neh tơr gùm đơng lam, sồr mpồl ling mut lơh ringbal ală broă lơh gah sền gàr tiah nhàr dà lơgar. Rơcang dờp git ală bơta gơlik geh tàm dơlam, bơdìh gùng nhàr lơgar, ngan là bơta lơh broă bơh ală cau tìs dê. Atbồ kơ\ [òn lơgar, cau tìs. Pơgồp bal krà` cê mờ ală mpồl lơh broă geh gơnoar tàm anih sền gròi mpồng nhàr lơgar dunia Bờ Y, mpồl sền gròi tă dia phan blơi tac hờ lơgar ndai, mpồl sền gròi kòp bơtờp mờ mpồl sền gàr tiah nhàr dà lơgar bơh lơgar Lào, Campuchia dê pal kong tàm tu\ cribơyai ală bơta gơlik geh, bơyai lơh sền gròi, tam dră kơryan broă lơh bơh ală cau lơh tìs dê.”

Kờ` broă tam dră ală bơta cau tìs, ngan là cau tìs bè ma tuý tàm tiah nhàr dà lơgar geh cồng nha, mpồl ling sền gàr tiah nhàr dà lơgar càr Kontum neh lơh niam broă mblàng yal tus mờ kuang bàng, làng bol tàm tiah nhàr dà lơgar git ală kai lơh broă bơh ală bơta cau tìs dê, bơh hơ\ jơh nùs tus bal lah yă cau tìs. Bal mờ hơ\, broă pơgồp bal mờ ală mpồl lơh broă geh gơ rềng mờ mpồl sền gàr tiah nhàr dà lơgar bơh lơgar Lào mờ Campuchia dê tàm broă cribơyai jơnau tơnggit, mờng chài lơh broă neh pơgồp bơnah tam dră geh cồng nha ală bơta cau tìs. Bulah ală cau tìs lơh broă tràl sơbil, jà` bơsak ngan, tu\ lơi kung rơcang ngui ală bơta phàu crong, pềs đàu nàng dră wơl mpồl lơh broă mơya mờ nùs nhơm tam dră uă, mờng chài lơh broă, kuang bàng, cau ling mpồl ling sền gàr tiah nhàr dà lơgar càr Kontum neh sền gàr ờ do ờ dă bè phan bơna mờ phàu crong.

             Cau cih mờ yal tơnggit K’ Duẩn.